أرحمني (باللهجة العراقية )

البارت العاشر

في صباح اليوم التالي عند اريج

كعدت الصبح وشافت الساعة تسعة كعدت امهة

اريج : ماما ماما

ام اريج : هاا بنتي يوجعج شي

اريج : لا ماما بس شوفي الدكتور خلي يكمل الفحص ونطلع طكت روحي من المستشفى

ام اريج : بنتي من كل عقلج تحجين هسة تلكيهم ببيوتهم ونايمين ميجوجج للعشرة لو لل11 شوكت ميعجبهم يجون

اريج : هفف الله لايوفقهم والحل هسة دروحي شوفي بلكت تشوفين احد

ام اريج : ماشي رايحة كعدي اختج

اريج : ماشي. ميس كعدي يالله

ميس : هااا بيش الساعة هسة

اريج : بال9 يالله كومي هسة يحوز يجي الدكتور

ميس : اي كايمة والله تكسرت من هل النومة

اريج : يالله هسة يجي الدكتور وشبعي نوم بالبيت

اجة الدكتور وفحصني وانطاني اذن للخروج وطلعنة ورحنة للبيت اني صعدت لغرفتي الصراحة مااستنظف المستشفيات فتت سبحت ولبست تراك وحاولت انام بس بقيت اتذكر احداث البارحة ولسوا علي بيه من تذكرت لمسته وشلون اثرت بيه ضل گلبي يدك بس لازم مااخلي عواطفي تسيطر عليه هذا واحد حقير ولسوا مو قليل لازم ابتعد عنة حتة لااوكع بمشاكل ويكفي الي شفته البارحة منة ومن رائد لازم ابتعد عنهم نزلت وشميت ريحة شفت امي مسوية شاورما وزلايط وشوربة حميت الاكل وصبيت وصحتلهم وكعدنة ناكل ترددت اكوللهة انو. تركت الشغل كل شوية افتح حلكي اريد احجي واسكت

اريج : ماما اريد اكلج شي

ام اريج : اي ابنتي احجي

اريج : ماما اني تركت الشغل بمطعم رائد فلازم ابلش ادور شغل

ام اريج : بنتي ماكو داعي دورين شغلي يكفي والحمدلله

اريج : يمة وين يكفي عدنة الايجار والفواتير وعلاجج يمة وميوسة وراهة دراسة ومصاريف متكدرين وحدج لازم ادبر شغلة ثانية

ام اريج : بنتي كتلج ماكوو داعي وبعدين راح احاول ادبر غير شغلة واشتغلهة انتو التهو بدروسكم وماعليكم بالباقي

اريج : يمة انتي شدا تحجين شنو تشتغلين بهل العمر اني اصلا اريد اخليج تركين الشغل مو اخليج تشتغلين وراح ادور على شغل وهذا اخر كلام عندي

ام اريج : ماشي بنتي بس اهم شي مياثر على دراستج

اريج : لتاكلين هم يمة اني اروح اخذ العلاج وارتاح

رحت اخذت العلاج ورتاحيت شوية وحجيت ويا زينب

اريج : هلوو زنوبة شلونج

زينب : هلوو حبي شلون صرتي

اريج : الحمدلله بخير ونعمة

زينب : اكولج باجر داومين لو لا