أرحمني (باللهجة العراقية )

part21

اريج

جنت خايفة كلش مرات يجي بالي افوت واخرب كلشي وانقذ نفسي بس اتذكر تهديدة اتراجع تعبت كلش جنة كاعدين وطبعا ميس حولت من شباك المطبخ للممر الي يم الصالة تتسمع شيكولون كل شوية تجي تكولي شيكولون اجتي تركض

ميس: لج يكولون خل تجي العروس ونسمع موافقتها يردوج تفوتين

اريج: شنووووو مااريد استحي شيفوتني بين هل الدنيا

ميس: دنجبي لج فوتي خل يشوفج وتشوفي

ام اريج: اريج جيبي الصينية وفوتي يريدون يشوفوج

اريج: ماما مااريد استحي

ام اريج: هاي احلى لحضة ولج باجر تذكريها وتكولين لو تنعاد يالله ميسوو شيلي صينية الكيك وهية تفوت العصير يالله لتفشلوني هسة يكولون مامعلمتهم الاصول

ميس: لا ماما اطمئني هسة نفوت وراج

اريج: ياربي ولله يمكن اوكع بنص الصالة

ميس: لج سم بسم الله وفوتي يالله اني وراج

شلت الصينية وايدي ترجف معرف شصارلي متوترة وخايفة مع العلم مجبورة لمفروض ميصير بية هل شكل بس الخجل مو بالايد هذا حياء بالبنت من تصير السالفة جد يصير عدها خجل سميت بسم الله ومشيت شفت نفسي بالمراية مال الممر شكلي مابي شي فتت الكل يباوع وكعت عيني علية اجت عيني بعينة ضل صافن اني خجلت نزلت راسي ضيفتهم والكل يكول ماشاءلله وشهل الجمال احس رجلي متشيلني

ام علي: بسم الله ماشاءلله لعين لتحرسج تخبلين ماشاءلله

ام احمد: الف الصلاة عل النبي الله يتمم عل خير

ضيفتهم وصلت يمه تجرئت ورفعت عيني اجت عيني بعينة النظرة جانت متنوصف حبيتها لنظرته ابتسم اني نزلت راسي ومشيت خفت احد ينتبه قدمت لخواته حسيتهم مثل لماعجبهم مهتميت كعدت يم امي يم الباب حسيته ييباوعلي بس اني مدنكة كلش خجلت معرف شصار بية

ابو احمد: بنتي تعرفين سبب جيتنة كلش زين ابنة رايدج عل سنة الله ورسولة اني اريد اسمع الموافقة منج تنقرة الفاتحة

طبعا هوا يحجي واني احس نفسي صرت نار امي تحجي واني اريد الكلمة تطلع متقبل تطلع

ام اريج: هاا اروجة ينتظرون موافقتج

اريج: موافقة

كلتها وشردت للمطبخ سمعتهم كالو خل نقرا الفاتحة قروها وبلشت الهلاهل اجت ام علي تهلهل وخواتة باركولي رادوني ادخل مقبلت عافوني عل راحتي ورجعوا

ميس: اروجة علي يريد يشوفج

اريج: شنووو عيني لج اني كوة فتت مااريد

ميس : اني ماعلية امي كالت افتحي باب غرفتي وخل يفوت وصيحيلها تروح تضيفة

اريج: مااريد مو ظروري مو قرو الفاتحة هاي هية