يوماً ما

Chapter 1

• ONE DAY •
1 ..
_________

" قاعدة مستنية دوري ، مش عارفة انا ليه حياتي بقت كدة !!
مكانتش كدة خالص !! انا كنت اكتر واحدة بتضحك ، كنت اكتر واحدة مبسوطة في حياتي ديه كلهاا !! يارب "

: انسة رناد عمرو ؟؟

رناد : ايوة اناا ..

: دور حضرتك ، الدكتور مستني حضرتك جوة ، اتفضلي ..

رناد : طيب شكراً ..

" دخلت الاوضة الي شاورتلي عليها و دخلت لقيت شاب كدة في اواخر العشرينات ، شكله مريح اوي .. "

: انتِ اسمك رناد مش كدة ؟؟ اتفضلي اقعدي هنا ..

" هزيت راسي اه و قعدت علي الكرسي الي قدام مكتبه .. "

: احب اعرفك علي نفسي ، دكتور أحمد شبراوي ، ستة و عشرين سنة !! و انتِ بقي عرفيني علي نفسك يلا ..

رناد : رناد عمرو ، تسعتاشر سنة ، و بس كدة ..

أحمد : طيب ممكن نبدأ دلوقتي .. ايه الي يخليكي تيجي لدكتور نفساني ؟؟ يعني اقصد انك صغيرة اوي علي انك تبقي عندك مرض نفسي او كدة ..

رناد : لا انا حصلي كتير اوي .. في الاول بابا و ماما اتوفوا *بعد الشر* و بعدين كان جنبي اتنين ، اغلي اتنين في حياتي .. واحد بعد و معرفش ليه لحد دلوقتي ، و التانية ظروف و كدة هي الي خلتهاا تبعد عني يعني ..

أحمد : طيب تعالي علي الشازلونج و ابدأ احكي قدامك ساعة كاملة تحكي فيها و بعدين لو ارتحتي معاياا هنتفق علي المواعيد ..

" هزيت راسي و بصراحة حاسة اني هكمل معاه .. هدوئه فب الكلام و معاملته كويسة ، حاسة اني مرتاحة و عايزة احكيله ..
روحت قعدت علي الشازلونج و بدأت .. "

رناد : كنت طفلة عادية جداً ، متدلعة جداً ، وحيدة بابا و ماما و اي حاجة عيزاهاا بتجيلي ، كان عندي جيران في البيت بتاعناا ، ولد و بنت .. كانوا اخواتي ف مكنتش ببقي عايزة او حاسة اني عايزة اخ ولد او اخت بنت ، هما كانوا جايينلي من السماء كدة .. " هبة و مهاب " .. طفولتي كانت كلها معاهم ، اي حاجة بعملها معاهم .. بابا و ماما عارفين باباهم و مامتهم ف احناا متربيين مع بعض و اي حاجة عايزة اعملها بتبقي معاهم .. مليش اصحاب تانيين ، يمكن عندي كتير بس محدش قريب غيرهم .. ده كان سبب مؤكد عشان هما قدامي في المدرسة و في البيت و مش بنخرج غير مع بعض ، حتي في ثالثة ثانوي لما قررنا ندخل قسم ، دخلنا كلنا علمي علوم و ده الي خلاناا بقينا مع بعض في الدروس حتي .. ف ده كان اكبر حاجة ممكن تخليني اتدمر لو اختفوا ، حياتي مبنية عليهم !! انا محبتش حد أدهم !!
بدأنا علي اننا اخوات ، انا و هبة زي التوؤام .. بنلبس زي بعض و كنا شبه بعض شوية في الملامح و طبعنا علي بعض في المعاملة ده الي خلا كله بيحس فعلاً اننا توؤام .. مهاب ده بقي ، زي ما تقول كدة حب الطفولة ، ببقي عيزاه جنبي و خلاص ، حتي لو بنلعب او بنهزر ، هو الوحيد الي عيزاه يبقي جنبي من الولاد ، بتبقي علي وشي ضحكة غبية و هو جنبي !! مش عارفة ايه سببها !!

" بدأت افتكر كلام كتير ، شريط حياتي عدا كله من قدامي تاني .. و بدأت اعيط .. "

رناد : ممكن نكمل يوم تاني ؟؟

أحمد : اه طبعاً مفيش مشكلة ، اتفضلي ..

"و شاورلي علي كرسي المكتب و هو قام قعد علي مكتبه "

أحمد : حاسة انك ارتحتي شوية لما اتكلمتي ؟؟

رناد : كتير ..

أحمد : تحبي مواعيدك تبقي امتي ؟؟

رناد : كل يوم ، و شوف انتَ فاضي امتي و قولي المعاد ..

أحمد : من سبعة لثمانية كويس ؟؟

رناد : تمام اوي ، شكراً يا دكتور ..

أحمد : علي ايه ده شغلي ..

رناد : مع السلامة ..

" خدت شنطتي و نزلت ركبت عربيتي و سوقت لحد الكورنيش .. مش عارفة سابوني ليه !! "

_______

هاي جايز😂❤️..

رجعت القصة بس غيرت احداثهاا بس مازالت نفس القصة يعني ، و اتشقلبت فيها شوية و اخترعت اسم و حاجات كتير اوي !!😂🙆🏻..
القصة اتغيرت بالCover و الdescription معاداا شكري لهبة مازال
هو هو❤️ !! hebaahmed_32 ..

Mohab_Emad
يارب تعجبكوا بقي و كدة💃🏻💃🏻