اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ورد_جوري
بقلمي السيدة العلوية
الجزء 10
عندما يتحول المنزل الى ساحة حروب ومناوشات كلاميـة فأقرأ على الراحة والهدوء السلام .. تسأل اغلب السيدات
لماذا لانرى الرجل يجلس في المنزل مطولا وان جلس فأنه يكون مجبور وغير سعيد .. من اين تأتي السعادة والبيت
عبارة عن توتر وعصبية وضوضاء .. كيف سيطيب له الجلوس مع عائلته وزوجته مشغولة بالامور التي تثقل كاهلة
.. تختار المواضيع التي تجلب النكد والحزن والرتابـة .. هو بالعمل يخرج من جو مشحون بالصراع والجدال والتعب
والشمس الحارقة وزحام الطريق ليأتي ويجد الزوجة مشغولة بالحروب مع زوجة اخيه او مع والدته او مع فلانه قالت
وفلانه ردت .. اعلمي انك انت من يجعل الزوج يكره المنزل لو كنت هكذا .. كوني كالماء يطفأ الغضب والخصام
ولاتكوني حطب يزيدهـا .
سهام : ماما روحي لغرفة عمو بشار وحطي هاي بالكنتور وتعالي
ملاك : اي ماما
سهام : واذا احد سأل لاتكولين ماما كالتلي حطيهـا ترى مااخذج للملاعيب
وللعصر وقبل مايأتي بشار اسمع صراخ سهام .. خالة خالة ماشفتي {التراجي : الاقراط } مال ملوكة ؟؟
الام : لا ليش بس لا ضيعتهن بالشارع
سهام : لا خالة وين تضيعهن قابل
الام : لعد وين راحن
سهام : ماادري خاف احد سرقهم .. خلي ندور وشوف
الام : شتقصدين
سهام : اخاف وحدة مثل العقرب اخذتهن تسوي سحر بيهن
الام : صخام .. دوري البيت واني اشوف .. يمة جوري !! جوري وينج
جوري : ها عمة اجيت .. محتاجة شي اجيبلج ..
الام : لا يمة بس ماشفتي تراجي ملاك من نظفتي البيت
جوري : لا خالة ماشفتهن وهسة اروح ادور عليهن خاف واكعات هنا هنـا .. هنا ويدخل فراس ..
فراس : شكو شبيج تعيطين
سهام : تراجي ملوكة الذهب ماكو مختفيات
فراس : فدوة نجيب غيرهن
سهام : لا اكيد احد سرقهن وماكو غيرهـا
الام : استحي شوية شنو عدنا حرامية هنا
سهام : اي عندج عقرب بالبيت والا افتش غرفتهـا
فراس : اي هسة ادخل افتش واذا طلع كلامج غلط تلمين هدومج ولبيت اهلج
جوري : ممنوع تدخل غرفتي
فراس: وخري من وجهي لا اضربج
جوري : يجي بشار يلة تدخل مايصير تدخل غرفتنا ..
الام : معليك فراس اني راح ادخل ..
دخلت عمتي ومااعرف شلون لكت التراجي عندي واني بساعتهـا ضليت مصدومة ومحتارة وجنت ادري الامر بي لعبـة بس ماينفع بعد كلهم صدكو بيهـا
فراس : موصوجج صوج اخوية اللي تزوج وحدة فكر مثلج
جوري : مااسمحلك وبهالاثناء ودخل بشار وهو لاول مرة يشوفني صوتي عالي وبدون مايفهم توجه الي وضربني .. بعدها اخذني للغرفة وحسبسني ونزل يمهم لكن من رجع جان شكلة مخيف كلش .. عرفت كدروا يقنعون بشار ضدي .. اول مادخل للغرفة رحت جبت كتاب القرأن الكريم وحطيت ايدي عليه واقسمت {وحق هالقرأن يابشار مااخذت شي ولا سويت شي }
بشار : اني جنت احس بجوري مظلومة بس ماادري ..
