ورد جوري

جزء بلا عنوان 6

#ورد_جوري

بقلمي السيدة العلوية

الجزء 6

جوري :رجعت العصر من الشغل وتلكتني امي بخبر كلش غريب ..

الام : عندي الج خبر حلو ..

جوري :شنو ماما .. كولي ..

الام : تعرفين بيت المختار مو ؟؟

جوري : اي هذول اللي بيتهم براس الشارع مو .. خير شبيهم ..

الام : ابنهم اجة اليوم ..

جوري : {اهووو بس لا يطلبونا فلوس من جديد .. بس ترى امي كالت خبر حلو ..} يلة ماما سولفي بسرعة صايرة مثل بطلات المسلسلات سنة يله تطلع السالفة ..

الام : ههههههه ماطول هيج ماأسولف ..

جوري : حابة حبابة يارب تروحين للحج يلة ماما كولي ..

الام : بشار ابنهم الكبير اجه يخطبج من عندي ..

جوري : منو منو ... مااعرف هية فرحة لو استغراب لو شنو مشاعر مختلفة .. بصراحة اني مامنتبهـة للولد مرات اشوفة بس مامركزة بشكله .. بس !! اخاف يطلع موخوش ..

الام : شبيج صفنتي ..

جوري : ماما خايفة ..

الام : من شنو

جوري : خاف يطلع موزين .. اريد واحد اخلاقة عالية واريد واحد يحميني ويكون كد المسؤليـة

الام : باعي ماما .. انتي تطلعين من الصبح ترجعين العصر وماعندج اختلاط .. اني المنطقة اعرفهم .. وخبرتي وعمري خلتني اكدر اعرف عن بشار..

جوري : اسمة بشـار ؟؟ يلة كملي ماما

الام : اي اسمه بشار الابن الكبير وعنده اخوه فراس اللي يبيع بالاسواق هاي اللي بالشارع.. بشار يختلف عن اخوه رزين وحباب ..موضف بس ماادري وين .. ها شكلتي ..

جوري : شنو شكلت ماما .. خليني افكر نسأل نشوف

الام : ان شاء الله يسعدج وافرح واطمئن عليج ..

بشار : مر أسبوع وامي ماكالت شي واني حسيت بيهـا تحاول تخليني انسى الموضوع ..

الام : يمة احضرلك اكل

بشار: لا اكلت

الام : شبيك متنك .. وبلكوة تطلع الحجاية

بشار : يمة اني شطلبت منج

الام : مااذكر .. كول حبيبي

بشار : شوكت تروحين تشوفين جوري ..

الام بعصبية : انته صدك تسولف .. عبالي تتشاقى ..

بشار بأستغراب : شنو الشقى {المزاح } بسالفة الزواج

الام : يمة اللي يتزوج ياخذ وحدة عرف مو وحدة غريبة وجوري ماترهم الك .. واذا تريد تخطب وتتزوج اخذلك بت خالتك

بشار : شوفي ماما .. اني مو فراس اني مختلف .. اني اذا مااقتنع بالشي ماانفذ.. وماطول ماتقبلين بجوري .. احلمي تشوفيني متزوج ..

الام : {اوف هاي صدك ساحرتلة ومغيرته علية } استهدي يمة يعني اللي خلق جويران ماخلق غيرها

بشار : ماعلية بغيرها اني البنية عجبتني .. ليش ماتوافقين مااعرف ..

الام : يابشار مو ..

بشار بعطف وحنان وهو يمسك يد والدته : شوفي يمة ..اني ادري تهمج مصلحتي وتخافين علية .. بس ثقي اني اختبرت اخلاقهـا وشفت سمعتهـا لاتخافين ياعيوني .. ديلة عاد خليني افرحج وافرح وياج ..

من قال انك بصفتك أبي او اخي او امي او اختي .. تمنعون عنا اشياء قد اختبرناهـا واختبرنا فائدتهـا لنـا .. انا لست اتكلم عن اشياء يتعلق بهـا البعض كالطفل الصغير ويبكي هلعـا لو منع منهـا .. لا.. بالعكس احيانا يكون الانسان على مساحة من الخبرة والرزانه التي تخوله ان يقيس مدى جودة الشي الذي يقدم عليه .. احيانا الاهل تكون لديهم نوع من الانانية والسلبية التي تطغي على حبهم وهذا يجعلهم يبحثون عن الزلات فقط ويتناسون الايجابيات والمزايا وبدل ان يقومو بتركيزهـا والعمل على تطويرهـا يركزون على سلبيات ويحاولون ان يبنو منهـا امور تهدم العش الزوجي للبنت او الولد .. والحجة انهم يخافون علينـا .. من يخاف على احد يجب ان يضع الله نصب عينيه كي يكون حكمه يرضي الله ولايرضي غروره الشخصي وشيطانه ..