7 ايام و8 ليالي
سوزان المندلاوي
كعدنه ..
كتله مروان احجيلي الصدك ..والي تريدة مني يصير ..
كال
مثل شنو الي اريدهه ..اني احبج ماريد غير حبج الي ..
اني بداخلي اريد اعرف الحقيقه ..بس ردت اوصل الها ..
شمس ..
نعم ..وحق الله احبج ..ومتعذب بدونج ..احس روحي يمج ..اتمنى ترجع الايام وماذيج بشي ..
يعني اذيتني ..
سكت ..
اسمعي ....اعشقج ..الي تكولي ع لسانج شمس ..شكد احاول اللتهي بغيرج او بشغل ماكدر .
مروان اني مجايه اسمع منك شكد تحبني ..
اني التقيت بعلي ..اليوم وكلي ع كل شي ..
شكلج ..
ردت ابوك لسانه ..وافتهم مكدرت اسمع من علي ..وضعه
ميساعد ..ولا اكدر اسمع منه بعد الي صار ..
كلت لمروان
كلشي عرفت ....
ليش مروان هيج سويت ..
مروان ..بلع ريكه ..وشرب مي ..
ورث جكارة ..
شمس ..غلطه ..محد بينه معصوم من الغلط ..جنت متهور وعايش حياتي غلط ماحسبت ..حساب شي ..
متوقعت لارا كلامها صدك ..
اني بس اريد استوعب الكلام ..مدافتهم شي ..
اجه النادل ..
نزل بباروتي وعصير ..
مروان اخذ نفس كلي اكلي شربي ..
مروان مجايه اكل واشرب ..
شمس ..
نعم ..
والله متوقعت هيج عبالي..شقه ولعب
كمل اريد اسمع من البدايه ..
بس وعدني الاول
شوعدك متبعديني ع حياتج ..
ماوعدك ..الا اسمع..
سمس حتى لو صديق ..راضي المهم يمج ..
اوك كمل ..اسمع ..
بيوم الحجز من اجيتي ..جنت اني وولد صديق ولارا كاعدين ..لارا صديقه الي ..واني فتحت ..فرع بتونس وهيه لغتها قويه فشغلتها ويايه ..
اي كمل ..
جنه دنسولف بيناتنه ونضحك ..ع السحر ..هيه تكول بيبيتي مغربيه تسوي سحر وسحرها ميخطي ولا يخيب ابد ..معروفه بي ..
اني اضحك اكولها ماكو هيج ..
كالت الي ابالك مستعدة اسوي ..
وع شرط رهان ..
اني وافقت وجان الموضوع كله شقه ..والله ..
فتي انتي وعلي دسالون ع الحجز ..
صاحبي كال شوف هاي الصاكه ..
انداريت شفتج ..
صدك حلوة عبالك ..اوربيه ..واجمل ..جمال عراقي ..اجنبي ..وضحكتج وصوتج ..وشفت..عيونج ع علي ..وتلزمي وتحضني ..
انداريت ع لارا..كتلها ..دشوفين هذا الكبل ..
اي اشوفه ..
اريدج ..تفرقيهم ..
انداريت عليه ..حالت خطيه ..
كتلها تحدي ..انطيج 500دولار ..
اذا كدرتي بمدة ..7ايام و8 ليالي ..
رادت مني اساميكم ..وصوركم ..وجان كلشي موجود ..بلجواز صور ..والاسامي
كالت اي..واتفقنه وبقينى ..نضحك ..ونسولف ..
اني مابينت اله مصدومه كتله.
.كمل ..مروان ..
مروان يطفي جكارة يورث جكارة ..
وصارت السفرة ..تقربت من علي ..بس ..
علي من اول يوم ..راد بنات ..قبل لا يعرف لارا ..
وكام يلتقي بينه ..وشاف لارا..
لارا شافت علي مناسب الها ..صراف ..اخذته الها ..
حاولت اخلصه مكدرت ..
بس بفترة السفر ..اني تعلقت بيج ..
وطلبت منها ..تميلين الي وتحبيني ..
حاولت وسوت سحر ..الج ..بس انعكس عليه ..
شمس اني اتنفسج ..اعشقج ..يمكن ..
