أرحمني (باللهجة العراقية )

البارت الاول

راح اعرفكم عن نفسي اني أريج طالبة جامعة مرحلة اولى عمري 19سنة قصتي بلشت من اول يوم جامعة طبعا اني حالتي المادية كلش ضعيفة فقيرة يعني بس ابد هذا الشي مخلاني اخجل بالعكس خلة شخصيتي اصير اقوة  عدي عزة نفس مااقبل العطف والمساعدة من احد عائلتي متكونة من امي امي تشتغل خياطة وتخبز وتسوي كبب واكلات هواية لان حالتنة كلش تعبانة وعندي اخت وحدة ميس عمرهة 15سنة طبعا شكد حاولت تشتغل وتساعدنة بس ماقبلت مااريدهة تشتغل اني موفرتلهة كلش طبعا اني حلوة كلش طويلة وجسمي مرتب يعني رشيقة  وعيوني لونهة بني وشعري اسود ويغطي ظهري بس مو سرح وحنطية طبعا محجبة اني واختي هم

راح اخلي علي يعرفكم عن نفسة

هلو اني علي راح اعرفكم عن نفسي اني طالب مرحلة ثانية اني غني كلش وعندي سيارة وماردت بنية اذ مصارت الي وطبعا اعرف البنات يموتون على الفلوس لذلك اضحك عليهم وممخلي بنت بالجامعة اذ مصارت صاحبتي بس لفت نظري بنت اول يوم بالجامعة رافعة خشمهة ومغرورة بس بكلبي يحقلهة تنغر جمال بس لاتغركم المظهر اكيد مثل باقي البنات. نرجع طبعا اني على 3بنات واهلي مدلليني هواية خواتي 2مزوجات وعندي اخت وحدة نور صف خامس طبعا هاي الروح بالروح واحبهة كلش وعلاقتي وياهة كلش قوية طبعا جان عندي حبيبة وزوجت وجنت اريد اتزوجهة بس اخلص جامعة بس حقهة دكتور بالجامعة متعوفة وهوة استاذي وهية هم طالبة بالجامعة

اريج كعدت الصبح الساعة 10 اليوم جمعة وماعدي شغل اني اشتغل بمحل ملابس من ال 9الصبح الى 12 وبعدهة اروح للمطعم ومن 12الى 7 طبعا اغسل المواعين واغسل الخضرة صح اتعب بس الحمدلله وطبعا عندي صديقة تشتغل وياية سارة بس متدرس لان اهلهة ميقبلون واصلة ثالث متوسط وتركت الدراسة

ام اريج : بنتي تعالي ساعديني ام احمد تريد خبز ولازم نطبخ  اليوم عدهة عزيمة وراح دز ابنهة يجي ياخذ الاكل ومضل وكت

اريج : اجيت امي شنية الاكلات لتريدهة تبلش

ام اريج : بنتي بقة بس الحلوو واني مردت بس هية كالت اي نوع حلوو تعرفين سوين سوي

اريج : ماشي ماما تركيهة عليه اني اسويلهم

ام اريج : بنتي اني هسة خلصت راح اخبز بس خلي عينج على الفرن والطباخ لينحرك الاكل

أريج : ماشي بلشت اسوي حلويات سويت كيكة و ترافيل بالفواكه ومكدرت اسوي شي بعد لان ماعندي مواد كثيرة خلصت ساعدت امي وخلصنة وطلعت سبحت ولبست دشداشة

خلصنة الاكل وسلفنا واجة ابنهم ويا شخص ثاني بس مارتاحيتله صاحت امي عليه

ام اريج : يمة اريج تعالي ساعديني تنطلع الاكل للولد

اريج اي اجيت طلعت الكيكة

طلعت وذولة فاتحين حلكهم هيج 😳😳
جنت لابسة دشداشة طويلة مخصرة
اني خجلت بس مهتميت نطيتهم