مكنتش مستوعبه اني في نهايه اليوم هقابل جن ! كانت حاجه غريبه بالنسبالي بس كان لازم اتشجع و اتواصل معاه، الصراحه كنت خايفه جداً و خصوصا اني هبقي لوحدي لكن في الاخر اتشجعت.
جه منتصف الليل و روحت في المكان اللي كانت ايلزابيث واقفه فيه امبارح و اتأكدت ان الكل نايم قبل ما اتحرك اي حركه و عدي خمس دقايق و مفيش اي حاجه حصلت، استنيت شويه كمان و مفيش بردو اي حاجه حصلت و قررت امشي ولما مشيت لقيت هوا داخل من شبابيك البيت كله و جامد لدرجه ان الشبابيك كانت بتخبط في بعضها كنت عارفه انها عاصفه عاديه لكن كنت خايفه حد يصحي و فجأه لقيت حاجه قدامي، كان شخص
كان طويل و شعره مجعد شويه و عينه خضراا كان بيضحك و كان عنده غمازات مش هنكر ان شكله كان اكتر من جميل جداً، سألته هو مين و دخل هنا ازاي
اتصدمت من الاجابه و اتصدمت لما قال انه ' هاري '.
مستحيل يكون الشخص اللي واقف قدامي دا جن !
انا كنت مصدومه فعلاً، و وسط صدمتي و تفكيري قاطعني و قالي " انا جن مش شيطان يا بيلا "
صوته كان لطيف جداً كنت متوقعه يكون اخشن و اقسي من كدا بالنسبه لجن، استغربت انه قالي بيلا و افتكرت كلام سيلين لما قالتلي ان هو اللي قال لأيلزابيث اسمي الحقيقي بس تجاهلت الموضوع و سألته " ايه الفرق بين جن و شيطان يعني ؟ "
رد عليا بصوت هادي جداً و بسيط و قالي " الجن انواع و في الطيب و الشرير ، لكن الشيطان طول عمره شرير ".
الصراحه استغربت من رده، علي شكله و صوته و طريقه كلامه حسيته بيقولي من الاخر ان هو جن طيب ، لكن في النهايه مينفعش اثق في جن !
رديت عليه و سألته " و انت نوعك ايه ؟ "
قالي " كل حاجه هتعرفيها في الوقت المناسب يا بيلا، بس عايزك تعرفي اني مش هأذيكي ولا هأذي حد من عيلتك "
استغربت جداً جداً بجد و قولتله " انا كنت عايزاك عشان اسألك سؤال واحد بس ، انت عايز ايه من ايلزابيث! "
قالي " قولتلك هتعرفي كل حاجه في الوقت المناسب ، بس خليكي معايا "
" خليكي معايا ؟ " رديت وانا مندهشه.
" هقابلك كل يوم في الوقت دا ، لو عايزه تعرفي كل حاجه في الوقت المناسب تعالي هنا كل يوم " رد وهو بيبتسم بطريقه لطيفه.
للحظه كنت هنسي انه جن ، انا كنت شايفه قدامي ملاك كنت بقول ان مستحيل يكون جن ابداً ، عجبتني طريقه كلامه و كل حاجه فيه مم يا تري لو مكانش جن كنت هأعجب بيه ؟ انا اصلا مكنتش خايفه منه و كنت بتكلم كأني بكلم انسان، بس انا فاكره اني شوفته قبل كدا ، يمكن حد شبهه لكن انا متأكده اني شوفت الملامح دي قبل كدا..
قالي اقابله كل يوم و مشي حتي من غير ما الحق ارد عليه ، كنت متشوقه اوي لتاني يوم هقابله فيه،
في تاني يوم اليوم كنا قاعدين بنفطر كلنا مع بعض و ايلزابيث كانت بتبصلي بطريقه غريبه، هي نظره حلوه لكن غريبه!
لونا لاحظت نظرتها ليا بردو و سألتني بهمس اذا كان في حاجه جديده حصلت و همستلها اني هحكيلها لما نخلص فطار ، خلصنا و لونا كانت متشوقه تعرف ايه اللي حصل و حكيتلهاا كل اللي حصل و اني قابلت هاري
لونا مكانتش مصدقه اللي بتسمعه وكانت بتقولي ان مينفعش اثق فيه و ان الجن بيشكلوا نفسهم زي ما هما عايزين و الصراحه كلامها خوفني لكن انا لازم اعرف ايه اللي هيقوله ليا في الوقت المناسب ؟
استنيت منتصف الليل و روحت زي اليوم اللي قبله ، لقيت مرايه صغيره اوي محطوطه في الارض و مكتوب عليها " قابليني في نفس الوقت دا من السنه الجايه "
بيطلب مني اني استني سنه و اقابله ف نفس الوقت دا! الصراحه استغربت ، لكن كله يهون في النهايه هعرف ايه اللي عايز يقوله في الوقت المناسب.
لاحظت من بعد اليوم دا ان ايلزابيث بقت تختلط بينا اكتر و مبقتش اشوفها لوحدها زي زمان ،
كل حاجه بقت كويسه بغض النظر عن كلام سيلين و عدم اهتمام اهلي و التصرفات الغريبه اللي ف كل حته لكن كل حاجه بقت كويسه لمده سنه.
عدت سنه و ايلزابيث بقي عندها 5 سنين و اخوها اليكس بقي عنده 6 سنين ، بالرغم من اننا كنا فرحانين جداً بيهم و بأنهم بيكبروا الا اني كنت بقلق لأني عارفه ان في عيد ميلادها السابع هتحصل حاجه مش كويسه، كنت نسيت خالص موضوع هاري * سنه وقت طويل جدا *.
و في يوم كنت في اوضتي و لقيت المرايه اللي لقيتها في اليوم اللي كنت هقابل هاري فيه لقيتها المره دي مكتوب عليهاا " معادنا بكرا ، عدت سنه يا بيلا ".
