7 ايام و 8 ليالي
الجزء 18
سوزان المندلاوي
شمس شبيج ميستاهل اضفرج ..والله ..
مروان انت تعرف شي واني اعرف شي ..
روح ..
سديته منه ..
دنيا لليل ماعرف ساعه بيش ..بس ..الدنيا ضاكت بعيني ..
لو الزم طفل ميصدك ..بلي صار بيه ..7 ايام ..
جيت فرحانه ..وسعيدة ..والدنيا مالامتني رجعت مكسورة ومجروحه ..
فتحت الباب ..
وطلعت ..ماعرف وين اروح ..
ساعه فوك الوحدة ..
طلعت ..من الفندق ..
شافني ولد ..خيرج اختي وين ..
مجاوبته بس ابجي ..
طلعت مشيت ..ضلمه ..وهوى عالي ..
مشيت ..مسافه ..طلعت من بوابه الفندق ..
طلعت ..برة ع الشارع بس سيارات وعالم قليله ..هم ..والشارع فارغ
اخذت نفس عميق ..اكثر من مرة احس ريتي ..مسدودة ..
صرخت بصوت .عالي ..
ليش ربي ..ليش ...
وكعدت ع الرصيف ..
احجي وي روحي ..لا تبجين ..ولج ميسوة ..
.لج المفروض ..تضربي ع راسه مو تتوسلين بي ..
ولج ميستاهل ..
اقنع بروحي ..
كمت ماعرف رجلي وين توديني ..ماهتم ..
امشي وادعي ع روحي بلموت ..
مثل الطفل ..من يتمنى يموت من اهله ..مزاعلي ..يريد يشوف حبهم ..
اريد اذا اموت هم يبجي عليه هم يكول خسرتها لو لا ..
طلع ع الشارع العالم ..
مثل المخبله اسولف وي روحي ..
احس واحد ورايه ..امداريت مروان يركض ..
اني هم ركضت ..
وصل قريب يمي ..
وين ..رايحه ..
وينهت ..ولج شدسوين بروحج خرب متت ..عبالي صار بيج شي ..
عوفني ..بلكي الله سيارة ..تجي تضربني ..واحد يموتني ..
لزمني من زنودي ويهز بيه ..اصحي تخبلتي ولج ميستاهل دمعه منج الله كشفه الج ..
شمس متخيلتج ضعيفه هلكد ..
وجرني بحضنه ..
وايدة ع شعري حبيبي اريدج اقوى يروح فدوة ..لنعالج ..
ابجي اني ...
وخرت منه عدلت شعري ..
تعبانه ..مروان ..
كلشي راح..كلشي بح ..
ارجع شكول لاهلي شحجي ..
منو يصدك ..
الي صار ..
شمس اني يمج ..واني احبج ..
باوعت عليه ..
مووكتك ابد ..هلكلام ..
ابد مو بمكانه ..
شحبت مني ..وشعرفت عني ..
ماعرف من اول يوم دخلتي عقلي ..عجبتيني ..تجرين اني اي بنيه اريد تجيني ..ماكولج شنو شغلي بس اكجر ومتمكن ..
كتله بس مو كلشي فلوس الشرف اهم من كلشي ..مروان ..
اي صح ..بس ماصعبت عليه وحدة ..
احجي وياه وبالي مو يمه يم ضيمي وقهري ..
مافيدك اني ولا راح افيدك ..
كال ماجابرج ع شي ..
مروان الي بي انت موحب ..رغبه ..قويه شي مكدرت توصل اله حاولت ..ومكدرت ..وانت فسرته حب..
غلطان الحب مينبني ع غلط ..وانت دخلتك بحياتي غلط ..
كمت امشي .يمشي ورايه ..
كال لا شمس ..هلايام ثبتت احبج ..
الدلليل ..ماكدر اعوفج وحدج ..
وافكر بيج الليل كله ..واتمناج واحسد علي عليج
انداريت عليه
متكدر تعوفني ..كمت اصفك ..نفس كلام علي ..
تحبني نفس كلام علي ..
افكر بيج ..نفس الشي ..
كلامكم نسخ لصق ..
