7ايام و8 ليالي
الجزء الثالث عشر ~13~
،،،سوزان المندلاوي ،،،،
حجم الرعب بكلبي جبير ..من مروان كل كلمه يكولها احس روحي تنخطف مني ..
احسه انسان غريب رغم ..شكله وطبعه عادي ..
اخر كلمه كالها اليه ..تهديد وتحدي ..
نشوف منو الي يضحك..اخر شي يامرببه ..
وعفته ومشيت ..
بسرعه ..
رحت لغر فتي ...
سديت الباب .
وجريت وحدة من الجنط ..خليتها ورة الباب..
كل هذا واحس بخوف منه ..
احسه يمي ..واتلفت...كل شويه ..5ايام اني عايشه برعب ..حتى نوم ماعرف انام ...
ضليت اروح وارجع ..بغرفتي ..
اتصلو بيه اهلي ..
مالي واهس حتى اجاوب ..
اعصابي ..تعبت ..ومات ..من كلشي ..
ضليت انتظر علي ..
بس مثل كل يوم ..
يختفي ...وتالي الليل يجي ...
سكران وناسي كلشي ...
كلت ميهمني شي بعد ..اني خسرانه خسرانه ..
بس ا يد احافظ ع نفسي ..هليومين ..
ثاني يوم جانت اكو سفرة ..للمدينه المائيه ..
فكلت اروح ...
حضرت الي ملابس ..
وماعرف علي يجي ..او لا ..
ماهتم بعد ...
ضليت الليل كله وحدي ..كلما اريد انام افز ..ع صوت ..
وجنت عالكة الاضويه ..الغرفه ..اخاف ..انام بضلمه ..
كل ضلمه ..احس مروان بيها ...
وارجع احط راسي اريد اغفه ..وهم افز ..كضيت الليل هيج ..وسماعات باذاني ومشغله التي في ..حتى ماحس بوحشه
صارت ب3بليل ..
نمت .....
ماحسيت ..الا ..وشي ع صدري ..ثكيل ..اريد ادفعه ماكدر ..
اريد افتح عيوني ماكدر ..
ضليت اقاوم بداخلي اريد ..افتح عيني ..احرك جسمي احس روحي مربوطه ..
كوة شلت ايدي خليتها ..ع صدري ..اريد اوخر الشي الخانكني ..مديت ايدي ..وعيوني مغمضه ..
ملمس ..نام وبي فروة اوشعر ..معرفت ..شنو ..
كلبي راح يطلع من الخوف بين النايمه وبين الكاعدة ..فتحت عيوني تغوش ..
غمضت وفتحت اكثر من مرة ..
شفت ..بزونه سودة جبيرة ..نايمه ع صدري ..
صرخت ..
بصرختي فتحت ..عيوني ..اني بلغرفه ..هدومي مي ..عركانه ..من الخوف ..
ضليت اقرهه ..ايات احس نفسي ..انهاريت ..اباع الساعه بعدها ب3..الي نمته يمكن دقايق ..
وهذا صار كلة ..خوف ورعب ..وكوابيس ..
اريد اعرف شنو هاي البزونه ..دخيلك ..ربي سلاما قولا من رب رحيم ..
اندكت الباب ..
جفلت ..
كمت ع كيف صحت منو ..
علي كال اني ...
رحت ..وخرت ...الجنطه ..وفتحت الباب ..
طب علي بس صاحي ..مو سكران ..مثل كل يوم ..
كتله الساعه بيش ..شوف الساعه ..
هم كول جيت من وكت ..
شبيج شمس ...لا مابيه ..شي ..
انت منو ..كال شنو ..انت منو ماعرفك ..
شبيج ..تخبلتي طب ..ديغير هدومه ..اي تخبلت .
انت خبلتني ..شمس ..شوفي ترة مليت منج وتعبت ..شبيج ..انتي ..كتله علي ..شكد حاولت احافظ عليك مكدرت ..كوة دتخليني ..اكرهك ..كال اسكتي اريد انام ..نزع تشيرته ..تقربت منه ..ركبته كلها ..طكع ..زركه وحمرة ..ضليت صافنه عليه ..كال ..هيوووو شبيج ..
لا مابيه شوف نفسك ..بلمرايه ..ششوف..ماعرف انت ..تعرف ..
