جوري : يمة والله لو يعرف قيمته عندي جان ماصدك حجيهم
الام : الله ينتقم من كل ظالم .. حسبي الله عليهم
جوري : محتارة بي منو يدرايه منو يهتم بي
الام : كافي محد يستاهل هالحزن هذا هو لو فاهم جان ماصدك بحجياتهن لو لان امه وخالته ..باجر اخذج لكربلاء هناك احنه ماعدنه غيرهم يوكفون وياخذون حقنا ..
رحت ازور كربلاء وفعلا اشتكيت هناك عند اخو الحرة .. وصلت وبديت اناشغ والدموع مابطلت مني .. وهزيت الشباك .. واسمع وحدة من النساء تقرأ للامام العباس هناك وبعد ماكدرت اقاوم ...
جلمـة يابو راس الحار صدك بس عليك تلوك
والرادو دليل بهـاي مثلك بشر مامخلوك {مخلوق}
يوم النـزلـو راسك لكو راس الرمح محروك {محروق }
واشتعلت بي نار الغيرة واشتعلت بي نار الغيرة
خالف راي كلمن كال مايتكمط العبـاس
واثبت بالديل التام هذا وخل تشوف الناس
شلون يكطع كماطـة ويعرف صاحب النوماس
بثيـاب حسين مكمطيـنه .. بثياب حسين
لزمهـا الرايـة ابو فاضـل شك {شق }صدر الزلم بيهـة
من كثـر الزعل مطبوع جفـة بخشب ساريـهـة
ماجن رايـة بيدة تكول جن زينب يحاميـهـة
وشلون تطيح اخته من ايده وشلون تطيح .. اخته من أيده
جنـة المنزلـة عباس حارت منزلـه شتنطيه
لوما اثنين سادتهـا سيد ثالث تسوي
لوما حيدر على الباب جان بابهـة تخليه
وتسلم الباب ومفتاحة وتسلم الباب ومفتاحة
يالتطلب رجى العباس كبلك عمر جربتـه
مشكلتك تفض وتهون لو عن بعد صايحـته
واذا هزيت شباجة .. تحلفة بعظم ستر اخته
يطلع وياك ويكظيـهة .. ابوفاضل
بالليل ابد مااكدر انام وميتة من القهـر .. وكل شوية اتصل على رقم بشار والكة الرقم مغلق .. معقول بشار صدكتهم معقول .. كمت ادز رسائل عسى من يفتحهن يشوف ويسمع .. ومرة من المرات اجانه تبليغ والباقي تعرفونه ..
بشار : من يوم الطلعت بي جوري واني مستحيل واحد يعرف وضعي .. حرب نفسية بيني وبين عقلي .. قلبي مصدكهـا وعقلي متمسك بكلام والدليل اللي عند اهلي وقفلت تلفوني .. تتوقعني صلب وجامد ماتدري بمقدار احتياجي الهـا بس دخل الشك لقلبي وخلاني حالتي هيج .. جنت اشوف رسائلهـا توصيني بس اهتم بصحتي .. .. امي عود مهتمة كلش بيـة .. محد يداريني مثلهـا محد اهتم بية مثل جوري .. حتى اخوي عضيدي لكيته مهتم بمرته وبس ..
