• One Day •
8 ..
"ياريت فوت و كومنت يا جماعة عشان التفاعل زبالة بصراحة ربنا😂💙"
____________
" صحيت الصبح و لبست و طلعت بسرعة اسقي الورد و نزلت خدت كتبي و الموبايل و مفاتيح العربية و الورقة الي مهاب كاتبهالي و نزلت علي الجامعة ..
دخلت و قابلت روان لحد ما محاضرتي جت و دخلت .. معملتش اي حاجة و فضلت ساكتة لحد ما خلصت و طلعت روحت علي البيت و عديت علي طنط خبطت عليها " ..
رناد : مش معني انك زعلانة مني ف معديش صح ؟؟
طنط : انتِ عارفة اني مش زعلانة منك ! انتِ عارفة اني زعلانة عليكي ..
رناد : مقداميش حل غير كدة !
طنط : بكرة يرجع و كل حاجة تبقي كويسة ..
رناد : بيكلمك ؟؟
طنط : اه كل يوم .. *لحظة سكوت*.. مش ناوية تكلميه؟؟
رناد : لا ..
طنط : ليه كدة !
" سمعت صوت تيليفون بيرن .. انا عارفة ان هو .. ليه ممشتش ! ليه فجأة جسمي وقف !! عقلي بيقولي امشي عشان مكلمهوش و جسمي عايزني افضل واقفة ! كأن في حاجة هتتغير مثلاً !! فضلت واقفة لحد ما طنط ردت و بعدين بصتلي " ..
طنط : ايوة يا حبيبي .. انا كويسة الحمدلله .. وحشتني اوي يا مهاب !
" شاورتلها تفتح السبيكر بحركة غير إرادية !! انا ليه بعمل كدة !! شغلت السبيكر " ..
مهاب : الوو .. انتو كويسين ؟؟
طنط : اه كويسين ! الحمدلله ..
مهاب : مش بتشوفيها ؟؟
طنط : لا بشوفها .. اهيه قدامي اصلاً !
" انا قعدت اشاورلها لا كتير و مفيش !"
مهاب : هي كويسة ؟؟ حد اتقدملها ! قولي لا عشان خاطري .. وحشتني اوي يا ماما ! عايزة اسمع صوتها طيب ! قوليلها بس كدة !!
طنط : انا فاتحة السبيكر و هي سمعاك ..
مهاب : وحشتيني علي فكرة .. بطلي نشفان دماغ و ردي عليا عشان خاطري !! طب موحشتكيش ؟؟ فاكرة يا شمامة ؟؟ طب بوصي بوصي .. *تنهيدة* فاكرة لما كنتِ بتقعدي تشديني من خدودي ؟؟ قصدي من خدي لحد ما طلعلي خدود بسبب شدك لهم ؟؟ فاكرة .. فاكرة لما كنا متفقين اننا هنروح ديزني لاند مع بعض ؟؟ و في الاخر ماما صدمتنا بالحقيقة ان اخرنا دريم بارك ؟؟ رناد عشان خاطري ردي ! مش عايز اسمع ولا وحشتني ولا حبيبي ولا بحبك ولا يوغتي ولا امال ولا الاء ولا هوبا ولا اي حاجة .. اسمع صوتك بس ! طب طب بوصي .. متتكلميش .. كحي طيب اتنفسي بصوت عالي .. رناد عشان خاطري ..
أنت تقرأ
يوماً ما
RomanceWe drifted a big part , but in heart. There is no space .. And we will be without space | one day | ..