ههههههههههههههههههههههههههههه ...والنهايه تبيعون علمود نزوة ايام ..وغيرك ساعات ..
مو..استاذ مروان ..
مو ...
كلكم نفس الشي ..جنس ..هدام محطم لكلشي ..
اوكفي ..مو كلنه ..
لا كلكم ..
ع ذمته رجال وتريد تتقرب الي ..شتتوقع اكولك انت ..ملاك ..
نسيت اساليبك ..وحركاتك ..لا تبرئ نفسك ..
مودلليل ..
مثل الطفل ..اول ميجيبون اله اللعبة..يضل يلعب بيها وفرحان ..
تاليها تنشمر وتنذب ..
اخ ..ربي ..
هذا حالي ..5سنين للعبه ..وهسة انشمرت ..
وانت تجي تكول احبج ..
شتريد توصل ..لجسمي ..هذا همك الاول والاخير ..
لا لا غلطانه ..الف اكو ..تعرض نفسها ابلاش ..
مو هذا همي وياج ..
صح اني تبعت اسلوب نذل وياج ..رجت بكل الطرق اجيبج ..
بس اصرارج ورفضج ..خلاني احبج اكثر ..
كتله اشششش..
كافي..
انت راح ترجع ..لبيتك ..واهلك ..
اني راح ارجع المن ..الف سؤال واستجواب ..والشماته راح ..اطك اصبعتين ..والكل راح يلومني ..
الله الله ..
ربي ماردت منك شي ..ردت اغير جو ..
تاليه غيرت حياتي مو جو ..
شمس كافي كلامج ياذيني ..الي تريدي اسوي اجيب علي ..الج والله ..واخلي يبوس رجلج ..بس اريدج ترتاحين
اذيتج اذيتي ..قبلي بيه واني افكس عين كلمن يحجي وياج..
ميفيد ..الحجي بعد ..
رجعني تعبت ..
ضليت ..امشي ..
وساكته ..صلت للفندق ..صعدنه سوة ..
فتحت غرفتي ..
وطبيت ..
شفت الجنط ..
مخربطه ..
فتحت الباب ..
خفت ..منو طاب لغرفتي ..
اجيت شفت كل هدوم علي ماكو ..
باقيه بس هدومي ..
عرفت علي اخذ هدومه وغراضه ..
عفيه ماكو هيج ..تغير بيوم ولليله ..
لو اني مخبله لو راح اتخبل ..
لميتهن ..وصفطتهن
وكعدت ..
فتحت جنطتي ..زين الجواز مضموم ..
بس ولا فلس اكو ..
يمه ..ذهبي ..
ركضت ع جنطه ..ضامتهن بي
دورت ماكو كلبت الجنطه ماكو ..
عزة بعينك ..
علي ..عزة ..
ركضت دكيت الباب ..ع مروان ..
طلعلي ..
شكو شبيج ..
تعال شوف الغضب ..
طلع وياه ولد ..
طبو ..
شافو شكو ..
كتلهم انباكيت ..
لا ماكو هيج ..صار مدة ع هلفندق محد صار بي هيج ..
اوكفي ..
نزل ..
الولد يسالني شنباك ..
كتله ذهبي وفلوسي ..
صعد ..مروان كلي محد صاعد بس علي ..
شمس ..علي اخذهن ..
كتلة شسوي هسة ..
شناخذ منج ..ذهبي وفلوسي .هدوم لعلي ..
شمس تقدمين بلاغ ..
يجيبو ..الج ..
لا مروان ..
ليش ضعيفه ويا ..
مروان اريد ..تعدي حتى اخلص ..
شمس ..بس تخلص اقامته يرجعو ..
وشكد تكفي الفلوس ..
هوايه تكفي ..ذهبي هوايه ..
اووف علي اوف علي
لو خالتني املخه ..
سكتت..
باعي ..لمي غراضج راح احولج بغير غرفه ..جوة ع الاقل ..قريبه ع الادارة ..اخاف عليج وحدج هذا عقله انضرب ..
بكيفك ..كل الحزن والخيبه بيه ..
حضري غراضج ..
كتله اي
خلصت ..سفرتي الى الجحيم ..
للحكايه بقيه
