7 ايام و8 ليالي
الجزء 19
سوزان المندلاوي ..
حولني مروان من غرفه ..لغرفه ثانيه بطابق الارضي ..
مكدرت انام ..بيومها ..ولا ثاني يوم ..
التعب اخذ من ..عقلي ووجسمي ..الراحه ..
ثاني يوم مطلعت ..من الغرفه ..الا ان ..صار موعد المغادرة ..
لميت جنطي وطلعت ..
وتوجهت للباص..
مارفعت عيني ..على اي احد ..وميعجبني اشوف احد..
كعدت بلباص..وتوجهنه للمطار ..اتصلت باهلي اكدت عليهم يطلعولي ..عرفت ..واحد من اخواني ينتظرني ..بغداد
ام طيبه جانت موجودة ..بس كل ما اصير مقابيلها ..تنهزم مني ..
اما مروان .موجود ..واشوف بعيونه ..كومه حجي ندم ..حب..ضياع ..ماعرفت افسرهه..
بعد الاجراءت الروتينيه توجهنه ..للطيارة ..وصعدنه ..
كعدت ..بمكاني ..وكعدو يمي مرة ورجلها ..
قلعت الطيارة ..
محسيت بخوف مثل الاول ..
ولا حسيت برعب ..
حسيت ..بنار ..داخلي..
اباع ع المطار..اذربيجان ..
واذكر كل حسرة والم ودمع..
يعني شي اقرب الى الخيال ..الي صار بيه ..
رحت ..مزوجه رجعت مطلقه ..
رحت حبيبه ..رجعت ..مغدورة ومسروقه .مذبوحه من اقرب الناس الي .
7ايام ..لا 7سنوات ..ودهر ..
بقيت ..صافنه ..
واسمع الي بصفي تشاقه وتضحك وي رجلها ..
ذكريات توجع ...وميفصل عنها بس ايام ..
وصلنه لمطار بغداد ..
حسيت براحه ..ووجع ..
مروان حاول يحجي ويايه بس ..تهزمت منه ..
كملت الاجراءت ..
وطلعت ..اتصلت باخويه ..
واجاني وشفته ..
سالني ع علي ..بس ماعندي ..جواب ..
بس ارتاح وواحجيلك..
اخذنه تكسي ..صعدت غراضي ..
شفت مروان ورايه واكف ..
باوعت ..عليه وصعدت ..
السيارة ..
حتى مالتفت ورايه ..
ماريد اذكر شي بعد ..
رحنه لبيت ..خالتي بغداد ..
ماريد اسمع احد..يعاتب او يسال ..بس مجبورة اححجي ..
الفون مابطل اتصالات من اهل علي واهلي ..
بعد ماوصلنه ..لبيت خالتي..
وارتاحيت ..
لزمت اخويه حجيت اله كلشي ..
من الاول الى الاخر ..
بس مثلي مكدر يصدك ..شي ..
وضل يتوعد ..لعلي بس وينه علي ماعرف ..
ثاني يوم.رحت يم اهلي ..
.هم نفس الشي الموضوع ماخلص ونضاف عليه ..يلومون بيه بسبب اختياري وتحديت الكل ..بي..مرت الايام ..
ةاهلي اتصلو باهل علي وفهمومهم كلشي ..
اهل علي ذبو الصوج بيه اني السبب اكيد ..
بعد فترة عرفت علي رجع ..
ابويه من عرف رجع ..
راحله لبغداد ..وتفاهم ويا ..وطلكني علي طلاك محكمه ..عود بسبب ماخلف اطفال ..
تركت شغلي هاي الفترة ..
والكوابيس صارت جزء من حياتي ..
نفسيتي ..اقل من الصفر بهوايه ..
تعبانه كلش..
اما مروان ..
الوحيد الي معافني ..وجان يتحمل كلشي مني ..
واكثر من مرة يجي ويريد يشوفني بس ماقبل..
حاول بكل الطرق يوصل الي عرض عليه الزواج ..
بس رفضته
حتى اتصاله ..كمت ..مااجاوبه ..
مروان حسيته صدك يحبني بس ..
كمت اخاف من ..كل رجل وكل تجربه ..
مروان ..جان تالي الليل ياخابرني يبجي ..يكول متعذب اني ارحمني ..
بس ماكدر ..صعب ..
ماعدا حتى اهلي عرفو كثر مجان يتوسل ..بيهم يقنعوني ..
