البارت السابع
اجرت تكسي ورحت للبيت لكيت ابويه واخواتي ينتضروني وقلقانين عليه اني راسا حضنت ابويه وكمت ابجي واخواتي شافني مبهذله هدومي وكله تراب كامن يبجن وياي
ابويه ..لج بنتي احجي شبيج لج ملاك احجي
ملاك ..ابجي واحجي يابه ليش هيج الناس كلوبهه حجر ليش هيج يابه احنه هذوله مو بشر واذا بنت يعني لازم انداس يابه تعببببببت
ابويه.. لج يابه احجي من وياج ابو المطعم عرف انتي بنت
ملاك ...لا وحجيتله القصه كلهه
ابويه.. بعد ممنوع تروحين للشغل اني حكوم وحتى لو مبيه وصح رجلي متعيني بس حدور اي شغل المهم انتي متتاذين
ملاك ...لا بابا اني صح بنت بس انت علمتني اشون اوكف ع حيلي وما اخلي احد ايدوسلي ع طرف
الخاطري اني حكمل وراوي انو اني مخايفه منه لا تخلي يستضعفني لان بت
ابويه ..دا اكولج خلص متروحين
ملاك ..شبكته وكتله بابا انت متثق ابنتك
ابويه..بنيتي اخاف عليج وانتي عصفوره بين هل وحوش
ملاك ..بابا لا تخاف ع عصفورتك بس ادعيلي
ابويه ..الله ايوفقج بنتي ولو ممرتاح بس شسوي احجيه وكلبي مشتعل نار اشون ايصير هيج ابنتي
ملاك ..رحنه كلنه نمنه وثاني يوم توجعت للشغل وعادي ماكو اي خبر من هذه النذل
ورا يومين .اجه النذل للمطعم عساس يتغده دا اويدله الغده وجان يوكع المواعين وصاح ابو المطعم وكاله شنو هل عامل ميعرف يشتغل دمرني وكسر المواعين اشون حطلع هيج وكام ايصيح وابو المطعم هم مقصر برزالتي كدام الناس واني نار مشتعله بداخلي من وره هل نذل
😡
ابو المطعم ..بصوت عالي وبعصبيه عماااد روح اخذه للمغاسل ونضفله هدومه
مروان ..اي اني جنت متقصد اسوي هيج واعرف حتاخذني اتنضف هدومي بالحمام وهم اخوفهه اله اكرهه بحياتهه واندمهه ساعت الي اجاوزت عليه
ملاك ..اخذته للحمام واني بداخلي غضب وكره وخوف من هل نذل دا انضفله بهدومه وكام ايهدد
مروان ..دا تنضف بهدومي ولزمتهه من ايدهه لج باعي بعيوني يلمسترجله اله اندمج واكرهج حياتي احجي واباوع بعيونه كلهه خوف بس متبينه الي وضليت احجي ولازم ايدهه بقوه
وهيه من ضغطت ع ايدهه راسن باوعت عليه ونزلت دمعته
ملاك.. لزمني من ايدي وضل ايهدد ومن مشاف مني جواب ضغط ع ايدي كلش اتاذيت باوعت عليه ومتحملت نزلت دموعي هو من شافني راسن وخر ايده وضل ايباوع بعيوني
مروان ..من كامت تبجي ما اعرف حسيت احساس غريب ضليت صافن بعيونهه بعدين انتبهت ع نفسي وكتله يا عساس مسويه روحج رجال كافي بجي وطلعت وسديت الباب بقوه
ملاك ..طلع وسد الباب بقوه واني كعدت وكمت ابجي واحجي ويه روحي ياااربي والله تعبت بعد ما عندي طاااقه اتحمل رببببببي محمممد ليش عفتني للذله اني ملوكتك وينك تعال اخذني .ياريييي ارحمني اخذت محمد واخذت امي يارب اخذني وخلصني احجي وابجي بحركه بذيج الساعه صدوك اختنكت وكرهت هيج عالم يستحقر المره ولا كانو بشر مثلهم
مروان ...من سديت الباب دا اروح واسمعه تبجي وتحجي ويه نفسه هم ذكرت محمد ودكوله تعال اخذني ودكوله ياربي اخذت محمد واخذت امي اخذني وياهم ما اعرف بذيج الحضه اشصار بيه ردت ادخللهه
أنت تقرأ
قدري اخفى انوثتي
Romantizmقصة فتاة توفت والدتها واخوها الشهيد ثم اصيب والدها بمرض ولا يوجد احد يساعدها فضطرت لتغير نفسها الى شاب والعمل في مطعم وتصادف شاب يعرفها فتاة ويبحث عن قصتها سبب ما جعلها مسترجلة وثم تبدأ قصة حب...
