7 ايام و8 ليالي
سوزان المندلاوي
دفعه طلعه ..اسمع صياح ..برة ..كمت ركضت ..شفتهم يضاربون ..
واحد مجلب بثاني ضليت اصيح ..لحكوني ..يمعودين ..
مروان لزم علي ..ملخ وجهه بوكسات ..
هاي البنيه ..طلعت ..
حاولت اجرجر بمروان اريدة يعوف علي ..
وكفت وبوجهه..كافي عوفه راح يموت كافي ..
مروان ..كاافي ..
صعدو العالم .والتمت الناس ..
جرجروهم ..مروان اخذو ..واني كومت ..علي..طببته .جوة شفته مشكوكه ..وخشمه يكت ..دم..ياربي شلون ضليت الوب..يمه ..
ركضت ..جبت كلينكس ..
وطلعت بطل ..مي بارد ..مثلج ..اريد اخلي ع الجرح ..وانظفه ..
مديت ..ايدي على وجهه..دفع ايدي وخري ..
علي ..داساعدك ..
وخري لا تخليني اكفر بيج ..كل هذا بسببج الج ..
الله ياخذج واخلص منج ..
اشوفج خنزير ..اكرهج ..ماريدج ..
اني صافنه عليه ..
هاي شدتحجي..
شكو ..بصوت عالي .اكرهج ..وناقص غيرة .اذا ماطلكج ..
ولج بشكلج ماكدر اباوع ..
اجي يمج اتقزز..اكرهج تفتهمين لو لا ..
كد مااكرهج ..رجولتي وياج ..صفر ..
حسي ..
ولك انت شتحجي اني شمس ..اني مريتك ..ام جهالك ..
انعل ابوج لابو جهالي ..
طلعي منا ..من صيرين كبالي اختنك ..اطلعي ..اطلعي ..
يمه ..كمت الطم ..
علي شبيك ..فوكاها ..هاي ولك ..انت شنو ..
ولك جان متت بيد مروان لوما اني ..
ولك شفتك بعيوني ..وي وحدة ..
وكلت ميخالف ..
ولك ليش بيش قصرت وياك ..مدللتك مثل ..ابني ..
الله ينتقم منك ..الله لا يوفقك ..
من سفرة الكشرة ..
ساكت ..
جر من الكلينكس والبطل ..وضل ينظف ..بجرحه..وخله ثلج ..
احجي جاوبني ..
شجاك ..نزوة ايام هجمت بيت سببها ..
لا مو نزوه احبها ..
ومنو هاي ..تحبها بيوم وليله ..
يوم يومين متحاسبيني انتي ..
جيت يمه الم ..كرامتي ..وانوثتي ..وماتبقى من حبي ..اله
كعدت يم رجله ..علاوي باجر نرجع ..ننسى كلشي ..وماذكر شي ونفتح صفحه جديدة ..
واني اوعدك ماكول ..لاحد ماكو احد ميغلط ..علي ..
كعد ..مجاوبني اصلا ..
علي ..
شمس ..انسي كلشي ..سنتين وياج محسيت بيج ..
هسه يلاشفت نفسي .حسيت ..بروحي .
سنين الجامعه ..
سكت ..
تسكت مو لان انت انسان موطبيعي ابد ..
روح عالج نفسك ..
الف عائله تجي ..وتروح ..بس انت سويت هيج ..
رخصت نفسي الك هواية ....
مع الاسف متستاهل وحدة ..مثلي ..
روح الها ..دايحه تفيدك ..نامت وياك ونايمه وي الف غيرك ..
انت مو مال وحدة نظيفه ..
بس تعرف شي ..
اني مداعرفك ..انن منو ..وحرامات تحديت اهلي ..وكضيت سنين وياك وضيعتهن ..ايدي والماكو ..
مع الاسف كشفتك متاخرة ..كلش ..
ماكولك انجرحت ..
اششش اسكتي .لا تسطريني ..
وهاي تسوة راسج ..
تسوة نعالي قصدك بنعالي ماتتقارن ..
ولج احجي عدل ..
ماحجي ..
انت ويا ..حثالة ..واقذر من القذارة ..
كام ..شمس خليني محترمج ..
ميهمني تريد تضرب اضرب ..
ماعاد يفرق شي..
شمس ..كافي ..
مو كافي عساه بختك ..وبصحتك ..كل ..دمعه مني ..
عساه ..بعزيز قلبك..
دكافي ..
شوفي ..
انتي طالق ..واسمعي طالق ..طالق..طالق ..طالق ..
اردد بعد ..لو اكتفيتي ..
كلمته مو اقوى مم فعله وباقي كلامه ..واذا طلك ..
ورد كال اول ماوصل ..العراق اطلكج ..
وحسابي وي هذا الخايس بعدين ..اني اعلمه واندمه ..
وكام وطلع ..
سد الباب وراه ..
بقيت وحدي ..
حرام ابجي عليه..حرام انقهر....
حسبي الله ونعم الوكيل عليك ...
هوة ياخذ حقي ..
كل شي حاولت ..
عقلي مدايستوعب الي صار 7ايام كشفت الي ..خفايا 5سنوات ..اخ ..ياربي ..
جريت الفون ..
اتصلت باهلي ..
كتلهم اريد واحد باجر يطلعلي لمطار بغداد ..ليش ماليش ..
شحجي شكول ومنو يصدك ..سفرة تسوي هيج ..
ماكلت السبب..بس مهم ..يطلعولي ...وسديته منهم بعد ماذكرت الهم الموعد..وارد اتصل بيهم حتى ااكد ..
سديته منهم ..
اتصلت بمروان ..
الو ..
مروان ..
كولي شمس ..
اسالك سؤال ..جاوب ..بصراحه ..
كولي .
منو السبب..
سكت ..
احجي ..
ماعرف ..
شنو متعرف ..
منو ..هيه ..
ماعرفها ..
حلفتك ..بعزازك كولي منو ومين ..
شمس ..شنو الي صار بينكم ..
مروان جاوب ..
ماعرف ..بس اعرف اسمها ...لارا ..
ومين ..هاي ..
مغربيه ..يمكن ..
ساقطه ىمو بنت لليل ..
شنو الي صار ..بيناتكم ..
لا ماكو شي بس ..اطلكت ..
اطلكتي ..
اي ..
الي تريدي مني شنو اني حاضر ..
اريد اعرف ليش ..ومنو ..ولك راح اتخبل ليش ..
اني خنزيرة ..ليش ..شبيه ..ولك يكرهني ..
مروان ..يكرهني علي ..
راح اتخبل ..حب حياتي ..وروحي وراح ..
طلع يكرهني ...
للحكايه بقيه
