7 ايام و 8 ليالي
الجزء التاسع (9)
...سوزان المندلاوي.....
الطريق كله ممرتاحه ..احس اكو شي ..
حتى علي موطبيعي ..ضايج ..مدري شبي ..
حاول ويايه ..كتله سد الموضوع انساه ..
ضل كاعد يمي هلمرة ..
اجه مر وان كعد يمنه ..وضل يسولف ..وي علي ..
اني الدمعه بعيوني ..
وصلنه الاستراحه ..
نزل علاوي ونسه فونه ع الكشن جريته ..شفت مسوي باسورد جديد ..
هنوب تخبلت اكثر ..
شديسوي هذا مو خالي ابد ..
اجه مروان كال وين فون علي ..
كتله هياته ..
كلي شمس شبيج مو ع بعضج
ماكو شي ..
لا بيج ..
يروح فدوة الج الي يغثج ..
اني ضليت صافنه عليه ..
هذا شبي ..
عوفي علاوي عليه اني اشوف شنو فلمه ..
ياريت ..
باعي انتي ..عزيزة والله ..
وحتى كلت لخالتي الله ينطي الجوز الي ماعندة سنون ..
كتله ..
عفيه اريد انزل ..
اي اسف نزلي ..
امشي واندار. عليه اشوف عينه عليه يريد ياكلني اكل ..
يمه شبي هذا ..صحت علي ..وينك ..
شفته ديشرب جاي ..
كاعد كعدت يمه ..
اجه مروان اني كمت داغسل ..
طبيت للحمام وصخ وقديم ..
غسلت وكملت ..
سمعت صوت ورايه ..
اندار اشوف بزونه سودة ..جنها الشفتها بمعبد النار تخوف
يمه دخيلك ربي شنو هاي ..
سويت الها كش كش ..
هاي شطببها ..
كامت تنفخ ..
يمه ربي ..
طبيت بلحمام ..انتظرها تروح تخوف ..
مديت راسي بعدها ..
يمه ..
صحت عفيه منو هنا ..ساعدوني ..
ضليت اصيح ..
طب مروان شبيج ..
بزونه ..
كشها طلعت ..
كال
يمه صدقه بزونه تخاف من بزونه ..
تعاي طلعي ..كتله
تخوف ..
كلي
اي جني هاي ..
اسم الله ..
علي وين ..
ها ماعرف ..
شنو متعرف وينه ..
رحت دورت علي ماكو..
وينه ..مروان ورايه يمشي ..
حسيت اكو شي موطبيعي ..
فتريت شفته ديحجي بلفون وعصبي ..وياشر بيادة ..شبيك ..علاوي ..
شافني سدة ..
خير اكو شي صاير ...اهلك شبيهم
لا حبي ماكو ..
هيج سالفه تعبانه ..
منو ...شكو ..
هيج
امشي ..
مشيت مروان ويانه ..
اني تعمدت ..حضنت علي ..من دامشي ..
شاورته ..
كتله احبك ..
اندار عليه ..
اني هم ..بس ضايج مو ع طبعه ابد ..
سويت هيج حتى مروان خاف اباله شي يشيله من راسه ..
صعدنه بسيارة ..مشينه وصلنه ..
للفندق ..مبقى بي يومين ونرجع لباكو وراها نرجع للعراق ..
اوف بس اريد ارجع ..
صعدنه للغرفه ..
خليت غراضي ..
ومددت ..افكر بلي صار ..اول شي اجه ابالي مروان ..
مروان ..ماعرف شنو سالفته ..
طبعه حلو يشاقه ويضحك ..واشوفه دائما ويايه ..
بس شيريد مني بهذا كلامه ..هذا شجاه ..ياربي ..
منا علي منا هوة ..
مين ماندار الكاه ..كبالي مروان
راح يخبلني ..
اشوفه اكثر ماشوف ..علي ..
علاوي هاي الفترة الي وصلنه بيها ابد متقرب الي ..
ابد موعوايدة ..
يعني جنت اذا اتمنع عنه يوم يومين يزعل ..
هنا هوة ابد متقرب الي
انتظرهه يجي ..واشوف شنو سالفتة ..
