ورد جوري

جزء بلا عنوان 1

#ورد_جوري

بقلمي السيدة العلوية

الجزء 1

قاعة مزدحمة.. ومقاعد خشبية .. اصوات اشخاص تدخل وتخرج .. وانا انظر اليهم .. مستغربة .... معقولة مايرجع الزمن .. قاعة جامدة خالية من الروح والسكينة .. قاعة جعلتني اتحطم الف مرة .. الكل ينظر تارة لي وتارة لة .. اتمنى ان اصرخ لعل جدران المكان تتحطم .. لعل الابواب الخشبية الثقيلة تطبق على انفاسي لعلي اتخلص من الوجع والهلع الذي انا أمر به .. ولحظات الشرود التي باتت تزورني كثيرا .. اخذتني بغفوة وجع قليلة لأسمع صوت أجش عنيف ينادي ويخترق اسماع الجالسين المنتظرين ..

المنادي : بشار محمد و جوري حسن

جنت صافة ورايحة بغير عالم .. موجودة ولكن مفقودة الروح .. صدك مابقت عندي قيمة !! صدك هذا اللي كتلة اريد ابقى يمك عمري كله !! معقوله هذا الي فتحت قلبي اله .. اشو جامد .. اسو ساكت .. ليش جاي يتوضى بدموعي .. معقوله هذا الكال مااخليج تبجين !!! معقولة لاااااا اكيد جاي احلم .. لاااا موحلم كابوس وهسة اكعد والكة روحي يمه ونتغازل مثل كل حبيبة وية زوجها .. والضاهر طالت صفنتي واشوف أيمن يهز بأيدي

أيمن : جوري !! جوري يلة كومي صاحولكم ..

جوري : هااا ..

المنادي : وين جوري حسن ؟؟

أيمن : موجودة هياتنة .. كومي يلة جوري

جوري : كمت بس بلا روح .. احس أيد أيمن الزغيرة تحاول تثبتني وانا اكوم امشي ..

أيمن : شبيج جوري ..

جوري : حلكي يابس ماادري ..

أيمن : اطلع اجيبلج شي ؟؟

جوري : لا هسة بس نخلص نطلع

دخلت واني ألزم ايد أيمن .. كانما استمد القوة من عنده .. تمنيته يحجب عني كل وجع وألم بس !! اااااااه .. دخلت واشوف عمتي وحماية يوكفون . ووراهم روحي خاتلة بذاك الكرسي الهدم كل أحلامي .. ردت بس ألمح طيوفة .. والله مشتاقتلة .. ..

القاضي : منو بشار !!

بشار بصوت مبحوح : أني استاذ

القاضي : جوري حسن وين ؟؟

جوري : موجودة اني ..

القاضي : كول بشار ليش تريد تطلك ؟؟

بشار : مشاكل والاحسن كلمن يروح بطريقة

القاضي : سولفي جوري ..

جوري : ماعندي شي ..

المحامي : سيادة القاضي .. الطرفين متفاهمين ومتفقين على الطلاق ..

جوري : {اتفاق ! أي اتفاق هذا يخليني انزع روحي وافارك عمري كله .. تمنيت ألمح عيونه واسولف وياه بالعيون يجوز دموعي تخليه يرجع .. وفجأه اسمع القاضي يكول ..

القاضي : يلة بشار تعال وردد وراية ..

وهو يبدأ يردد بكلمات خبيثة ,, تنخر جسدي كألسم .. دخليني اشوف عيونك .. خليني اشبع شوف منك .. ليش مدنك راسك .. ارفعة حتى لو راح تكسرني ارفعه الخاطري عمري وياك .. ليش هاللحية طالت .. ليش معانيك اختفت وذبلت ..مو انته فرحان وراح تطلكني ! شبيك مخنوك .. ولحظات واذا بحلكي يبس فد مرة والدوخة ازدادت .. والدنيا صارت صفرة بعيني .. واحس اختل توزاني .. وبعد ماحسيت بشي ..

Flashback... نعود بالاحداث الى قبل سنتين ..

الزبونة : بلا زحمة ممكن سايز{حجم } اكبر شوية

جوري بأبتسامة : اكيد حبي ..نفس اللون مو ؟

الزبونه : اي هذا السمائي ..

جوري : رحت كملت وجبتلها المقاس الي هي طلبته ..

الزبونه : لا احسة كبير عليا ..

جوري : اوك بس كوليلي انتي شكد تلسين ؟؟

الزبونه : 34 ..

جوري : طيب قيسي هذا بغرفة القياس وتعالي !!

بعد دقائق رجعت الزبونه وهي تضحك .: كانما مفصل عليا

جوري بضحكة اكبر : هههه ان شاء الله عجبج

الزبونه :شكد السعر ؟؟

جوري : 25 الف

الزبونه : تفضلي

جوري : مويمي يم الكاشير ..

حاليا صار لازم تعرفون اشياء عني حتى نكمل ..

اسمي :جوري حسن

السكن: بغداد

العمر : 20 سنه

المهنة : عاملة بيع ملابس في احدى المحلات

الملامح : سافرة ذات شعر متموج .. بشرتي قمحية اللون ..طول متوسط .. احب المكياج جدا .. اهم شي في حياتي الميك اب والهيدفون والموبايل .. مخلصة رابع عام وبطلت لان ضروفي هيج .. عند اخ واحد اسمه ايمن اصغر من عندي عمره 13 سنة بس احسه رجال البيت رغم عمرة الصغير .. .. اعيش بمشتمل 75 ملك اني وامي وأيمن .. امي ماتكدر تشتغل لهذا معتمدين على فلوس التقاعد مال بابا الله يرحمه .. واني اشتغل حتى اصرف على نفسي واساعد امي وايمن ..