عدي سنه ونص من اليوم اللي هاري قالي فيه ان الوقت المناسب قرب، بصراحه كان كل يوم بقضيه مع هاري في السنه و نص منسيني انه هيفهمني حاجات كتير في وقت مناسب..
كنا لسه انا و لونا بُعاد عن بعض، انا و صوفيا علاقتنا مش كويسه كالمعتاد و ماما و بابا كانوا قليل لما بيكلموني ، صحابي محدش كان سأل عليا من فتره كبيره و حتي سيلين متصلتش من اليوم اللي اتصلت بيا فيه تحذرني من هاري و موبايلها مغلق، اليكس كان بقي يقضي معايا وقت قليل بنلعب فيه سوا و ايلزابيث، ايلزابيث كان فاضل شهرين علي عيد ميلادها السابع
كل ماكنت بفتكر كان قلبي بيتقبض لأني عارفه ان في حاجه وحشه هتحصل حتي لو مش من هاري لكنها هتحصل.
في منتصف الليل كنت مستنيه هاري يجي كالعاده لما جه كنا بنتكلم و بنهزر و فتحنا مواضيع كتير ، كانت كل حاجه فيه بتشدني ليه
كان نفسي يبقي انسان زيي لكني حبيته زي ماهو وهفضل احبه للأبد،
للأسف لونا حكت لأهلي كلهم علي كل حاجه لأنها كانت شايفه ان فاضل شهرين علي عيد ميلاد ايلزابيث السابع ومفيش حاجه اتغيرت للأحسن وكانوا عارفين انه هيكون عندي بعد منتصف الليل و كانوا سامعين كل حاجه من ورا الباب ولما حسيت بيهم قولت لهاري بهمس يمشي فوراً،
اول ما مشي لقيت بابا بيفتح الباب جامد و بيزعق بكل قوه عنده، كانت اول مره اشوف بابا كدا! ضربني و هزقني و قرر انه هيحبسني في الاوضه تحت مراقبه من 3 حراس و كاميرا مراقبه في اوضتي ومفيش اكل يدخل الا كل يومين مره
ماما كانت مشجعاه علي اللي بيعمله و لونا كانت واقفه بتتفرج وحتي محاولتش تدافع عني بأي طريقه، صوفيا اختي اللي كنت خايفه عليها واللي دخلت نفسي في كل المشاكل دي بسببها كانت واقفه بتضحك و مبسوطه، ايلزابيث الوحيده اللي كانت بتعيط و جريت بعيد، مكنتش اعرف ان اقرب الناس ليا هتكون بالقسوه دي كلها
كنت عارفه ان مستحيل اشوف هاري تاني لكن مفقدتش الامل،
ليه دايماً الناس مش بتتقبل فكره الحب المختلف لمجرد انه مختلف ؟
لو كان في ايدي اختيار مكنتش هختار اني احب جن ، مكنتش هختار اني احب اصلا لأني طول حياتي بكره العلاقات العاطفيه!
كانت اسئله كتير بتيجي في بالي وانا محبوسه في الاوضه، كنت رافضه الاكل اللي كان بيجيلي كل يومين مره، كنت بفكر اخرج من الشباك لكن كاميرا المراقبه اللي في اوضتي كانت هتصور كل حاجه، فكرت اعطلها لكني كنت عارفه انهم حاطين واحده تانيه انا مش شايفاها عشان كانوا متوقعين تصرف مني زي اني اعطل الكاميرا ولو كنت عطلت اللي انا شايفاها كانت اللي انا مش شايفاها هتصور كل حاجه دا غير ان في حراس قاعدينلي قدام الكاميرا مخصوص و شايفين كل حاجه اول بأول،
كنت شايفه ان بابا مزود الموضوع اوي وكنت عارفه ان الموضوع اكبر بكتير من انه يكون بسبب اني بحب جن
فضلت شهر ونص محبوسه في الاوضه، كان نفسي اخرج و كان نفسي في حاجات كتير اوي لكني كنت مستحمله كل شئ عشان بس هاري اللي كنت مشوفتوش من اليوم اللي اهلي عرفوا فيه كل حاجه، كان فاضل 8 ايام علي عيد ميلاد ايلزابيث وكان كل يوم بيعدي قلبي بيتقبض معاه وانا محبوسه و مش قادره اعمل حاجه وكنت خايفه علي صوفيا بالرغم من كل حاجه لأنها اختي.
