7ايام و8ليالي
الجزء الرابع عشر ~14~
سوزان المندلاوي
علي ..علي ..ضليت اصيح ..
الاجانب يباعون عليه ..ربي دخيلك بين مافتريت اختفو ..وين راحو ..
معقوله نزلو يسبحون ..
كلت خلي اصعد اشوفه وينه ..اكو هوايه مدرجات ...
صعدت من نفس المكان الي نزلت منه ..
زصلت فوك عالم كومه ..امشي واتلفت ..شفت ولد ..كتلهم شفتو علي ..مروان ..
كالو لا ..
ربي وين اختفى ..يمه هذا كال يومين بس يموت رجلي يغركه ..
تخبلت ..وصلت للحوض ..شفت ام طيبه نايمه تشمس ..كتلها خاله فدوة ..دكي ع مروان ..
نزعت المناظر وكامت ..ليش ..
علي اختفى بس لا غرك ..
يمه اسم الله اوكفي ..
كالت ولج ..تليفوني ..بلامانات ..مو كدامج جطيته ..
شلون لعد ..راح. .اصيح اسمه ..
ضحكت كالت شنو احنه ..بزوراء وصيحين ..اسمه ..
هوة يعرف يسبح ..
اي يعرف ..
لا تخافين هسة ..يجي ..
كتلها راح ادور عليه ..
طلعت افتر ..
وصلت لباب الخروج ..شفت ..مروان طب ..
رحت عليه ..وين علي ..
كال بجيبي ..شمدريني وينه ..
ولك احجي وين وديت الرجال ..
كال طلع ماعرف ..
وين طلع ويامن ..
طلع وي الولد ..
مروان شفتكم .وي هاي البنيه ..جوة ع البحرونزلت انتو ماكو ..ولج والله طلع ..كتله وياها ..كال ماعرف ..بس كلي عينك ع مرتي هسة اجي ..
وصدك عيني عليج ..
كتله
خابره ..اسمع ..صوته .. كال تدللين ..
طلع الفون ودك ..
جاوب علي ..
الو علاوي فاتح سبيكر شمس عبالها غركتك ..احجي تسمعك ..
ها شمس ..كتله وينك ..كال طلعت ..اشتري غراض ..علي شتشتري ..شمس ..شبيج صوغه ..لاهلنه ..
اني اختنكت ..كتله وياك مو ..
منو ويايه ..
شفتكم سوه ..
شمس طالع وي الولد لا تخربطين ..
نداريت ..ومشيت ..ربي وين انطي وجهي ..يفك ..ساعه ويرجع اتعس ..معقوله هذا الي حبيته ..معقوله ..
رحت ..نزلت ..جوة ع البحر ..
يمكن براسي اريد اغرك روحي ..وحتى يحس بيه شكد احبه ..مشيت نزلت الدرجات ..
وصلت للبحر ..
ضليت واكفه ..اباوع وابجي ..سفرة خسرتني كلشي ..سفرة هجمت حياتي ..مداعرف منو هجمها مروان ..علي ..اني ..كعدت ع الرمل ..وضل المي يطخ ..برجلي ..افكر بعلي بذيج الايام الي جان بيها الي ..مو هسة ..مداعرفه منو..افكر بذيج الايام الي انام بيها مرتاحه ..
بقيت مدة ..ابجي ..العالم تباع عليه ..بشفقه ..
اجت اذريه حجت ويايه بس كلشي مافهمت منها بس من حركاتها تهون عليه ..وعافتني ومشت ..
كمت ..وكفت ..بدون وعي رجلي اخذتني ..للبحر ..مشيت ..بي ..اكو خوف بقلبي بس اكو احساس يهزم الخوف الضياع ..اغلى مااملك راح مني ..
امشي بس بعدة كياج ..يعني مو غميج ..
احس بايد ..لزمتني ..وجرتني ..انداريت ..
