ورد جوري

جزء بلا عنوان 8

#ورد_جوري

بقلمي السيدة العلوية

الجزء 8

بعد أسبوعين من العقد حددنا موعد للزفاف .. اني من بديت موضوع خطوبتي وية جوري قطعت كل علاقاتي لان جوري كدرت تاخذ كل اهتمامي وعاطفتي .. كانت هادئة وابد مو متطلبـة وهالشي خلاني استغرب .. كنت اسمع عن غيرها اللي يحتارون شنو يختارون من المجوهرات والذهب والمتطلبات .. لكن جوري لا .. تركتلي كل شي اني اختاره عنهـا .. وكل ما أسألهـا كانت تبتسم وكلامهـا يدل على عقلهـا الكبير وهالشي خلاهـا بعيني تكبر اكثر واكثر .. وحتى ملابسهـا وشكلهـا غيرته لخاطري .. بدأت ملابسهـا تصير اكثر حشمة وحتى الحجاب كان يبرز شكلهـا الجميل ..

جوري : بشـوري شو مختفي

بشار : ههههه صرنا بشوري ..

جوري : هههه غير صرت زوجي وحلالي

بشار : ربي يحفظج والله ملتهي وية الدوام جاي احاول اخذ اجازة شهر ولهذا جاي اكمل كل شي

جوري : ربي يتمم بخير يارب ومايحرمني منك

بشار : اكلج كل شي كمل !! رحتو مو وية امي علمود الصالون والاشياء ..

جوري : اي لاتقلق كل شي مكملينه

بشار : ماناوية تكولين شنو المفاجأة اللي مسويتهـا الي ؟؟

جوري : لااااااا هذا سر هههههههه من صبر ظفر باقي بس 3 ايام

بعدهـا التهيت وية الصالون وعمتي وامي بس مااعرف عمتي شبيها كل شوية وزعلانه او ضايجة .. وامي محتارة شلون ترضيهـا ..

جوري : ماما عمة شبيهـا ؟؟

الام : معليج يجوز مريضة او بيهـا شي .. تدرين أمراءة عجوز خطية وتتعب بسرعة وهالشي اكيد السبب ..

جوري : لا ماما احسهـا تضوج من عندي

الام : لا تتوهمين ابد .. واريد احجي حجاية تنحط ترجيـة بأذنج ..

جوري : كولي ماما ..

الام : اذا تريدين تكسبين بشار ابد ابد لاتخسرين عمتج ابد ..

جوري : واذا هي غلطانه بحقي شلون هم اسكت

الام : اسكتي وثقي يجي يوم وتعرف غلطهـا لان مهما تكونين على حق ابنهـا يوكف وياها ابد ماراح ياخذ صفحتج ابد ..