راحت ميعاد غرفتها بعد شغل كثير وطلبات للناس وقالت بتنهديه : آااه تعبت. احس ظهري يتكسر ....
وراحت تمددت على السرير ومعها جوالها بعد مرور اكثر من شهرين ما فتحته ..
اول ما افتتح طلع عندها الكم الهائل من المكالمات والرسايل .. كان في 374 مكالمه اكثرهم من بسام والباقي من ابتسام وهند وافراح وسماح وعمها ومكالمه وحده من انوار ..
اما الرسايل كانت اكثر نصوصها من صديقاتها (( ليه مسكره جوالك .. )) (( خوفتينا عليك) )
واتفاجأت من رساله من سماح (( وينك .. وبعدين وش ذا المقلب .. صراحه طلع عليك حركات )) والثانيه (( ميعاد ليه مسكره الجوال .. وليد جنني ويقول لي دقي عليها شوفي رأيها موافقه او لا .. ))
والرساله الثالثه (( ليه تسافرين من دون ما اعرف .. انا خفت عليك وسألت انوار قالت لي انك مسافره مع عمك .. ترجعين بالسلامه) )
استغربت ميعاد انه للحين خبر اختفائها ما انتشر .. ورجعت فتحت رسايل ثانيه .. وحده من افراح وكانت مقلقه شوي (( ميعاد ترا انا خايفه عليك يكون صار لك شي .. كل ما اقول جايه عندك واكلم هند وابتسام يقولون انك مو موجوده او تعبانه بس انا حاسه انه في شي وخصوصا اخر مره قررت اجي عندكم بروحي .. ويوم جيت ما شفتك واستغربت وكانت انوار باين عليها التعب وصارت انحف من قبل .. ويوم سألتها قالت بتورتر (( اصلا هي سافرت مع عمي وطولوا بالسفر )) بس انا اعرفك ما رح تقدرين تسافرين وخصوصا انه انتي مسؤوله عن اخوانك وانتي احسك عمود البيت... ارجوك طمنيني عنك) )
يوم قرأت الرساله ذي حست بشعور غريب وكان ودها ترجع البيت وتهتم بسامي لأنه وحشها كثير .. حتى انوار اشتاقت لها ميعاد بالرغم الي سوته لها .. واشتاقت لحنية بسام وسؤاله عنها دايما .. بس قالت انها راح تكمل طريقها وتحاول تنساهم بس وين تنساهم.. هذول اخوانها وعشرة عمر مستحيل تقدر تنساهم .. كانت تدعي لهم بصلواتها ..
وكان في رساله من بسام خلتها تبكي ..
(( اختي وغاليتي ميعاد .. يامن كانت سندي ومن تقويني في حياتي .. يامن فعلت من اجلي الكثير .. البيت من دونك مظلم وموحش .. ارجعي ارجوكي .. فمنذ رحيلك لم اذق طعما للراحه .. ابحث عنك هنا وهناك بدون فائده .. اترضين لي ان اموت بالحياة .. اتصدقين انني انفصلت من رزان لأنها تركتني بأول موقف لنا .. وايضا انوار تحملت مسؤولية المنزل وسامي وانا واصبحت لا تتحدث كثيرا واحيانا ارها تبكي ولا اعلم لماذا. واريد ان اسألها عن السبب ولكن سرعان ما اتذكر ما وصلنا له بسببها .. ولقد اخبرنا الجميع انك مسافره مع عمي حتى لا يشك بك احد ولا تتشوه سمعتك من وراء احاديثهم ..
ولكن عمي عاد. ولا اعلم اي حجة سوف اخبرهم بها الان .. اتمنى من كل قلبي ان تفكري مليا برسالتي هذه وترجعي لنا فأنا لا أرضى الذل لك ابدا .. وان حدث شيء ما فأنا بقربك دوما فلا تقلقي صغيرتي) )