ولا اهتم ..نزع وكمل ومدد بلجربايه ...
احساس صعب ..من اول عرفت اكو وحدة ..بس مو هلدرجه تترك اثر عليه ويطبلي ويدخل بعيني ماكو شي..شدعي عليك علي ..شكول ..شسويت بيه ..هاي نجدد ايام حبنه هاي ..نطلع من ضغط حياتنه ..
ماحجيت شي ..جريت فراش ومخدة ونمت ع الكنبه ..رفع راسه شافني هيج ..محجة شي ..
خليت راسي وغطيته ضليت ابجي بحركه ..
اجه يمي ..وخر الغطه ..شمس .حبي ..ماعرف شبيه ..عفيه ..تعبان..رفعت راسي ..كتله شبيك ..
مابيه مابيه ..من اشوفج اكرهه ..روحي ..وغطه. جهي ..راح نام ..
ربي عقلي راح يفصل شنو الي ديصير بيه ..شبي هذا حتى بوجهي ميكدر يباوع ..حسيت بي نام ..اني هم نمت كم ساعه ..كعدت الصبح ..غسلت وجهي عيوني وارمات ..من البجي ..وماكو نوم ..شفته نايم ..بدلت ..وحضرت هجومي بجنطه صغيرة ..كلت اعيش هليومين مابقى وحدي بلفندق واكيد هوة يعوفني ويطلع ..بس من ارجع كل شي يتغير وي علي بس مداعرف اوصل لقرار ..شنو كملت ..ونزلت .جوة ..الكل كاعد يتريك ..بس ماكو الغضب ..مروان الحمدلله ..عساه نام ومكعد خبلني الله يخبله ..
كمت اخذت اكل ..وجاي وكعدت ..اكل وحدي ..هناك .واشوف علي اجه ..اني استغربت اول تالي يجي ..يتريك ..ويكعد ..اجه يمي ..هلو ..مجاوبته ..جاب اكل وكعد ... رد كال هلاو ..سويت نفسي ماسمع واكل ..
شبيج مجاوبين ..علي حجاية ثانيه ..منك ..اسويك فرجه للعالم ..كافي ..ماسمع منك ولا اوسخ الساني بيك ..
انت شنو من بشر عايفني من الصبح لليل وحاير نزواتك الطايح ..حظها مفكرت بيه ..مكلت هاي تتعرض لشي لتحرش ..لصخام ..علي ..من نرجع للعراق ..نخلي حد بيني وبينك ..ميهمني شي ..بعد روح شوف ركبتك ..وبعدين احجي .ضل صافن عليه ..ميعرف يجاوب
عفته وكمت ..احس كلبي ..يريد يطلع ..والله احبه بس كلت يا يت صفعه اله ..يحس بلي يسوي بيه ..يصحى من عالم ..الفساد الي ماشي ..بي ..بطلعتي ..
شفت مروان صار بوجهي ..راسا سميت باسم الله ..
شوفته صارت رعب الي ..احسه ..هوة سبب احلامي ..
اجه يمي صباح الكيمر ..ياكيمر ..
صباح الصخام ..ع وجهك ..
اوف اوف شبيج حاميه ..
وحق الله ..هسة كدام العالم اشك هدومي وابليك ..
عوفني اطلع من حياتي ..ضليت اصفك ..خربت كلشي بيها شتخرب بعد ..
مشيت ..اجه ورايه ..
يمشي ..
ولك انت شنو من بشر حاسه الاحساس عندك معدمه ..والله ....
اشر بيدة ..يومين ..ويخلص ..كلشي.. ينتهي
وكفت ..نداريت ..عليه شفت علي ..جاي ..علينه
شتقصد بهليومين ...
بس..انتظري يومين ..مضل شي..
اندار ها ابو حسين الورد..
شعجب كاعد الصبح ..هسة داسال عليك ..شمس ..كالت اليوم علاوي نشيط ..
فكري بليومين ..
يمه راح يموتنه بهل يومين ..هذا سفاح ..بشر ..جن ..شنو هذا ..عفتهم وصعدت ..بلمصعد ..فكري كله بكلامه شيقصد ..يومين ونرجع لو شنو ..صح هوة بس اليوم وباجر وراها نرجع ..طلعت طبيت غرفتي ..اجه علي ورايه ..