رب العالمين عاقبني بيج ..
احبج واريدج وانتي متحبيني ..
باعي ..قبل لا تحكمين حاولت اوصل الها ..وافك ..الي صار ..متوقعت صدك ..متوقعت سحر ..يهجم بيت ..
طيش ..وغرور ..وتهور جان ..هسة اني متندم ..بكد شعر راسي ..
ضيعتكم ..وضيعت نفسي ..
اني اريد استوعب الكلام ماكدر ..احس دماغي كام يطن ..
مروان يعني ..جان رهان ..
حياتي كلها رهان ..
اسمعي ..
علي من اول يوم بلمطار ..
كال اريد هناك ..اعيش ..دلوني ملاهي .وبنات ..
حتى كتله ولك بعدكم عرسان ..
كال معليك بيها ..هاي غبيه ..لو اكولها تموت تموت تحبني ..
اني كرهته وزادت الرغبه عندي ..اخذج منه ..
طول الفترة احاول وياج ..
وانتي صديتيني اول مرة بنيه تصدني هيج ..
بس حبيتج ..قسم بالله ..
اتمنى تسامحيني ..ماريد غيرج ابد ..مستعد ..اعيش وياج ..بس اشوفج يكفي ..
كتله
انت تعرف الله ..وجاي تحلف بي ..
لا والله متعرفه ..
بله علي حقير ..وانت شنو ..
نذل ...حيوان ..قليل ..لا انت شيطان ..
تعرف كميه الالم الي عشت بيها علمود التحدي مالتك ورهانك الي خسرني عمري ..
شمس ..
اسكت
ياشمس ..نطفيت اني ..
تعرف شنو الرعب الي عشت بي ودا اعيشة لليوم من احلام وكوابيس ..
من جنت تكول بحلامي اطلع الج ..صح ..حتى احلامي خربتها موبس حياتي ..
وتريد اسامحك ..
لا انت ولا علي تستحقون وحدة مثلي او اي وحدة شريفه ومحافظه ع نفسها ..
رغم قذارتكم بقيت ..مثل نخل العراق شامخ بلشرف ..
انتو مكانكم مو هنا مكانكم بزريبه ..سامع بيها حضيرة مال حيوانات ..او غابه ..تعيشون بيها ..
ماكول شي بس ..حسبي الله عليك ونعم الوكيل ..
ترة علي مكلي شي ..
ضل فاتح عينه ويباع عليه ..
ودنج ..
علي ديحتضر ..سحركم ..موته ..
كال مو اني ..
بس حاولت ..افك السحر ..وفتحته عنج وعنه .هوة سوء اعماله ..واحب اكولج شي ..رجلج ..هوة وياج عندة علاقات ..
ميهمني يعني انت تريد ..
تبرر.عن نفسك ..
اثنينكم وجهين لعمله ..وحدة ..
عملة ..القذارة ..
وعفته وكمت ..
وعفت كلشي ..وغلقت صفحه مرة من حياتي ..
مرت الايام ..
ونجحت بحياتي ..وبشغلي وصرت انسانه معروفه اعلاميا
وكسبت حب الناس ..
وعرفت اعيش حياتي الي لوحدي
..بدون رجل ..
بس مروان مابطل محاولات ابد ..
بدة ياذيني ..
اي شخص يتقدم الي ..يسوي مشاكل ..
اني كمت اكرهه.اكثر واكثر ...
علي ..اخر شي عرفته عنه من دوله لدوله بس يريد يتعالج ..
الساحرة ..سوء اعمالها ..انحكمت مؤبد بدوله عربيه ..
اما مروان ..حبه الي وصله للجنون .عاش نفس الي عشته اني ..كمت اتلذذ باذيته انتقمت منه ..بهجري اله ..
واشوفه متعذب يتوسل ..بيه ..بس احجي وياه
.ومتاكدة حبه الي سحر ونكلب عليه ..او عقاب رب العالمين اله ..
ولليوم يحاول ..ويايه ..
اما اني ..لكيت نفسي.بعيد عن علي ومروان ..بعد ..عذاب طويل ..
وعشت ..حياتي وتركت الماضي كله..
ورايه ....وكدرت احقق..
احلامي بدون جنس ادم ..
النهايه ..
