أرحمني (باللهجة العراقية )

part19

حسيت عل ميس تكعد بية شفتها جان تكولي ام علي خابرت وباجر راح يجون يخطبوج كوومي

طبعا متوقعت نصدمت هوا كال الخميس يعني قرب موتي من صدك ميس تحجي واني صافنة عل حضي اذ وافقت يعني رحت للموت برجلي واذ ارفض اكون انانية واخسر اهلي كلشي

ميس:  الوو هي وينج مو احجي وياج

اريج:  هاا

ميس:  صح النوم شكلج بعدج مكعدتي كوومي ولج باجر يجون خل نحضر لازم طلعين حلووا

اريج:  فاركيني لا اكفخج اطلعي براا

ميس:  موصوجج امداج اصلا معرف شنو شاف بيج

اريج:  ميسسس

طلعت ميس واني بسرعة كمت قفلت الباب سحبت الفون اريد اخابرة بس مترردة لازم احاول واجرب حضي احنة ممتفاهمين لازم يعوفني بس مااريد اتنازل هسة يحس ضعيفة اووف عل اساس اني شلوني هسة خابرته

علي:  الوو

اريج:  الو علي

علي:  هلا وغلا بحبيبتي لازم وصلج الخبر

اريج:  اي علي

علي:  نعم

اريج:  احنا ممتفاهمين الله يخليك تراجع وعوفني بحالي مااريد منك شي غير تعوفني

علي:  المهم اني احبج راح تتعودين علية وتحبيني بمرور الوقت هسة اريدج تجهزين وطلعين حلوا ماشي كلبي

اريج:  انت شنو من بشر قابل غصب الزواج مااريدك عوفني يااخي اكو الف وحدا غيري شجلبت بية

علي:  واني اريدج من بين هل الالف حبي واني شكلت بخصوص صوتج مينرفع تراا تعرفيني من اعصب ياحلووا

اريج:  متصيرلك جارة

سديت الفون معرف شسوي حرت احس راسي حينفجر ماكو مجال للانسحاب وصلتني رسالة منة

(اذ فكرتي مجرد تفكير انو ترفضين بمكالمة وحدا بشارع تصفين فياحبيبتي صيري حبابة ونزلي يم عمة وكليلها موافقة 😘)

دموعي تصب شلالات مااعرف شنو ارد صارت حياتي باايدة شكلي صار لازم استسلم من صدك مسحت دموعي اهلي اهم مني لازم اضحي مااريد امي تتبهدل بااخر عمرها نزلت شفت امي كاعدة عل تلفزيون ودا تاكل كيك وجاي ويمها ميس دا تكتب. صبيت جاي وكعدت يمهم

ميس:  صح النوم عيني صحصحتي هسة 😉

اريج:  نجبي مالي خلكج

ام اريج:  كاافي مناكر وانتي خلصي اريد احجي وياج

اريج:  احجي ماعندي شي

ام اريج:  ام علي خابرتني وباجر راح يمشون عليج شنو رئيج

اريج:  الي تشوفي ماما

ام اريج:  يعني شنو اني مااريد اجبرج عل شي بس علي يستاهل خوش ولد وكفلنة وكفة ماانساها لو ابني يمكن ميوكفلي هل الشكل بس هم مااجبرج اريدج تفكرين براحتج