عارفة ان بقالي كتير مش بنزل و صعب انزل بأنتظام عشان الدراسة و كدة بس كل ما اعرف انزل بارت هنزل💕
وحشتوووني اوووي!!🌍
____
" سؤال مهاب غريب! و قلقني ، مفكرتش فيه قبل كدة!! او بمعني اصح مش عارفة هو ليه قاله و دلوقتي! "
مهاب : تفتكري هنزهق؟
رناد : من؟
مهاب : من بعض؟ يعني مثلاً تخيلي بعد الجواز كدة ، هنبقي مثلاً كل يوم في وش بعض!
رناد : من اول ما كنا ضغيرين و احنا في وش بعض يا مهاب ايه هيتغير؟
مهاب : مش عارف بس دايماً خايف تبقي هتزهقي او زهقتي!
رناد : مهاب انتَ عارفني ، انا لو زهقت هقولك نسيب بعض! مش هبقي مجبرة اني اكمل مع واحد زهقانة منه او بطلت احبه! مش غصب عليا يعني! فاهمني؟
مهاب : فاهمك اه.
رناد : هدوئك قالقني!
مهاب : مستغرب بس ، مكنتش متخيل ان في يوم هتكلم انا و انت بجد كدة😂
رناد : تصدق اني غلطانة؟ انا بكرهك اصلاً قوم بقي يلا..
مهاب : انا بحبك!
رناد : اعتبرك بتصالحني؟
مهاب : او ممكن تعتبريني بعوضك عن كل الي فات الايام الي مكنتش عارف اكلمك فيها ، بسبب دماغ ام حضرتك الزبالة ديه!!
رناد : مسألتش ليه عن هدية عيدميلادك الي انا نفسي نسيت هي فين؟
مهاب : مش عارف !! يلا قومي وريهالي انا اصلاً مادي حقير..
رناد : معروف اه!
" قمت انا و هو و ركبنا العربية و روحنا البيت و طلعنا عندي و قلبنا الدنيا علي الهدية"
مهاب : قُلتي العلبك لونها ايه؟
رناد : ازرق و منقط ابيض! ديه سادس مرة تسأل !!
مهاب : طب ميمشيش معاكي اخضر و خطوط صفراء؟
رناد : عارف يا مهاب ديه لو علبة هديتك فعلاً؟ كان زماني رميتها من اول ما جبتها اصلاً!🙄 ... مهاب مهاب لقيتهاااااااااااا!!!!
" طلع يجري و جالي و قعدنا علي السرير و فتحت العلبة"
رناد : بُص بقي يا سيدي! ده حوف M زي ما انت شايف ، بس لو دوسنا علي الزرار ده هينور! ايه ده! اكيد الحجارة فضيت! هقوم ادور علي حجارة و انت اتفرج علي الصور الي ملزوقة في الجنب ديه و في صور تحت بس اوعي تفتح حاجة تانية!
أنت تقرأ
يوماً ما
RomanceWe drifted a big part , but in heart. There is no space .. And we will be without space | one day | ..