كنت تعبانه جدا في نهايه اليوم من التفكير ونمت،
" انتي عارفه انا خدت وقت قد ايه عشان اعرف بس اجيلك دلوقتي يا بيلا ؟ " قالها وهو واقف بعيد.
" هاري! " رديت بأندهاش.
" حتي لو منعونا اننا نشوف بعض في الحقيقه، حتي لو حطوا مليون حارس قدام باب اوضتك ، حتي لو حطوا ملايين الكاميرات في اوضتك مش هيمنعونا نشوف بعض في احلامك " قالها بصوت لطيف، كنت فرحانه اكتر من اي وقت في حياتي ، كنت متأكده اني هشوفه و للأسف مكنتش عارفه اتحكم في نفسي جوا الحلم ولا في كلامي ومقدرتش اقول غير ' هاري ' في بدايه ما شوفته لكني كنت فرحانه و انا متأكده انه كان عارف اني فرحانه
" هتقدري تتكلمي حاولي تتكلمي و هتعرفي و هتقدري كفايه انك في الحلم و عارفه انك بتحلمي و عارفه اني حقيقي و دا اكبر دليل علي انك تقدري تتكلمي " قالها بصوت مليان تشجيع ليا و الصراحه نجح فعلا في تشجيعي واتكلمت!
مكنتش مصدقه اني قادره اتحكم في نفسي في الحلم ولا مصدقه اني بكلمه وانه حقيقي وكمان كنت متحكمه في اني اصحي من الحلم في الوقت اللي انا عايزاه و دا كان احسن حاجه حصلتلي في حياتي، انا بحب هاري جداً، الاحلام كانت اشبه بعالم خاص بينا، عالم بعيد عن اذي الناس و انتقادتهم ، عالم بعيد عن اوضتي البائسه اللي مليانه حزن و تعاسه و تقييد للحريه ، عالم كل اللي عليا اني انام و هدخل فيه، مكنتش بنوي ابداً اني اصحي من كل حلم كنت بحلمه لكن كان لازم احافظ علي اني انام و اصحي بأوقات مظبوطه عشان كاميرات المراقبه وعشان محدش يشك في حاجه وكنت بستمر بتمثيل اني مش كويسه عشان بردو محدش يشك في حاجه لكني انا، انا كنت بموت من الفرحه!
هاري قالي في حلم من الاحلام انه هيشوفني في الحقيقه قريب وانه هيقولي علي كل حاجه في وقتها،
كان فاضل يوم واحد علي عيد ميلاد ايلزابيث
كنت مرعوبه لكني كنت بتحاول اتماسك لأخر لحظه، عديت اليوم كالمعتاد
وجه يوم عيد ميلاد ايلزابيث، من اول ما الساعه دقت 12 وانا مكنتش عارفه اعمل ايه من الخوف و نمت بعد عذاب طويل و صحيت الساعه 9 الصبح، و اخيرا بابا قرر يطلعني اليوم دا من الاوضه بما انه عيد ميلاد ايلزابيث و العيله كلها لازم تكون حاضره
اشك انه معتبرني من العيله اصلا لكني شوفت الموضوع فرصه كويسه وهكون موجوده لو حصل اي حاجه وهحاول علي قد ما اقدر اخلي عيني علي ايلزابيث، مكنتش شوفت افراد عيلتي كلهم لمده شهرين فا لما خرجت من الاوضه كنت حاسه نفسي غريبه ومتكلمتش مع حد ولا حتي لونا
لونا هي اللي كانت سبب في اني اتحسبت في الاوضه وبالرغم من ذلك اول ماشوفتها كان نفسي احضنها دي اختي بس للأسف مقدرتش، ماما شافتني وكنت بالنسبالها عادي كأني حد غريب!