بس محد جبرني ولا ضغط عليه ..تقريبا صار صديق العائله ...بس مكدرت اتقبله ..
الي صار بية مو قليل ..ولا اكدر. .انساه ..وترجع حياتي طبيعه ..
ورة فترة من الزمن ..طويله ..
بعد مارجعت ..الي صحتي ..بس جرح ..الي بروحي بعدة ..
ردت انقل شغلي من بغداد لاربيل ..
ونعرضت عليه فرصه عمل كلش زينه ..اكدر منها ..اكمل حياتي ..
واقتنعت مو كل شي بلحياه يكمله الرجل ..
مرات الرجل يهدم الحياه ..مايكملها ..
اكدر ..اعيش وحدي..
رحت لبغداد ..وي امي ..
وكمت امشي بلمعاملة ..
فمرة من المرات ..
جان عندي شغل ..بشارع...اكثره ..اطباء ..
شائت الصدف ..وشفت ..واحد من اخوان علي ..
طبعا حاولت ..اتهزم منه ..
بس ..
شمس ..شمس ..
سويت نفسي ..مستغربه ..
اهلا حمزة شلونك ..
الحمدلله وانتي شلونج ..امورج ..
تمام بخير ..
اهلك شلونهم ..
الحمدلله ..
والله ياشمس خسرناج ..
حمزة ماكو داعي لهذا الححي ..ماكو خسارة ..اخوك اختار حياته الله يسعدة بيها ..
شيسعدة يمعودة ..
علي انتهى ..
اني اريد اسمع ..بقيت واكفه يمه ..
كال ..هسة تشوفي ..
علي مريض..
شبي ..
وهاي حبيبته ...الي عافني علمودها ..
والله شمس حوبتج بينت ..
البنيه ..بلسجن ..دربها موخوش درب ..تشتغل بلمخدرات ..نحكمت مؤبد ..
بهلاثناء ..اجه ..ولد ..
اريداعرفه ..مداعرفه ..انتبهت عليه علي..
اني من شفته ..شهكت ..وكلبي نعصر ..
ضليت ساكته ..
ضعيف ووجهه اصفر ..يخوف مو هوة الي اعرفه ابد..
كوة يمشي
اجه وكف
شمس ودنج ..راسه ..اني اسف ..ع كل شي ..بس والله مو اني ..هذا ..اني مواني ..مداذكرالي صار وياج ..ولا داستوعب ..الي سويته بيج ..كام يبجي ..وانتجه ع سيارة ..
مو بس انتي خسرتي اني خسرت كلشي ..شمس ..
خسرتج وخسرت حياتي وصحتي ..وكل شي ضاع مني ..
ساكته ..ماعرف شحجي ..
حتى مرضي ماعرف علاجه شنو ..مخليت شيوخ سادة دكاترة ..ميفيد ..
عايش ع المغذي ..معدتي متتحمل قبق مي ..
اريدج تسامحيني ..
ابريني الذمه ..ع ساعه اموت ..
اني كمت ابجي ..انهاريت صدك ..
محد دمرنه غير مروان ..
اخذت نفس ..علي ..
اني مسامحتك لخاطر الايام الي كظيناها سوة .وادعي الله يشفيك ..وترجع لحياتك ..
وعفته ومشيت مكدرت اسمع بعد ..
امشي وماحس بروحي ..
وين راح اروح ..
هذا الشاب الحلو هيج ادمر ..
انتهى صدك ..موهوة ..
وشيقصد مروان السبب..
صعدت بسيارة ...
ارجع لبيت خالتي ..
اتصلت بمروان...
الو مروان ..
هلو شمس ..
شونج ..
مروان اريد اشوفك ..اني بغداد
اي ..
شوكت بكيفج ..
هسة ..
شمس هسة اني مو بغداد بليل ..
اوك انتظرك ..
باي ...
رحعت للبيت ..محجيت شي بس مصدومه من الي صار ..
ننت ارتاحيت وانتظرت اتصال مروان .
حتى اطلع ..
وفهمت امي عندي شغل ..
ساعه 6 اتصل بيه ..
وتواعدنه بمكان عام ..
وطلعت من البيت ..توجهت ..اله ..
طبيت للمطعم شفته ..كاعد ..
جيت سلمت عليه وكعدت ..
كتله ..مروان اريد اعرف الحقيقه وبعدها الي تريدة مني يصير الك ..
للحكايه بقيه قليله
