ورد جوري

جزء بلا عنوان 11

#ورد_جوري

بقلمي السيدة العلوية

الجزء 11

من يوم اللي تزوجت بشار واني سعيدة لان بشار عمره مابخل عني بشي لا بعاطفة ولا بمال ولا بأحترام .. لكن تبقى المنغصات من المحيطين هي اللي تزعجني مرات لكن ماخليت هالاشياء تأثر على علاقتي الزوجية ودائما احاول اكسب عمتي وبشار ومعلية بالاخرين بس عمتي هواي كانت تظلمني وتوكف مع سهـام ... بس جنت اعديهـا .. لكن مرة من المرات طلع بشار للدوام وسمعنا صوت انفجار بالمنطقـة وهو كان قريب .. نقلنا بشار للمستشفى وحسيت روحي متت .. واني اشوف حالة زوجي

ضليت اصرخ من الخوف على زوجي واشوف عمتي منتهيـة من الألم والخوف على ابنهـا وبعد ساعات يلة طلع الطبيب من عنده ..

فراس : بشر دكتور طمنـا

الطبيب : حالته جدا حرجة وكدرنا نستخرج الشظايـا لكن يحتاج بعد فترة بالانعاش ..

جوري : ضليت مصدومة والطم على وجهي

ام جوري : يمة اهدأي الله يكومها ا ن شاء الله

ام بشار : مستمرة بالبكاء والنشيج

ام جوري : خية والله هسة ربج يكومه لخاطركم ان شاء الله

ام بشار : الله يسمع من حلكج يارب

جوري : رحت للمغاسل توضيت ورجعت لزمت كتاب القرأن وكعدت اقرأ مقابل غرفة الانعاش وانفاسي تصعد وتنزل من الخوف والحسرة على بشار .. ربي بس طلعة سالم يارب يارب بحق العباس يارب ماعندي غيره يارب

بيومها بقينا بالمستشفى كلنا وبقت حالة بشار حرجة .. وبعده بغرفـة الانعاش وكل هذا وما سكت فراس كل شوية يجي يضايقني ويروح .. ساعة انتي مرة وماعدنه مرة تبقى وساعة يكول انتي فكر .. واني لخاطر عمتي ساكتة ولخاطر بشار الماعرف حالته شلون وقلبي ممرود من الوجع عليه .. بعدهـا مااعرف ربي نقذني وفراس طلع يجيب شغلة ويرجع .. شفت الطبيب توسلت بي وبالكوه خلوني ادخل بالتوسل .. دخلت واشوف زوجي واخوية وصديقي واول رجل بحياتي متمدد بفراش المرض ... اه ربي كون بية ولابيك يابشار .. كوم الخاطري .. ماكدرت بس حطيت ايدي على رأسة وقرأت الفاتحة والمعوذات والكرسي واهديتهم لمحمد وال محمد وطلبت من الله بجاههم يطلعه سالم ومايحرمني من عنده ..

توني طلعت من الردهـة مال الانعاش وتلكتني عمتي .. بشري يمة شكالولج ؟؟

جوري : عمة ان شاء الله زين وربج المصور ينفخ بصورته ويرجعة النا ومايحرمنا من عنده

فراس : اليوم ترجعون للبيت

جوري : اخذ عمتي انته .. اني ابقى يم رجلي مااتحرك واعوفه وهو بهيج حال

فراس : اكلج انتي مخبلة لو شنو

جوري : باوع مستحيل اتحرك خطوة الا اشوف رجلي كايم على حيلة .. لو لان تمدد بالفراش راح تضل تتحكم بية ..

عمة : اسكتي يمة عيب

جوري : عمة العيب من اعوف رجلي وابو بيتي واروح للبيت ..عمة ابوس ايدج خلوني ابقى

الام : ابقي يمة واني اروح وباجر اجي محتاجة شي وصيني

جوري : لا عمة كل شي عندي بالجنطة هاي ..

اسبوعين وحالة بشار بدأت الحمدلله تتحسن وطلع من غرفة الانعاش لكن الصدمة من كال الطبيب بعد مايكدر يمشي الا بعد فترة يلة يكدر بعد عملية جراحية يمشي ..

جوري : الحمدلله على سلامتك والله اخذت روحي من وكعت يابشار

بشار : اريد اشوفكم تحبوني لو لا

الام : ولك انت روحي وعمري اوف يابشار كسرت قلبي وانته متمدد

بشار : جوري عفية تعالي ساعديني ,,

جوري : شتريد ياعيني وين تريد

بشار : بس شوية اكوم

جوري : مايصير ياعيني بعدك تعبان

الام : اي يمة ارتاح هسة شعندك تكوم هسة

بشار : شبيكم ؟؟ اكو شي ؟؟ وين فراس

الام : راح يجيب الادوية الي طلبهـا الدكتور

بشار : جوري تعالي يلة

جوري: كنت اشوف نظراته وعرفت بي صار عصبي وشك ... بشار عيوني شبيك

بشار : احجي الصدك .. ليش مااكدر اتحرك اني جاي احس بجسمي ثكيل

جوري وهي تبكي : ياعمري يحتاج عملية يلة تكدر ترجع تمشي

بشار : اطلعن برة ..

الام : استهدي بالرحمن يمة وداعتك الطبيب طمنا وكل بسيطة الحالة

بشار : يمة الخاطري اطلعوا

جوري : مااعوفك لو اموت ومااطلع

بشار : ها جوري كمتي تعاندين لو لان مااكدر امشي ...تكسرين حجايتـي

جوري : اقتربت من بشار واني امسك ايده .. تتوقع اعيش لو ابتعد ثواني عنك .. بشار انتة ابوية واخوية وصديقي وزوجي .. ومن شنو ضجت ؟؟ لان هالفترة ماتكدر تمشي ؟؟ اصلا اني راح اكابلك واكعد وين لاكية اصبح وامسي واكعد واكوم وانتة ويايي ..

بشار : ربي مايحرمني منج .. بس !!

جوري : لا بس ولا شي .. يلة تعال خلي ناكل جوعانـه اني وبديت انطيه الاكل والعلاج بأوقاته وصار بشار مسوؤليتي من يوم الي طلعنا للبيت ولايوم اخوه كلف نفسه يساعدني من اكومه او اكعده ..

بشار : مرت سنة ونص واني جوري ماقصرت وياي بس بدأ اليأس يدخل لنفسي واتعب جنت متعود اطلع واروح .. بدأت اصير عصبي واتحسس من كل كلمة وكل حركة ومرات ازعجهـا بكلماتي الجارحة وهي تسكت وتبتسم