الكل كان بيعاملني علي اني كدا يعني،
عيد ميلاد ايلزابيث اتعمل وكل حاجه كانت كويسه ، كنت مراقبه ايلزابيث كويس طول الوقت ولما كان بيبقي معاها حاجه حاده زي سكينه او شوكه كنت بروح اقف جمبها و كنت مراقبه اليكس بردو للأحتياط، مم بصراحه كنت مراقبه الكل لأني كنت متوقعه ان الخطر هيجي من اي ناحيه
حفله عيد ميلاد ايلزابيث السابع خلصت الساعه 11 بليل، كان فاضل ساعه و اليوم الجديد يبدأ وكنت عارفه ان اكيد هيحصل حاجه في الساعه دي لأنها اخر ساعه في اليوم لكن محصلش حاجه و الساعه جت 12 وكل حاجه كانت كويسه و اتطمنت عليهم كلهم وكنت مبسوطه ان اليوم عدي علي خير لأني مكنتش متوقعه خالص انه هيعدي علي خير و كنت مبسوطه ان ايلزابيث كبرت و بقي عندها 7 سنين،
بابا قرر انه هيرجعلي حريتي تاني وهددني انه لو عرف اني كلمت هاري هيقتلني، اه هيقتلني.
تجاهلت تهديده لأني كنت عارفه اني هكلمه و بعد عيد ميلاد ايلزابيث بيوم قررت اخرج اتمشي في شوارع لندن
تقريباا قعدت ساعه بتمشي و تعبت و قعدت في مكان هادي ومكانش فيه اي حد وكان قدام البحر* بحر مش للسباحه *،
لقيت هاري جمبي، الصراحه اتخضيت و فرحت في نفس الوقت
كان بيبص للبحر وهو بيقول بصوت هادي " جه الوقت المناسب عشان تعرفي كل حاجه يا بيلا ، مش عايزه تعرفي ؟ "
لحسن حظي ان المكان كان هادي جداً ومفيهوش اي حد و الا كان اي حد هيشوفني هيقول مجنونه وبتكلم نفسهاا،
" اكيد عايزه اعرف ، انا مستنيه الوقت دا بقالي كتير اوي يا هاري " رديت وانا صوتي مليان حماس و تشويق و خوف.
" انا هحكيلك كل حاجه من البدايه للنهايه " رد بصوت هادي.
استنيته يحكي و كنت قاعده متشوقه للي هيقوله.
" انا كنت انسان زيك قبل ما يحصل فيا كل دا ، كنت بحبك و كنتي بتحبيني كنا في علاقه عاطفيه
اسمك الحقيقي بيلا ، مامتك الحقيقيه هي اللي سمتك الاسم دا، كانت بتحبك اوي وكنتي اغلي حاجه في حياتها و عيلتك اللي عاملين نفسهم عيلتك دول مش عيلتك ولا لونا اختك ولا صوفيا اختك ولا تقربيلهم بأي صله، دول كانوا عيله كبيره اوي علي ايامنا واحنا صغيرين و مشعوذين و بيستخدموا السحر في كل حاجه و كان عندهم ابن وكان بيحبك جداً بس انتي كنتي بتحبيني انا و انتحر بسببك ومن ساعتها اهله حلفوا انهم مش هيسيبوكي في حالك و هيحسروا اهلك عليكي زي ما ابنهم انتحر و اتحسروا عليه ، خطفوكي وكنت انا الوحيد اللي شايف كل اللي عملوه فيكي، مسحوا ذاكرتك و مسحوا كل اللي في حياتك من دماغك و خلوا ذاكرتك تكون مليانه ذكرايات معاهم كلها كدب كنت بحاول انقذك لكن مقدرتش مقدروش يقتلوني لأنهم كانوا هيتمسكوا فا قرروا يحولوني لجن عشان مقدرش اتواصل مع حد و ابين الحقيقه لكن من اللحظه اللي حولوني فيها لجن وانا كنت مراقبك طول الوقت و بحميكي بطرقي الخاصه، كلهم كانوا كل السنين دي بيمثلوا عليكي انهم بيحبوكي و حتي لونا كانت بتمثل عليكي انها بتحبك بس مكانتش تعرف اي حاجه كانت كل اللي تعرفه ان اخوها مات بسببك وانها لازم تمثل عليكي عشان كدا لما كنتي بتحكيلها عني كان الموضوع بالنسبالها عادي و الغريب اني جن وبس والوحيده