شمس ..اني دارتب بغراضي ..
بس اسمعي ..استمريت ..ماسمعه ..طلعت الي برمودة ..وتيشرت فانيلا ..للمدينه المائية..
شمس مداعرف شديصير بية ..اني تعبان مثلج وضايع وكلي غلط..بس موبيدي ..كتله ..
يعني ..شنو..لاتقنعني بدون وعيك كل هذا ..
بس اسمعي ..اني زدت ..كلت اثكل اكثر ..
اخذت غراضي ..وطلعت ..
بلممر اسمع باب تنسد ورايه ..اندار نطلع علي ..واجه ..يمه كلبي شكبره صار ..راح يرجع الي ..اي واقنع روحي غلطه وعدت ..خوما هوة نبي ..وارجع واكول اني مناقصني شي ..هاي وياه وهيج لعد لو وحدة شيسوي ..
نزلت كعدت جوة ..اجه كعد يمي ..
شمس قسم بالله ..اسف ومتتكر بعد التوبه ...سامحيني ..كلي غلط وياج ..حقج ..هملتج وعفتج ..و....
شنو كمل ..خنتني وي الرخيصات القذارت ..كمل ..
لا موهيج ..
دامك هيج خليك ...علي ..
اجتي ام طيبه وبنتها ..
صباح الخير ..صباح النور ..خاله ..
كالت شلونك ..علاوي ..عاش من شافك ..
ابتسم بوجهه..
وكمنه للسيارة وتوجهنه ..للمدينه المائيه ..
مروان هلمرة عافنه ماعرف ليش ..ماجه ويانه ..
اني حسيت هم وانزاح عني ..
علاوي الطريق كله ..ساكت ..ودايخ ..كل شويه يريد يحاجيني ..او يلزم ايدي ..او يشاقه بس اني مثكله ..شفتها جابت نتيجه ويا ..
وصلنه نزلنه ..دفعنه الرسوم وطبينه ..هنا عيني شافت العجب ..من البنات ..ولبسهن ..او بلاحرى ..مصاليخ ..بس سويت نفسي ماهتم ..علاوي ماعافني ابد ضل يمي ..
دخيلك ربي رجعته الي فدواتك ..اني هم كلت بليل افك وياه ..خطيه ..مابقي هيج ..
طبينه جوة مسابح والعاب بلمي ..اشكال ..
رحت بدلت هدومي وطلعت ..ام طيبه ..هم..اما بنتها صعدت فوك طابق نسائي ..وحدهم..بس ماكدر اطب الا انزع والبس مايوة ..اني وام طيبه رحنه بحوض صغير متل اطفال ..علي يمنه ..ضل ويشاقه ويايه وويشمر عليه مي ..
اني فكيت وياة ..شويه ..من نشوف الحرس راح ننزل من يجي نطلع لان ممنوع انزل بهدومي لازم اصلخ مثلهم ..
بقينه نلعب بلمي اني سعادتي متنوصف حبيبي رجع اليه ..
شويه واسمع صوت مروان ..علي..علاوي
انداريت شفته ..جاي ..لابس شورت بس .وياه وحدة لابسه مايوه بكيني ..وردي ..وبس ..ومناظر ..شمسيه ..اباع عليها ..جني شايفتها ..
تقرب منة ..جتي كالت ..كيفكون ..
انه اذكرتها هيه نفسها بلحفله ..علي راسا طلع من المي ..وراح يم مروان اني هم طلعت وكعدت ..ع حافه
بدون حجي عافني ومشه ..علي هوة ومروان والبنيه ..
اني كمت مشيت وراهم ..
عبرو البنايه ونزلو بدرج . اباع نزلو ع الشط ..البلاج ..
ضليت اباع من فوك ..
شفت ..علي والبنيه كعدو ..ع الكراسي ومروان واكف ..بس المضلات مدتخليني اشوف زين ...
افتريت ..حتى انزل ..ضليت امشي ..وصلت للدرجات ..
نزلت ..جوة ..
مشيت بلرمل ..حار ..اوف ..وصلت ..ماكو احد ..
يمه اباع يمنه يسرى ..ماكو ..
بس عالم .بس لا مروان ولا علي ولا البنيه ..
ضليت اتلفت ...
للحكايه بقيه