مروان ..شفته ..كعدت ..بلمي ع ركبي ..وابجي ..
كتله رجعه لحضني ..ضيعتني انت ..
ساكت ..رجعه الي والي تريدة يصير ..
مروان ..رجعه ..لو اموت ..
كال هلكد تحبي ..انت ماتعرف ولا راح تعرف ..لان هنا ماعندك كلب ...
مو اني ضيعته هوة ضيع نفسه ..
وخسرج ..
يعني ديخوني مو ..
درت وجهي للبحر وهوة ورايه ..ديخوني احجي ..مو ..
كال ..ماعرف..
بقيت واكفه ..حسيت بانفاسه ع ركبتي ..وباسني بوسه خفيفه ..
ولك انت شدسوي ...
احبج والله ..عيشي ويايع متخسرين شي ..
ولك شتحب مني شعرفت ..عني ..
احبج ..
جرني وحضني ..
عوفني ..عوفني ..
طلعت ..من المي ..
مشيت ...ورحت صعدت ..
اندار محد بحال احد ..هنا ..هاي لو يمنه جان زفونه ..ع حركه مروان ..
اندريت ع مروان ديمشي ..عقلي مديستوعب ملحته ..الي يلح مرة مرتين ..3بلميت ..مو يوميه ع نفس الونه ..
رحت ..كعدت ع الدرجات . شفته ديحجي وي واحد ..
واجه يمي ..اني ..كمت ..
صاح اوكفي ..اوكفي ..
شمس دقيقه ..
وكفت ..جر فونه ..خلاه بايدي ..
شوفي ..ششوف ..دشوفي ..
اباع ..لقطه ديبوسني ولقطه ..حاضني ..
اريد اوكف ع رجلي ..ماكدر ..احسها ماتت..
كعدت ..جر مني الفون ..
باوعت علية ..حسبي الله عليك ..وين تريد توصل وياية ..
غايتك ..ونسه وفراش مو ..كال
لا والله ..غايتي انتي ..
شستفاديت هسة ..من صورتني اشوفها لعلي ..مو ..وطلعني خاينه ..
لا ..
لعد ..ماعرف بس ماريدج ..تبعدين عني ..قسم بالله ..الصور لا تخليها ع بالج انسيها ماشوفها ..لمخلوق ..بس ..اريدج ..
تفلت ..عليه ..وكمت ..
صعدت ..الهم صار عشرة براسي ..مداعرف شسوي ..ضايعه ..هنا ..رحت فوك ..طبيت بدلت هدومي ..وطلعت جنطتي بيها الكارت مال فندق ..
وطلعت ..مداتحمل بعد ..هوايه صارت عليه ..مدااستوعب ..
الي يصير بيه ..طلعت ..
هم طلع بوجهي ..خرب ..اشوفه اكثر ماشوف نفسي بلمرايه..
مشيت ..طلعت الكراج ..احسة ..ورايه ..
بس منداريت ..طلعت من البوابه ..
ع الشارع ..وكفت انتظر تكسي وكف يمي ..
ماعوفج وحدج ..
حسيت نفسي لا حول ولا قوة ..بقيت واكفه ..
اجر تكسي ..صعدت ..
الطريق كله افكر شلون افضحهه ..ادز عليه بغرفتي ..واخلي علي يسمع كلامه ..لو اخلي الكايد ..يا كايد خرب اذا هوة صاحب شركه ..ياعلي هذا الي عايفني ماعرف وين ..قبل لا نوصل ..نزل يم مطعم ..
هوة ..اني بقيت كاعدة ..اكبر مشكله بلد غريب لا يفهمون لغتي ..ولا اعرف شي ولا اندل ..بيها حتى اروح اصخم الطم اشتكي ..
دقايق وصعد ..انطاني علاكه هذا غداج ..
وصلنه للفندق ..وابالي اخلص منه ..وافضحهه..
للحكايه بقيه ..
