7ايام و8ليالي
الجزء الخامس عشر 15
سوزان المندلاوي
نزلت للفندق ..كلت ..اليوم اكوله لعلي ..واستدرجه ..
واخلي يجي ..للغرفه واسمع علي شيحجي ..هذا بس لا ناوي يفضحني الله لا يوفقه ..
كتله.مروان..وصلتني شكرا ورحم الله والديك ..ع كلشي ..
مشيت ..يمشي ورايه ..
محد يصدك ..ملحته ..ويايه ..شي مو بعقل ..احسهه مخبل ..
وصلت للمصعد ..صعد ويايه ....شي صار عادي ..ضليت .واكفه ..اباع عليه معقوله هذا صدك يحبني بله اكو هيج شي ..لو جنون لو شنو ..
من وصلنه ..كتله مروان اريد رقمك ..
صفن علية ..اي رقمك ..
ردة الي خزنته ..
ابالي افضحه ..
كال ..فايبر مفتوح ..كتله اوك ..طلعت ..اجه ورايه اني نسيت غرفته كبالي ..
انداريت عليه ..هاااا وين ..
ضحك شبيج غرفتي كبالج ..
اها ..اي ..
وصلت للغرفه ..كال شمس ..وداعت عيونج ..صورج ..انسيها متطلع مني ....
كتله اريد اسالك سؤال ..
اي كولي ..
تعاي يمي بلغرفه ونسولف ..
صدك تحجي ..
شكوبيها افتح ..الباب ..
كتله حتة سؤال بطلت اسالك ..زين ..
وفتحت ..غرفتي ..
كال اوكفي ..حاجيني فايبر ..
باوعت عليه وطبيت ..
اول ماطبيت ..رحت جريت الجنط ..ورة الباب ..وكرسي ..
حتى ثكل ..يصير خاف ناوي يطبلي ..
طبيت ..كعدت ..تعبانه ..
كلش ..منا علي منا مروان ..
...صارت بيه خوفه ..وحدي ..اليوم اكشف كلشي ..باجر ارجع للعراق بليل ..اليوم اخلي النقاط ع الحروف ..من علي لمروان لسالفه الاحلام ..
هناك واكول هاي البزونه ..من طبيت معبد النار فزيت وضل ابالي ..اكيد ..لهذا احلم بيها ..اما علي ماعرف ..شسوي ارجع واكول لاهله واهلي عليه ..
صدك خلي اخابر اهلي ..اتصلت بيهم وطمنتهم احنه بخير ..
ورديت اتصلت بعيالي هم كذالك طمنتهم ..
طلعت هدوم الي وطبيت سبحت ...فتحت الباب واسبح ..وكل شويه التفت حتى من اغسل وجهي بلصابون ..افتح عيوني اخاف ..واقرهه ايات ..
كملت ..دابدل ..شفت بعيوني البزونه فاتت.من كدام الحمام ..راحت للغرفه ..
ماعرف شسوي ....ضليت اقرهه ايات ..واسمي ..طلعت ..ماكو شي ..
دورت ماكو ..جوة الجربايه ماكو ..كلبت الغرفه ماكو شي ..
كعدت ..الخوف يتعب ..
حتى اعصاب مبقت عندي والم براسي قوي ..من اهبطه والخوف ..
بدلت كملت ويبست شعري ..اخذت اكلي ونزلت جوة ..
كعدت ..بلصاله ..اخر شي ..كعدت اكل ..
شكد كرهت نفسي وكرهت علي ..
عايفني وحدي ..
اجه يمي ..الكايد ..
ها اختي خيرج ..اريد ابلع الكمه واكوله كلشي بس اخاف ..لا محد يصدك بيه ..شسوي ..
كتله ..اضوج وحدي نزلت هنا ..
كال باجر ساعه 10 الطيارة ..يعني اخذو راحتكم ..بلنوم ..واتمنى ماقصرنه بشي وياكم ..
فمن ديحجي ويايه شفت ع ايدة طبع ..
ختم نغس الي شفته بايد علي ..
كتله بدون زحمه هاي شنو..ع ايدك ..
ضحك ..كتله شنو ..
كال ختم مال نادي لليلي ..
كتله ملهى مو ..كال تقريبا ..اها شكرا الك ..
علي وين ..
صفنت حسيت نفسي لكمه سهله للكل ..ياهو الي يجي يوكف يسولف ويايه يجوز هذا هم اباله غير شي عني ..
كال علي وين ..
هاا ماعرف ..شنو متعرفين ..والله ماعرف ..وينه هوة ..
اها ..لا تخافين ميضيع هنا ..
اي جانو توهم راجعين من المدينه ..المائيه ..
رد كال اكو طلعه بليل هم ..
اشرت اله ..اي ..
وراح ..شفت طيبه صحتها ..كتلها ..وين امج ..
كالت راحت اجيب غدة ..هااا..
قدمت الها اكل مراجت ..كملت اكلي ..وشلت الجيس ذبيته ..
وضلت يمي طيبه ..شوية احس بلامان من احد يمي ..
اجتي امها ..
كالت امشي ويانه فوك ..
كتلها لا خاله اخذو راحتكم ..امشي ماما ..
مشيت وياهم خوما اضل هنا لو اطب للغرفه واتخبل ..
صعدت يمهم ..
طبيت غرفتهم ..كعدت ..بدلو وكعدو ياكلون ..
اني النعس موتني احجي وياهم واحس عيوني تغمض ..كتلها خاله صارلي ..كومه منايمه من ورة الكوابيس راح انام هنا ..كامت عليه ..اسم الله نامي ماما نامي ..بمكاني مديت نفسي وتغطيت ..اسمعها تكول ..الله لا ينطي دمرها ..ميجوز من سوالفه اريد افتح عيوني ماكدر ..نمت ..احس طيبه تكعدني ..صاير اليل واني محاسه نايمه ..كمت ..ساعه بيش ..ب6ونص ..اويلي ..
اي حبي ..تعبانه ..جنتي ..اي والله ..
مدانام ..امج وين ..هسة تجي ..
كمت طيبه جابتلي جاي ..
كمت غسلت وجهي ..وكعدت ..مردت ارجع لغرفتي ..
شربت جاي ..
طبت ..امها ..وياها مروان عدلت نفسي ..
كالت ها كعدتي ..اي ..مروان كال شنو خطار جايه لو زعلانه..مجاوبته ..
كالت لطيبه ..امشي ماما..اني من كالت هيج .كتلها وين ..عايفيني ..شبيج ..اخذو راحتكم واتفقو بيناتكم .وضحكت ..انتي شدتحجين ..ولك شمفهمهم انت ..
عزة بعينك ..كمت ..مشيت .دفعني اكعدي ..ام طيبه وطيبه .سدو الباب ..
كتله مروان اصرخ افضحك ..والله ..ولك شتريد مني ..
اكعدي هسه ..شبيج ....ماطخج بس احاجيج ...
........
