يوماً ما

Chapter 7

• One Day •
7 ..
____________

" فضلت اتقلب في السرير و مش عارفة انام خالص ! ببوص في الموبايل لقيت الapplications كلها نزلت .. قعدت ادخل الايميل و الباسورد بتوع كله و لقيت ماسيدجات كتييييير اوي و كدة قعدت ارد عليهم كلهم و مسحت صوري الي علي الانستاا عشان من سنة و شكلي زي الزفت فيهم يعني و بعدين دخلت علي الفيس و كتبت "back💃🏻👏🏼" لقيت ناس كتير عملت لايكس و كتبوا كومنتس و كله .. دخلت كلمت روان واتس اب اقولها هتروح بكرة الساعة كام و طبعاً كانت نايمة فضلت كل ده لحد الساعة ستة و نص الصبح ! طبعاً مش هنام ساعتين و نص ! مش هعرف اصحي اصلاً ! ف قمت فتحت الدولاب و شيلت اللبس الاسود و اللبس الي مش بلبسه و قعدت اظبط الهدوم كلها كلهاا و بعدين دخلت علي التسريحة حطيت الميك اب الجديد و رميت القديم الي باظ اكيد .. ببوص في الساعة لقيت ناقص لسة ساعة!! طب اعمل ايه اعمل ايه ؟ خدت مقشة و طلعت انظف الروف .. فضلت انظف فين و كان مزبلة بمعني الكلمة .. كنسته و قعدت امسح الكراسي و المكتبة و كدة .. بصيت علي الكتب و شديت كتاب مكنتش قرأته و خدته معايا و نزلت خدت شاور بسرعة و لبست و نزلت .. وصلت الجامعة و ناس كتير من الي كانوا بعتين لي جم سلموا علياا و بعدين روحت لروان " ..

روان : ايه يا بنتي كل الناس ديه الي بتسلم عليكي ؟ كانوا فين من كام يوم !

رناد : كنت قافلك كل الsocial media ف كانوا تقويباً فاكرين اني كئيبة و كدة ف مبقوش يكلموني و لما رجعت فتحت تاني جم سلموا بس ..

روان : يلا ما عليناا .. لسة بتروحي لاحمد ؟

رناد : اه .. انا مش بروح عشان مريضة نفسية اد ما بروح عشان كنت محتاجة احكي لحد .. بس ..

روان : ايوة ايوة فاهمة ..

رناد : بما ان ناقص ساعة علي المحاضرات .. احكي بقي اتعرفتي انتِ و مهند علي بعض ازاي 😂💕..

روان : بوصي يا ستي .. بابا كان عنده واحد صاحبه مخرج .. و مهند ممثل .. ف صاحب بابا ده اسمه مراد .. المهم عمو مراد كان اخرج مسلسل لمهند جديد و كان عامل عنده حفلة ف مهند كان هناك و بابا خدني معاه .. اول ما شوفته عملت كدة اصلاً 🤤 .. بس حاولت مبينش يعني .. و بعدين انا كنت اعرف بنت عمو مراد و كنا اصحاب و كدة ف اتصورنا و انا نزلت الصور عندي و عملت الlocation و كدة .. المهم يعني .. بعدها بأسبوع لقيته جيه بيكلمني ف قالي مش انتِ الي كنتِ في الحفلة مع ياسمين و كدة ؟ ف قلتله اه بس و قعد بقي يتكلم و بتاع و بعدها بشهر قالي بحبك .. ساعتها بقي سألته جبت اكونتي ازاي .. اتاريه دخل علي الlocation بتاع الفيلا و لقا صور كتير و فضل يشوف لحد ما لقا الصورة بتاعتي الي منزلاها في الlocation هناك و جاب الاكونت بتاعي .. بس انا كنت مصدومة ! ايه الدماغ ديه ؟ المهم يعني بعد ما قالي بحبك ب شهر تاني جيه اتقدم .. هو كان هيجي قبل كدة بس كان عنده شغل و تصوير و كدة ف كان مشغول يعني .. بس كدة ..