اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ورد_جوري
بقلمي السيدة العلوية
الجزء 7
جوري : كاعدة بالشغل وسالي خابصتني بس تسولف وتحجي ..
سالي : شبيج جوجو
جوري : مابية شي ..
سالي : عليا .. بيج وكاعد تفكرين
جوري : اهووو شكد تلحين .. يلة روحي خلصت الاستراحة .. بعدما طلعت سالي ضليت او حاولت اشغل نفسي ... عود ليش تأخر.. معقول غير رأية .. وبعدين شبيج مستعجلة جوجو .. اي مومستعجلة بس غير افهم .. اكيد هو اجة عادي يسأل عن صحة ماما وامي بكيفهـا تخيلت هو جاي يخطب ههههههه .. رجعت للبيت وثاني يوم الاوف مالتي جمعة .. ايييييييييي راح انام هواااااي وارتاح وبعدني نايمة وامي دخلت ..
الام : مااما اكعدي
جوري : شكو ياعمري .. خليني نايمة والعصر اكعد انظف البيت
الام : ولج اكعدي عدنا ضيوف يلة صحصحي وتعالي
جوري : اهوووووو منو هذا اللي جاي من الصبح .. وكفت يم الساعة وشفت .. ههههه جوري ساعة 11 الظهر ياصبح هذا .. كملت وغسلت لبست ثوب مرتب ونزلت اسلم على ضيوف ماما
جوري : السلام عليكم ..
ام بشار : وعليكم السلام .. هلة بنتي
سهام : هله عيني ..
جوري : من رخصتكم اروح اجيب شي .. ورحت وعفتهم .. حضرت طبق فواكه وطبق معجنات وعصائر .. اي هيج الضيافة .. بس اهوووو ماما وين ضامة الاكواب الجديدة .. دورت وبعد دقايق لكيتهن .. طلعتهن وغسلتهن وقدمت العصير بيهن ومشيت للصالة ارجع للضيوف واسمعهم يكولون
ام بشار: اكلج خية شكد عمر جوري ..
ام جوري : 20 سنة ... البكرية مالتي جوري وضليت كاعدة لحدما ربي رزقني بأيمن
سهام وهي تهمس لخالتهـا {كبيرة بربج رسل مواحسن منهـا عمرها 18 ..}
ام جوري : ماما جوري قدمي لخالتج
جوري : حاضر ماما .. تفضلي خالة ..ووضعت امامهـا الاطباق .. بعدين توجهت لسهام .. تفضلي حبيبتي ..
