اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ورد_جوري
بقلمي السيدة العلوية
الجزء2
بيوم شتائي جميل في بغداد والشوارع الرطبة من جو المطر .. والغيوم تملىء السماء لتزيدها روعة وبهاء.. غيوم بيضاء كقلب طفل صغير .. وقطرات ندى على اغصان الاشجار تعلن انموعد الصباح قد حان .. وصوت ديك لطيف يختبىء من البلل تحت الاشجار لكنه لا يتوقف عن الصياح
سبحاَ لله ومهللاَ بقدوم النهار .. ودفء موقد لأم حنون تقف في مطبخها الصغير تجهز الفطور لحبيبين وعزيزين على قلبهـا .. أيمن وجوري ..
وصوت فتاة مشاكسة عنيدة تمرح كالاطفال في غرفتها : م أسبقني ياقلبي اسبقني .. على الجنة الحلوة اسبقني .. ترا ترااااا .. اليوم لازم اطلع ملكة وانيقة .بس وين البلوزة الحمراء .. اووووووووووووف مااماااااااااا
الام : شعندج من الصبح تصيحين .. شكو !!! تعالي تريكي وية اخوج يلة
ايمن : ماما اني كملت انطيني 1000 يلة خل اروح للمدرسة ..
جوري : نزلت واني معبسة وجهي .. ماما وين البلوزة مالتي
ايمن وهو يحاول اخذ حقيبة المدرسة ويركض بسرعة وهو يقول : هههههههه اني بقيتها على حبل الغسيل واكيد تبللت ههههههههه
جوري : حاولت اركض ورى ايمن ردت الزمة اوف هسة شألبس ماما راح اتأخر وابو المحل يدردم عليا ..
الام : كملي فطورج بسرعة ولاتصيرين طفلة والبسي اي شي وروحي لشغلج ..
جوري بزعل : ماما مواليوم 14/2
الام : واذا شنو يعني المناسبة
جوري : يوم اليوم عيد الفلانتاين .. ولازم البس احمر
الام : يلة بلا خرابيط فلنتون ماردي شنو .. كملي وروحي لشغلج ..
جوري : كملت وسويت شعري حطيت هالمرة ميك أب قليل علمود الصبح .. وتوجهت لمكان شغلي .. وصلت رتبت المكان وبدأ شغلي الزبائن يجون نساء كبيرات وفتيات وهكذا .. المحل كان بيع الملابس وكل احتياجات المرأءة من العطور والمتسحضرات التجميلية ..صاحب المحل نوعا ما كان بالبداية يحاول يقيم وياي علاقة او اصير صديقته .. لكن صديته .. متزوج ويدور على مرته والله بطران وخاين .. من عدها بطل بعد وصار يحترم نفسه كدامي لكن مع هذا يبصبص للبنات خصوصا صديقتي {سالـي }الي كانت تعمل بالمحل المجاور النا لبيع أجلكم الله {الاحذية النسائية}
صارت الساعة 1 ضهراَ .. اتصلت على سالي
جوري : سوسو حبي مانروح نتغدة فوك بالمطعم لان بطني كامت تصيح من الجوع
سالي : اوك بس دقايق واجيج .. بينما اكمل شغلة عندي
جوري : حبابة بسرعة لاتتأخرين ميته جوع
سالي بضحكة : أم بطن شوية اصبري بس افرغ البضاعة وارتبها ..
بعد 10 دقائق خرجنا من المحل وصعدنا فوق للطابق الي توجد بي المطاعم .. اخذنا الأكل وكعدنا ..
سالي : اليوم تطلعين مو العصر
جوري : ماادري اخاف ماما ماتقبل ..
سالي : ولج اليوم عيد الحب بابا ولازم نتونس ونفتر
جوري : اي مو اليدري يدري ..
سالي : شكو !!
جوري : الافندي أيمن عايف البلوز الاحمر على الحبل ومبلل واخاف ماينشف للعصر
سالي : اني اليوم اجتني اول هدية مال عيد الحب ..
جوري : بختتتتتتتتتتت .. منين
سالي : احزري !!
جوري : مروان ؟؟ وائل ؟؟ لو منو
سالي : اولا مروان ابن عمتي وبس ..
جوري : علينا .. قابل غشيمة اني
سالي : يمعودة اصلا شكد حاولت وياه وهو رافض يخطبني ..
جوري : اذا ماتكعدين راحة عيونج زايغـة
سالي : لا الهدية من وائل
جوري : سوسو الخاطري اتركي وائل ترى انسان ملعب ويدور علاقات موزينة
سالي : ولج هو يحبني كلش
جوري : ولج ياحب وهو متزوج انتي بطرانه لو يعجبج تخربين بيوت
سالي : شبيج جوري كبيتي علية .. واني شمسوية ..
جوري : ولج افهمي اني ادري بيج وبقلبج واعرف انتي تريدين زواج بس هذا يلعب وفوكاها متزوج ولج مايتأمن
سالي : لعد اضل غبية مثلج .. اعوف واحد غني وادفر النعمة ..
جوري : براحتج .. يلة امشي خلصت الساعة مال الاستراحة ..
نزلنا وكلمن توجهت للمحل .. بعد ساعة دخلت زبونه هي وولد وياها .. بدأت تفتر بالمكان وتحاول تلكة اللي يناسبها
الزبونه : حبيبي شنو رأيك بهاي ؟؟
الولد ينظر لي ويبتسم ابتسامة صفراء : يجنن .. يموت .. اووووووووووووف
الزبونه : يعني عجبك هذا اللون لو الاخضر الفاتح !!
الولد : لا هذا صاااااااااااك كلش ..
الزبونه : اوك راح اقيسة واجي
جوري : ابد ماارتاحيت للولد ابد .. ومسوية روحي ابتسم لان لازم ابيع .. وهو متوقع اني جاي ابتسم اله
الولد وهو يتقدم بتجاهي :ممكن ومد أيده .. وحاول ينطيني الفلوس وحاول يلزم ايدي ..
جوري نظرتله بغضب وعصبية واضحة : الفلوس يم الكاشير
الولد : اي .. واخرج ورقة بيها رقم واعطاني اياها
جوري : جنت افور من العصبية لكن اللي نقذني البنية الي وياه طلعت من غرفة القياس
الزبونه : حبي اريد هذا ..
جوري : حطيتلها القطعة بالكيس وراحو للكاشير .. ولازال يتفحصني من فوق للاسفل ..
بيومها كلش انغثيت وخرب واهسي .. كملت دوامي .. جان لل5 العصر .. رجعت للبيت
