آهات انثى

البارت التاسع

انزلت ميعاد عشان تفطر مع ام بدر وهم على السفره لاحظت ميعاد ان ام بدر شكلها زعلانه او متضايقه فحبت تسألها تخفف عنها

ميعاد : ايش فيك خالتي. في احد زعلك او شي

ناظرت لها ام بدر بنظره ما افهمتها ورجعت تكمل اكل..

استغربت ميعاد من ام بدر .. هذي اول مره تشوفها بذي الطريقه .. كملت اكل وحاولت ما تشوفها ..

وبعد ما خلصوا ياكلوا ..جت ام بدر لها بغضب وقالت:

ليه سويتي كذه .. انا ايش قصرت معك عشان تقابي احسان بسوء

ما فهمتها ميعاد .. ظلت تشوفها بعين المستغرب من كلامها وقالت. : وش سويت انا .. لو في شي قوليه بدون ما تلفين وتدورين ..

ام بدر بغيض من كلام ميعاد : ليه تكلمتي مع بنتي ومع ام نزار .. انا ما قلت لك ما تتكلمي مع اي احد وهذا كان شرطي او لا ..

شافت لها ميعاد بنظره يعني ودك تتحكمي فيني اكثر من كذه وقالت بكل هدوء : رباب نرفزتني بكلامها وقعاده تقول كلام ما ينقال عني وعن هلي واني بلا شرف وانا ما قدرت اسكت لها .. سوي نفسك بمكاني ياخاله ..واذا على ام نزار هي سمعتني يوم كلمتك ذيك اليوم وجت عندي وقالت لي انها تدري اني اتكلم وانا كلمتها عشان ما تقول للباقي ..

ام بدر : ولو يا ميعاد .. انتي نقضتي الشرط ... وانا ما اقدر اسامحك ..

قامت ميعاد من مكانها وحست ان هذا الوقت المناسب عشان تمشي من ذا البيت وقالت : مادام انا بنظرك نقضت الشرط .. اجل استأذنك يا خاله .. انا بمشي من هنه واريحك مني ..

ام بدر بضحكه : هههههههااااي .. حبيبتي ... دخول الحمام مو مثل خروجه .. انتي فاهمه .. وطلعه من البيت مااافي انسي يا حلوه ( قالت كذه وهي ماسكه دقن ميعاد ورافعه راسها لها) وانا يوم قلت ما بسامحك معناتها انك رح تشتغلي عندي بدون مرتب وخدامه بعد ..

ميعاد ابعدت يدها من دقنها وقالت : انا مو عبده عندك تعامليني بذي الطريقه .. ومثل ما اخذتيني بيتك بطلع منه ..

ام بدر بصراخ : لا يا حلوه .. ما عاش من يسوي بعيالي شي واسكت له .. وفوق هذا خالفتي اوامري .. واتحملي الي بيجيك .. وخذتها غرفتها وسكرت عليها الباب وخذت المفتاح ومشت ..

حست ميعاد كأنها بسجن ومو قادره تطلع منه .. ظلت تفكر وتفكر .. ومهي قادره تفكر بطريقه تهرب من هنا ..

بسام : الحمد لله على السلامه عمي

سعد : الله يسلمك يا ولدي .. الا وين خوانك ..

بسام في البيت .. وانا والله ودي ياك في سالفه مهمه .. بس انا واخواني وياليتك تجي عندنا البيت لأن الموضوع حساس ..

سعد : اقلقتني يا بسام خير وش صار

بسام : لا تقلق. .. بس اذا جيت البيت بتعرف كل شي .. والحين استأذن منك بروح ..