اجه ..
كال حجزت ..
شنو
حجزت بطايق مال حفله ..ايرانيه ..
منو ومنو الولد واني
وام طيبه وبنتها وانتي ..
بليل ..نروح ..
اوك علي ..
حبي مشتاقه الك ..
شموس خلي اسبح ..واجيج
طب سبح ..
اني محسيت بهدومي نمت ..
كعدت فازة ..
صورة البزونه جتي بوجهي ..وكعدت
شفت دنيا مغرب والغرفه ضلمه ..
حسيت بخوف ..
مديت ايدي ..داجر الفون
حسيت ايد ع ايدي ..
رفعت راسي ..اشوف مروان بوجهي ..
عطت ..
احس ..علاوي يكعدني كومي كومي ..شبيج ..
فتحت عيوني كوة اجر النفس ..مخنوكه ..
كتله كابوس ..
اسم الله عليج ..
حضنته ..علاوي اريد ارجع ..خايفه
ليش حبي ..
ماعرف ..
ممرتاحه ..
شموس ..
خلصت ..مبقى شي ..
هاي الي ردتيها ..
اصلا يمكن اجدد..
لا فدوة رجعني ..
ولج بس يومين ..
دخيلك ارجع ..
ارجف ..
لزم وجهي شبيج ..
احبك ..ماريد اخسرك ..
لزم راسي كبري هذا ومتخسريني ..
ضليت حاضنته ....
يلا حبي ..دنطلع ..
شاورته ..كتله شنو فلمك انت ..شو جيت هنا نسيتني ..
هههه اني انساج بس تعبان ..وانتي كاظيتها نوم ..
اني ...
اي حقك ..
كمت ..
تعالي ..
زعلتي لا يابة ع شنو ازعل ..
خلي ابدل ..
شلبس ..
بكيفج ..
فستان مو ..
بكيفج حبي ..
عندي فستان اسود طويل كيبور مبطن ..كصه الحوريه ..
حضرت الهدوم ..
وطبيت سبحت ..
بلدوش ومي حار ..
احس ورايه ..احد ..
اندار ..ماكو هووف
تعوذت من الشيطان وبسرعه سبحت وطلعت ..
طلعت علاوي كاعد ع النت يكلب ..
يبست شعري .طلعت الفير ..
مكيجت مال سهره ..اسود فوك عيوني ..ودمجته .بذهبي فاتح ..وحمرة حمرة ..
ولبست وسويت شعري ..بلفير ..
وطلعت حذاء ..كعب عالي احمر ..وجنطه حمرا مال سهرة ..
وتعطرت كوممه .ترست روحي .عطري الفيرساجي مفضل عندي واحبه
كتله هااا..
كال الله الله ..
عروسه ..تخبلين حبي ..
فديت اللحم ..المربب..مالتي ..
ابوس ..
ضربته ..شتبوس
المكياج يخرب ..
ههه.يلا خلي ابدل ..
بدل علاوي وكمل ..
شويه حسيت علاوي رجع ..
لطبعه ويايه ..
ارتاحيت ..
كملنه وطلعنه ..
من الغرفه صعدنه ..بلمصعد نزلنه ..جوة ..
شفت الكل كاعد..
والكل يباوع عليه ..
بس جان مروان ماكو ..
ام ..طيبه ..هاي شنو شطالعه ..تخبلين ..
بلعافيه عليك ..ابو حسين ..
يضحك ..
اجه مروان ..
جان مدنج ..اني واكفه ..وحاضنه علاوي ..
رفع راسه ..شافني ..
ضل يباوع عليه ..
واني هم عيني عليه لابس قاط اسود ..وقميص اسود وفاتح دكم صدرة ..
اشر براسه وحركه بعيونه ..يعني هااي شنو...
اجه كال يلا ..الكل جاهز
اي ..
مشينه ..
طلعنه ..مروان راسا ..طلع جكارة ..ويدخن ..
مشه علاوي قبلي ..
احس مروان بصفي ..
كال ..عطرج ..
دمرني ..
للحكايه بقيه ..