اللي مكانتش متقبله الموضوع هي صوفيا وعشان كدا علاقتك بيها مكانتش كويسه وكانت متضايقه من لونا انها قربت منك حتي لو بالكدب عشان كدا خلت علاقتها مع لونا متبقاش كويسه بردو و سموكي ايما ومكانوش بيقولو بيلا ابداً و استقروا بيكي برا امريكا عشان يأمنوا نفسهم من اي خطر و علي مر السنين كنت بدأت اتعلم حاجات جديده بقدراتي ك جن و بدأت اتدخل عشان اخربلهم حياتهم زي ما عملوا فيا و فيكي ، لما لقيتك قربتي من ايلزابيث اول ما اتولدت عرفت اتواصل معاها و اهتم بيها لأنك كنتي بتحبيها و بدأت اعلمها كل حاجه و حبيت اخليها تنطق اول كلمه اسمك الحقيقي كنت فاكرك هتفرحي بكدا ومكنتش اعرف انك هتخافي،
المرايه اللي اتكسرت و ايلزابيث وهي قاعده علي الشباك و كاميرا المراقبه اللي في الشارع كله كان بسببي عشان اخوفهم ومكنتش ناوي اأذي ايلزابيث ابداً ، صريخ البنت اللي بيتها اتحرق اللي سمعتيه كان بسببهم هما كانوا عايزين يشككوكي في نفسك لما لاحظوا انك بقيتي تخافي عليهم كتير ولما قررتي تروحي لدكتور نفسي اتصدموا من قرارك و كانوا عارفين ان الدكتور هيعرفك انك فاقده الذاكره مع الوقت و عشان كدا استدعوا شيطان يتشكل في هيئه طبيب مشهور عشان يقابلك و يقولك ان كل حاجه كويسه و لذلك لما قررتي تروحي للدكتور تاني بعد كدا مكانش يعرف انتي مين ، الشيطان اللي استدعوه كان يعرفهم من قبل ما يستدعوه وهو اللي قص اطراف شعرك و حطها في بوق ايلزالبيث ولما اللي مربينك علي انهم اهلك شافوا كدا عرفوا ان دا عمل شيطاني و استدعوه في مهمه الطبيب و بدأوا يمثلوا دورهم في انهم العيله المثاليه اللي خايفه علي اسرتها و حطوا كاميرات مراقبه مكانتش شغاله اصلا وجابوا حراس و دا كله عشان يحسسوكي انهم طبيعيين جداً ، لكنهم كانوا عارفين ان كل اللي بيحصلهم من اعمال شيطانيه ومهما حصل الشياطين مش هتقدر تتدخل لدرجه انها تموت حد فيهم فا مكانوش خايفين زيك و لونا كانت مندمجه معاكي شويه لأنها مكانتش تعرف حاجه بس في نفس الوقت كانت بتمثل عليكي ، سيلين مكانتش سيلين
سيلين صاحبتك الحقيقيه ماتت من زمان جداً و سيلين اللي كانت بتكلمك طول الوقت كانت شيطانه كانت بتحبني و عايزاكي تبعدي عني و كانت متشكله علي هيئه صاحبتك و كل الكلام اللي كانت بتقوله ليكي كان كدب و ثوفيا اللي ايلزابيث قالتها كانت كلمه عاديه وكانت ملغبطه في الحروف و الفار و الثعبان اللي ظهروا كانت هي متشكله علي هيئتهم ، بدأت تخوفك و تقولك ان في جن بيكلم ايلزابيث و خلاها تنطق اسمك و هيخليها تقتل صوفيا في عيد ميلادها السابع عشان كانت عارفه اني هتواصل معاكي فا كانت عايزاكي تبعدي عني اول ما تشوفيني و التعويذه اللي ادتهالك كانت عشان متعرفيش تشوفيني لكني ابطلت مفعولها من عليكي و سيبت مفعولها مأثر علي باقي العيله ، لونا كانت مصدقه كلامها زيك بالظبط وكانت خايفه علي عيلتها لأنها مكانتش تعرف اي حاجه ولما رجعتوا بريطانيا و حكيتوا للكل مكانوش خايفين لأنهم كانوا عارفين ان دا كله كدب بردو ، ولما لقيت الموضوع زاد عن حده قررت اني لازم اتواصل معاكي و قصدت اخليكي تعوزي