مش هنكر ان كلام سيلين كان كله في دماغي و مخوفني لكني كان عندي ايمان نوعاً ما ان كل حاجه هتبقي كويسه،
قررت اني انام ف الطياره لحد مانوصل لندن بسلام عشان اضيع احساس الخوف و فعلا نمت..
صحيت علي صوت لونا و هي بتقولي اننا وصلنا مكنتش مصدقه اننا وصلنا بسلام لكن كنت شاكره لله علي سلامتناا،
خلصناا اجارائات المطار الممله و لما خرجنا برا كانوا بابا و ماما مستنين خروجناا، لونا اول ما شافتهم جريت علي ماما و حضنتهاا و بعدها باباا و انا كنت خايفه من كلام سيلين و مش مركزه ان بابا و ماما واقفين اصلا ! انا كنت خايفه علي صوفيا اوي وبس
ولما ادركت اخيرا ان بابا و ماما واقفين معملتش اي حاجه غير اني كنت بزعق عشان سابوا صوفيا لوحدها وكنت عايزه نروح البيت في اسرع وقت
لونا مسكتني و بدأت تهديني و ماما و بابا اتقبلوا الوضع اللي كنت فيه لأنهم كانوا عارفين ان في حاجه خطر عايزه اقولهم عليهاا و لذلك رجعت لندن قبل ما الاسبوع يخلص.
وصلنا البيت بعد ساعه الا تلت وانا كنت علي اعصابي ولو كان حصل لأختي حاجه كنت هجيب الذنب كله علي نفسي عشان مقدرتش احميها،
اول ما وصلنا جريت علي البيت و دخلت لأختي و حضنتها جامد اول ماشوفتهاا * هي ذات نفسها استغربت مش انتو بس*،
بعد ما ارتاحنا شويه انا و لونا من السفر و ماما عملتلنا عشاء بسيط دخلت حطيت جزء من التعويذه في اكل العشاء و بعد ما كلنا جمعتهم كلهم عشان احكيلهم انا و لونا علي اللي حصل و ادوارد و مامته و باباه كانوا موجودين
حكيتلهم كل كلام سيلين من الالف للياء، زي ماكلكوا متوقعين رده الفعل فعلا هما اتصدموا جداً و ماما بدأت تعيط و حصلت كل حاجه ممكن تتوقعوها لكن للأسف اخر حاجه كنا كلنا ممكن نتوقعها ان ادوارد ينفصل عن صوفيا، كان واحد حقير فعلاً و جبان و حتي معترفش بعياله و خرج هو و اهله من البيت و طلق صوفيا بعدها بيوم *فهمتوا ليه بكره العلاقات العاطفيه! *، صوفيا كانت منهاره من كل ناحيه كنا بنحاول انا و لونا علي قد مانقدر نخفف عنها لكنها اتلهت في النهايه بيها و بأيلزابيث و نسيت ادوارد تماماً،
اليكس كان طول الوقت هادي جداً لدرجه اني مكنتش بلاحظ وجوده احيانا، كان لازم اهتم بيه من البدايه اكتر من ايلزابيث.
في يوم كنت معديه من قدام اوضه ايلزابيث و سمعتها بتتكلم مع حد بس مكانش بيرد عليها كانت بتتكلم و ترد كأنها هي اللي سامعاه بس ، في الوقت دا افتكرت كلام سيلين عن الجن اللي بيكلم ايلزابيث، بدأت اخاف بس استجمعت شجاعتي و دخلت
لقيتها قاعده علي سريرها و مفيش اي حد معاها ولا في العاب حتي بتلعب بيها ، فا روحت جمبها و سألتها ' بتكلمي مين يا ايلزابيث ؟ ' سكتت شويه و مردتش غير بعد دقيقه يمكن و قالتلي " هاري ".
كنت بحاول افكر بمنطقيه قبل ما افكر في كلام سيلينا لكن في النهايه كلام سيلينا اللي انتصر،
سألتها " مين هاري ؟ "
قالتلي " صديقي "
قولتلها بس انتي محدش معاكي ف الاوضه يا ايلزابيث يا حبيبتي ، قالتلي هاري قاعد جمبك و بيبصلك * انا تقريبا قلبي وقف لما قالت كدا * خدت ايلزابيث و طلعنا برا الاوضه ف اسرع وقت من بعد ما قالتلي كدا، لو كنت ناويه اسألها براحتي و اذا كان في جن فعلا فا لازم نكون انا وهي في مكان تاني غير اوضتها احسن.
كلنا عارفين ان صعب جداً تاخد معلموات من طفله لكني كنت بحاول اعرف اي حاجه علي قد ما اقدر،
قعدت معاها و قولتلها احكيلي عن هاري
قالتلي دا صديقي و بيجي يلعب معايا
قولتلها صديقك الخيالي ؟
قالتلي لاا ، انا مكنتش عارفه ارد اقول ايه فا لقيتها بتقولي " هاري واقف جمبك و بيقولك انك حتي لو خرجتي من الاوضه متنسيش انه جن و يقدر يخرج وراكي ". قالت كدا وهي مبتسمه
مفيش حاجه خوفتني قد كلمه " جن "
و اتأكدت ان كلام سيلين كله صح ومكنتش عايزه اتسرع و اقول لأهلي علي الموضوع دا و قررت اني احاول اتواصل مع الجن اللي بيكلم ايلزابيث..
