أرحمني (باللهجة العراقية )

البارت الخامس

قدمت زينب على الخارجي وراحت للمدرسة واخذت كتب قدمت سادس ادبي وراحو للمطعم

فاتووو وشافو علي ورائد واكفين رائد وجهة احمر وعصبي

زينب واريج : السلام عليكم

رائد بعصبية : وعليكم السلام ليش متاخرات شنو اذ نطيناكم وجه يعني تستغلون الواحد يالله امشو لشغلكم

اريج بحرج : نعتذر اني اخرتهة لزينب بعد متتكرر

علي : رائد على كيفك ترة ماارضة تعيط على حبيبتي هاي مرة اخوك ان شاءلله

اريج وزينب: 😳😳😳😳

اريج : شنو حبيبتك منو كال شنو دا تحجي انت

علي بضحكة خبيثه : ههههههه شبيج حياتي وداعب خشمهة باايدة اعرف متريدين احد يعرف بعلاقتنة بس رائد مو غريب هذا اخوية ولازم يعرف واني مااتحمل بعادج واني دائما اكولج اتركي الشغل واني اصرف عليج متقبلين واني محترم رغبتج

اريج :😳😳 شنو دا تحجي انت شبيك

رائد بنضرة خذلان لاريج : روحي مرة اخوية فوتو ورانة شغل هوية. وباوع على علي وحضنة الف مبروك وتستاهل والله ربي يجمعكم بالحلال

اريج : بس قاطعهة علي ولزمهة من كتفهة : حياتي روحي للشغل ومن تخلصين شغل اجي اخذج يالله حبي

رائد : يالله روحو ترة اخصم من راتبكم هههههه

اريج وزينب راحوو

اريج بخوف وصدمة : لج زينب شفتي شسوة ياربي انيي خايفة كلش هذا شنو دا يحجي هذا اكيد اكو شي بالة

زينب : اهدي حبيبتي والله اني مثلج مصدومة ونوب رائد خطية نقهر لازم تحجيلة وتوضحيلة قبل لتكبر المشكلة هذا مبين دا يخطط لشي

نرجع شوية بالاحداث

علي طلع من الجامعة وراح للمطعم

علي بنفسة : اني اعلمج ياكلبة اني هيج يصير بية الة اخلي سمعتج بالگاع هههههههه نشوف ست اريج

وصل للمطعم وفات وشاف صديقة

علي : هلوو رئودي شلونك

رائد : هلوووات علوش والله بخير انت شلونك شلون الدوام اكيد اكو حاتت هواية 😉

علي : هههههههه عندي وحدة مكفيتني ومااباوع لغيرهة

رائد بصدمة : والله مااصدك انت تحب ونوب متباوع لغيرهة هلوو تطورات صايرة واني ماادري منوو هاي ولك الي خلتك تعقل

علي : ههههههههه اي شعبالك لعد ضفرهة يسوة الف بنت

رائد : ونوب تسوة كل البنات هذا اكيد انت علي تعال تشوو خاف مصخن ولك ومن شوكت واكع بالحب

علي : شبيك يمعود قابل وحد صار خمس اشهر اعرفهة فديته

رائد : اي ومنين تعرفت عليهة اخاف مو خوش بنت