Umaga. Nag-iisip. Tulala.
Maraming tumatakbo sa isipan
Ilang emosyon na rin ang naramdaman
Ngunit sa pakiwari, ito ay kulang
Kaya nama'y nilaro ang mga letra
'Di ito 'yong larong ginawa mo sa kanya
Ito 'yong larong pwedeng magpangiti
Sa kanyang matamis na labi
O 'di kaya'y magpaiyak
Sa kanyang mga matang nakakastarstrack
Dahil habang binabasa nya 'to,
Pangalan mo ang nakatatak dito.
Teka, tanong ko lang,
Mas marami pa bang tao ang nilaro mo,
Kaysa sa mga letrang nilaro ko?