تتواصلي معايا و انا اللي خليت ايلزابيث تتكلم بصوت اعلي لما انتي عديتي من قدام اوضتها و حكيتلك عني للمره الاولي ، و اخيرا لما اتقابلنا مكنتش مصدق انك شايفاني، تعبت اوي عشان اللحظه دي بس! سيلين او الشيطانه اللي كانت بتحبني كانت بدأت تتدخل بينا و بعتتلك شيطان يكلمك كلام جارح علي انه انا لكنه مكانش انا ، اتخلصت منها ومنه من غير ذكر ازاي عشان كدا من وقتها متصلتش بيكي تاني و لما حكيتي للونا خافت فعلا علي عليتها اكتر ولما كان فاضل شهرين علي عيد ميلاد ايلزابيث السابع قررت انها تقولهم كل حاجه عشان كانت خايفه ولما عرفوا كل حاجه عني حبسوكي في اوضتك و عملوا اللي عملوه دا كله عشان حقيقتهم متتكشفش ، عذبوكي عذاب بسيط جدا بالنسبالهم عشان بس ميخلوكيش تشكي في حاجه وانا كنت مستني اللحظه المناسبه اللي احكيلك فيها كل حاجه و اللي هي بعد عيد ميلاد ايلزابيث السابع عشان تشوفي ان مش هيحصل حاجه في عيد ميلادها و عشان اثبتلك ان كلامي كله صح لأني عارف انك صعب عليكي تصدقي كل دا و تعرفي ان كل حاجه في حياتك كانت كذبه ، لكن انا مكنتش كذبه انا كنت دايماً جمبك حتي وانتي مش شايفاني كنت بحميكي و كنت بنتقملك منهم وفضلت طول حياتي اجمع في طرق عشان اعرف اتواصل معاكي لأن تعويذتهم كانت منعاني اتواصل مع اي حد بس ايلزابيث كانت بتشوفني و عرفت اتواصل معاها لأنها طفله ولما بدأت تنضج بدأت شفافيتها تقل و عشان كدا مبقتش اتواصل معاها و في اليوم اللي اليكس كان بيعيط فيه كان شافني بالغلط ومكنتش اقصد اني اخوفه، وبالمناسبه هما بردو اللي خلوا دايماً عندك احساس كره تجاه العلاقات العاطفيه عشان متحسيش بأنجذاب لحد عشان كانوا معتقدين ان ابنهم شايفهم وكانوا محافظين علي انك متحبيش حد لحد ماتموتي بس اول ما شوفتيني كل حاجه اتغيرت لأنك كنتي بتحبيني من قبل ما يتدخلوا في حياتك و انا مسيبتكيش ولا لحظه وهفضل جمبك طول حياتي، مستعده تكوني معايا للأبد و نبدأ حياه جديده ؟ " هاري قال كل دا،
طبعاً مفيش اي حاجه هتقدر توصف صدمتني و زعلي كنت بعيط طول ماهو بيتكلم كنت بتصدم في كل حاجه و حبي لهاري بقي يزيد، انا مش مصدقه انه استحمل كل دا عشاني ومش مصدقه كل الكدب اللي كان حواليا،
رجعت البيت وانا بتصرف بطبيعيه خالص بس رجعت عشان اكتبلهم رساله اخيره و امشي،
" انا عرفت كل حاجه لكني مش هأذيكوا انا مش زيكوا ، شكرا علي كل الاوقات السعيده اللي قضيناها سوا حتي لو كانت بالكدب، انا همشي ومش عايزه فلوس ولا اي حاجه منكوا لأني مش هحتاجهم ، حبيت بس اعرفكم سبب عدم وجودي اللي هتلاحظوه
بيلاا. "
كتبتلهم الرساله و سيبتها علي السرير و خرجت جري من البيت بأقصي سرعه عندي و روحت عند البحر اللي مفيهوش حد، كان هاري واقف جمبي كنت مستعده لكل حاجه
'انا اسمي بيلا ، ماما الحقيقيه سمتني الاسم دا و هيفضل اسمي طول حياتي ، حياتي كانت مليانه كدب لكن هاري هو الوحيد اللي كان احسن حاجه فيهاا
طول عمري كنت بكره العلاقات العاطفيه لكني كنت بحب هاري،
انا هنط في البحر عشان اتحول لجن و ابقي زي هاري و افضل مع حبيبي طول حياتي..'
