سوزان المندلاوي
......شهرزاد .....
7 ايام و8 ليالي
الجزء السادس عشر~ 16
احس الهوى انكطع بصدري ..اريد اتنفس ماكدر ..
كتله مروان ..
اسمعي جيتج بكل الطرق ..ماجيتي انتي ..بس انتي الي صعبتي عليه ..
مروان ..فدوة اروح الك ....
تقرب مني اريدج ..افتهمي تعبتيني ..
كمت ابجي ..ربي دخيلك ..
مروان ع بختك ..شتريد مني ..
تقرب اكثر لزمني..من ظهري .كال .عيطي صيحي ..شسوين سوي ماهتم ..لشي ..
شفت نفسي ..صرت كدام امر الواقع وين اريد انهزم وين اريد اروح ...اذااعيط تنكلب عليه..منو يصدك ..بيه ..اخ قلبي
كام يبوس بيه ..من ركبتي ..ومن خدي ومن شفتي ..اني جمدت ..مثل اللعابه ..بس عيوني ..تنزل دمع ..
وخر مني وكف كبالي ..
كعد ..كتله مروان بس اشهك ..بلبجي ..مروان ..رجلي ضاع مني ..حياتي ضاعت ..خوف وكوابيس ورعب ..
ضعت اني ..بقى بس شرفي ..تريد تضيعه ضيعه ..بس والله يجوز انت ..مصدك ..بس مابقى عايشه ...بعد الي تسوي بيه ..
كاعد ..كبالي ..كلي ..روحي شمس ..روحي لغرفتج ..وبعد ماتعرض الج وعد ..انتهى كلشي ...اني احبج ..مو اريد اخسرج ..
اني اسف ..
بقيت ..واكفه مصدومه معقوله ..ديحجي صدك ..
رد كال ..
ارجعي وحياتج راح ترجع ..وكلشي يرجع ..لمكانه ..
..كام فتح الباب ..ووكف ..يلا
روحي ..
اني هم ..طلعت ..منه بس ابجي ..
وصلت لغرفتي ..شفت ..ناسيه ..الجنطه بغرفه ..ام طيبه ..
بقيت واكفه ..اريد ارجع ..لعقلي ..كل شي ضاع ..مني حتى تفكيري ..
دقايق واجه ..مروان جايب جنطتي ..انطاها الي ..وطب لغرفته ..موقفه دهشني ....
فتحت غرفتي ..طبيت ..وكعت بلكاع سجدت سجدة الشكر الله خلصني منه ..كله سبب علي ..
ماكو امل من علي بعد انتهى كلشي ...بيني وبينه ..
معقوله مروان يحبني صدك ..
معقوله ..بس هوة انسان غلط ماكو احد يخرب بيت مزوجة علمود حب ..ومو من حقه ..ولا من حقي احب او انحب ..
معقو له مروان خرب حياتي لا ..علي خربها حب 5سنوات ضاع ..
الحمدلله ماعندي اطفال منه ..جان بيها صالح
انتهى كلشي وي علي ..
انتهى..
انتظرت لليل علي ماكو ..
وميهمني بعد ..يجي او لا
ضليت كاعدة .وحدي ..فتحت البالكون وكعدت برة ..
صافنه وين راح توصل بيه منا لباجر ..
معقوله مروان سبب ..الي بي اني ..
ومنو هاي الي شفتهه وي علي ..
اكو حركه بلقلب ..اكو الم اكو لوعة ماعرف تفسيرها ..
احساس بلخسارة ..واحساس ..بلفقد واحساس ..بلندم علمود اجيت اهنا ..حتى دموعي ..وكفت بعيوني ..
احسها خلصت بعد ..
وميفيد ..الحجي ولا التفكير ..مر الليل كله ..
واني كمت ..اقارن بين مروان وعلي ..
بس علي ..ابو بيتي ..
مروان ..اخر موقف حسيته صادق ..ويايه ..
جان يكدر كلشي يسوي ..
بس تمنع وتركني ...
اباع ساعه 11مر الوكت ..بسرعه ..
كمت رتبت الجنط ..
شفت هدومي الي بعدني مالابستها ..
شفت الفرح ..واللهفه الي جانت ..عندي من رتبتهن ..ومحضرة روحي للسفرة
شفت الحب بيني وبين ..علي..
شفت ..نفسي ..الي خسرت روحي بيها ..
سمعت صوت ..
بلممر حجي ..وضحك ..
رحت يم الباب باوعت من العين السحرية..
شفت شباب طبو لغرفه مروان ..
شويه وطلعو ..
ضليت اباع ..
دقايق ..وشفت ..علي اجه ..طب يمهم ..
اني ..بععد ماكدر اوخر ..ركزت ..اكثر ..طبو وسدو الباب ..ضليت اباع انتظر علي يطلع..
بس شفت ..بنيه..جتي نفسها ..ام الحفله ..
دكت الباب ..
وفتحوها وطبت ..
اني ماتحملت ...
ضليت اروح وارجع اباع ..نسدت الباب بعد مانفتحت ..
جسمي من الاعصاب كام يرجف ..
يعني ماكدر مو بيدي ..مو بيدي ..اسكت ..
ارجع اشوف ..ماكو ..
شفت ..مروان فتح الباب ..وطلع ..
اني فتحت ..الباب ..شفت مروان ديمشي
رحت لغرفة دكيت الباب ..
علي فتحها الي ..دفعته وطبيت .شفت البنيه ..متمددة ع الفراش ..
انداريت ع علي ..
هاي شنو ..هم كول مو خيانه ..شنو هاي منو هااي ..
مروان اجه ..
البنيه كامت تعدل بروحها ..
كتله ..كلب حقير ..قذر ..كدام عيني .ولك انت شنو ..من بشر انت حيوان ..ورحت ع علي ضربته ضليت اضرب بيه ..
ليش ..سوي بيه هيج ..مو احبك ..ليش ..ليش..
لو مشايفتك ..احسن ..
من حركه قلبي هجمت ع البنيه ..جريتها من هدومها ..ماذكر ضربتها لو لا ..
بس اذكر علي جرني من شعري ..من غرفه مروان لغرفتي ..طببني واني اعيط واسب بي ..
وشمرني ..بلغرفه ..
ديريد يضربني ..لزمه ..مروان ..
ضربه ..
كله اكسر ايدك تذا مديتها عليها ..
وجهك افلشه ..علي صافن عليه ..
واني بلكاع ..واكعه ..
كلع وخر معليك انت ..
كله زمال اصحى ..هاي الشريفه تضربها ..علمود ساقطه ..اصحى ..غبي ..
ودفعه ..وطلعه ..من الغرفه ...
للحكايه بقيه ..
