• ONE DAY •
10 ..
__________
" لفيت وشي ملقتش حاجة ورايا ، رجعت ابص علي أحمد لقيت هبة في وشي !! انا مش عارفة مبسوطة ولا زعلانة ! مش عارفة بحبها ولا لا !! مش عارفة اي حاجة !! هي واقفة في وشي دلوقتي ؟؟ و بتعيط ؟؟ بصيتلها و ضحكت " ..
رناد : بتعيطي ليه ؟؟
هبة : وحشتيني
رناد : لما انا وحشتك مفكرتيش تكلميني تطمني عليا ؟؟
هبة : حصلي مشاكل كتير و اتسرقنا هناك و ضربوا حسين و دخل المستشفي و التيليفون اتسرق و النمر كلها ضاعت ! و الله العظيم عمري ما نسيتك ولا يوم يعدي من غير ما اكتبلك كل حاجة عايزة اقولهالك !!
" انا عيطت و حضنتها جامد ، كانت وحشاني اوي !! اوي كمان !! لقيت حسين داخل وراها و شايل بيبي صغير😱💕!! انا جريت عليه و خدته منه و بصيت لهبة "
رناد : بنتك ؟؟
هبة : ليلي❤️
" قعدت ابوسها جامد و احضن فيها جامد لحد ما أحمد جيه وقف قدامي " ..
رناد : مش عارفة اشكرك ازاي علي فكرة ..
أحمد : لسة التانية !!
رناد : هو لسة في حاجة احلي من الهدية ديه ؟؟
" أحمد سقف و لقيت .. هو ! لقيته طالع من تحت المكتب ، عدل هدومه و طلع نص التورتة التاني و كان هو الي عليه و بعدها جيه وقف قدامي .. "
رناد : ابعد عني !! مش عايزة اشوفك !! كنت مبسوطة يا أخي بالعيدميلاد ده !! ايه الي جابك ؟؟ ابعد عني انا بكرهك !!
أحمد : اهدي بس كدة !! احنا هننزل مستنينكوا في العربية عشان نكمل الخروجة ، متتأخروش بقي ..
" نزلوا كلهم و مهاب قرب مني " ..
رناد : أبعد بقولك !! *زقيته* عايز ايه ؟؟ مبحبش الكدابين !! قلت مش هتبعد و بعدت !! انتَ كسرتني بعد وفاة بابا و ماما !! انتَ ! انتَ كداب !!
مهاب : مش كداب ! و الله مش كداب ! انا قلت مش هبعد .. و انا مبعدتش ! انا لسة موجود ! لما ابعد ابقي موت او حتي سبتك ! انا مسبتكيش !! انتِ عارفة اني سافرت و رجعت بحبك ! مفكرتش في ولا واحدة هناك !! مكنتش ببص اصلاً ! مش عايز ادي مساحة لتفسي اني اشوف بنت حلوة حتي او وحشة !! انا كنت هكمل !! و كنت عايز اكمل !! بس خدت اجازة و نزلت قلت هشوف الجامعة هنا هعرف ادخل ولا لا و لو كدة هكمل هنا ! عارفة يعني ايه رجعت من المطار علي هنا ؟؟ مروحتش سلمت علي ماما و بابا حتي !! انتِ عارفة اني بحبك ! و عارفة و متأكدة كمان ! اوعدك مش هسيبك !! وعد ، و لو سافرت هكتب الكتاب و اخدك معايا !! معنديش استعداد اتعب تاني نفس التعب الي تعبته لما مكنتش بشوفك كل يوم غير صور بس !!
أنت تقرأ
يوماً ما
RomanceWe drifted a big part , but in heart. There is no space .. And we will be without space | one day | ..
