أرحمني (باللهجة العراقية )

البارت التاسع

عائشة : وشدعواكم كبرتوهة بس رادت تعرف وترزلونهة علمود بنات الله ليعلم منين لاميهم

علي : انتي الثانية نجبي وسدي حلكج ترة انتي هم بنت تقبلين احد يحجي هيج عنج وبعدين بما انو انفتح الموضوع صاح علي

اسمعوني رايدكم بموضوع اني قررت اتزوج

الكل 😳😳

ام علي : كلولوش الف مبروك وليدي كولي منو واني اروح اخطبهة الك يمة طلعت روحي واخيرا راح افرح بيك

علي باس راس امه : يمة عمرج طويل ان شاءلله وباايدج ان شاءلله تزفيني

عم علي : مبروك وليدي كولي بنت منو هية تنروح ونخطبهة

احمد : مااصدك انت علي خاف مصخن ولك صدك تحجي جنت اتوقع انت مراح تتزوح بحياتك 😂😂

علي : وليش مااتزوج شناقصني وبعدين عمي همة عائلة على كد حالهم وابوهم متوفي وامهم هية ولي امرهم والبنية وياية بالجامعة مرحلة اولى

عائشة خنكتهة العبرة وتماسكت ومابينت الهم شي وتاجي نفسهة خليج قوية انسي ميفيدج لميريدني مااريدة لازم تبينين انج ممهتمة اهدي اووف تف علية لتافه لنذل محجة الة كدامي لازم اتماسك

عم علي : ابني احنة متهمنة الفوارق المادية اهم شي خوش عائلة ومحترمين ودز اول شي امك ومرة عمك يخطبوهة واذ وافقو نروح احنة الرياجيل ونكمل

ام علي : اي وليدي باجر اروح اخطبهة الك

علي : لايمة مو هسة عندي كم شغلة اخلصهة وبعدين نحدد موعد ونروح

ام علي : براحتك يمة اهم شي وافقت تتزوح والله فرحتني

علي : ان شاءلله دومج فرحانة يمة

عائشة باابتسامة: الف مبرووك شايف كل الخير استعجل حتة يصير عدنة عرس 😉😂

علي : هههههههه ان شاءلله

احمد : انت صدك تحجي لو تشاقة تعال ولك وين عرفتهة وشوكت احنة اليوم داومنه كوم احجيلي سحبة وطلعة بالحديقة
احمد : اي يالله احجي شنو اسمهة ومنين وشوكت تعرفت عليهة وحلوة لو لا

عائشة واكفة ورة الباب وتسمع حجيهم

علي : خررب اسكت شكد تحجي عبالك مرة

احمد : دحجي مو كاتلنة الفضول تحب من وراية يانذل اني ضلعك وصديقك مدكولي

علي : ديلا عيني على اساس انت لتحجي لو ما اجيك بالدفرات ماتحجي

احمد : هسة مراح تحجي منوو هية اكيد جكمة وعوبة ومايعة اعرف ذووقك الهمجي

علي : طاح حضك ياحيوان اني ذووقي همجي لك اصلا كلهة رقة وانوثة اوف لك تخبل تموت 😍😍😍

احمد : على كيفيك ياروميوو 😂 والله شكلك واكع صدك زين اجت وحدة وكعتك وخلصتنة منك

علي : قصدك اني وكعتهة 😏