كان نايم ولا حاس بشي وكأنه صار له ايام مو نايم على النومه الي نايمها .. وفجأه يسمع جواله يرن وكان مطنشه. . لين استوعب شوي ان في جوال يرن .. سحب الجوال وبكل كسل : الــــــو ..
عمر : وينك يا رجال .. سابع اتصال ولا ترد ..
بسام بين نومه : وانت وش تبي داق علي الحين .. خلني انام شوي ..
عمر بقلة صبر : اهوووووو .. صح النوم .. نسيت موعدنا والا وشو. .
بسام بتفكير : اي موعد ذا الوقت الساعه 6:30. وش موعده ..
عمر : اقول فز من نومك مافي وقت .. انت قلت نروح نرجع ميعاد الفجر والحين صبح والي يسلمك ..
بسام : من ميعاد .. وفجأه طار للهوا من فزعته وتذكر وش صار معه امس .. وقال .. ليه ما اتصلت الفجر يا غبي ياربي وش اسوي الحين تأخرت ..
عمر : لا. الحين رجعت لك الذاكره .. انا صليت فجر وظليت ادق عليك وانت ولا ترد .. وهذاني تحت في السياره انتظرك .. يالله اسرع قبل لا نتأخر اكثر ..
بسام راح طيران لعمه يصحيه وصلى فجر متأخر ( استغفر الله) وانتظر عمه يصلي وعلى طول راحوا طيران لعمر . طبعا العم سعد استغرب وجود واحد وهو يعرفه عمر .. وليه جاي معاهم . .واخذ بسام على جمب واسأله ليه هو معاهم
بسام : ياعمي هو يدري بكل شي ورح يساعدنا .. الحين مافي وقت افهمك لما نرجع اقول لك كل السالفه ..وتتعبوا الموقع الي ارسلته ميعاد ..
وقرر بسام يتصل على ميعاد عشان يقول لها انهم بالطريق.. ودق عليها وانفتح الخط ويسمع صراخ وبكى ويناظر من الشباك الي جمبه يشوف وحده تطيح من ثاني طابق ..
الحين بخلي ميعاد تتكلم عن نفسها ..
كنت احاول اتجنبه وما اخليه يقرب مني .. بس بدون فايده هو رجال وقوي وانا بنت ضعيفه ما ادري ايش بيدي اسويه .. كنت اعضه واضربه بأي شي جمبي .. كان شكله تعب من الضرب الي عطيته بالدرج وشبشبي .. والعطور كنت ارميها عليه الي تجي في راسه والي في صدره والي في ركبته .. وانا ما انكر تعبي وخوفي ذاك الوقت .. ومابين انا وياه مشغولين بالضرب رن جوالي انا على طول ركضت له اخذه واتفاجأ بيده امسكت يدي يبي ياخذ جوالي .. وبين العراك انفتح الخط وانا وبدر نصارخ ونتعارك وكان الشباك خلفي .. وفجأه هو دفني وما حسيت بنفسي الا في الهوا طايره وبعدها ما دريت بشي ..
رح اخلي بسام يتكلم عن نفسه . ..
