أرحمني (باللهجة العراقية )

part18

اريج: السلام عليكم

المشرف والاساتذة: وعليكم السلام

المشرف: تعالي ست اريج صدك مهددة الطلاب ومتهجمة عليهم بالالفاظ غير لائقة

شفت الكل يباوعلي واستاذ ادم يهز برجلة ويباوعلي ينتظر تفسير واغلب طلاب مرحلتي عل وجهم ابتسامة انتصار

اريج: الصراحة اي حجيت بس متهجمت عل الكل اني مجرد حذرتهم من انو يتجاوزون حدودهم وياية

المشرف: باعي اني سمعت منهم واغلبيتهم تكول انو اتي متجاوزة عل ولد وشاتمة امة واعتقد مو من اخلاق البنت انو تجاوز هل الشكل ولاتربيته تسمح بهذا الشي مو صح

طبعا الاستاذ يحجي واني اغلي صدك نقهرت احس دموعي حتنزل لاعدائي مااتمنى هذا لموقف لان مخزي ويحسسك بالضعف وخاصة اذ ماكو اي احد يوكف وياك كلام لمشرف صدمني وقهرني لان اهلي تعبانين علية يجي مثل عماد وغيرا يحجون بتربيتي حاولت شكد مااكدر مااضعف حجيت كلشي بجرئة وبدون مااخجل

اريج: ويا استاذي مو من اخلاق شاب محترم وابن عوائل وهذا اذ كان منهم يستغل بنت فقيرة ويعيرها بفقرها ويكللها اطلعي وياي مقابل مبلغ مالي شنو ردك عل هيج تصرف تتوقع اسكت يعني صح اني فقيرة بس عزيزة نفس ومااقبل احد يدوسلي عل طرف وهذولة متسطرين وجاين ويا احب اكوللكم اني مجرد حذرتكم بس الظاهر ماكو بيك االرجال لو صدك اتو رياجيل متشهدون كذب وباطل عل بنت لاحول ولاقوة واني ممجبورة ابرر بعد اي شي حجيت كل لعندي استاذ

عماد: استحي عل طولج رياجيل وغصب عنج يا سكط

المشرف: احترموو نفسكم اتو. مو بسوك هرج اسمعو بما انو حجيتي لعندج وهما حجو لعدهم اوجه سؤالي للي جاين ويا عماد صدك الي كالته اريج

اريج: هههه شتتوقع استاذ يجاوبك اكيد مثل ماكال عماد قابل هية لعبة كل شوية يغيرون كلامهم

المشرف : الكلام مموجه الج سكتي من فضلج

الكل جاوبت مثل ماكال عماد ومتوقعة جوابهم بس الي صدمني وفاجئني استاذ ادم موقفة وكلامة

ادم: من رخصتك حضرت المشرف اريد احجي ويا عماد

المشرف: اتفضل استاذ

ادم: اسمعوا وانت بالاخص عماد اني حاضر بوقت الي صارت لمشكلة وسمعت كلشي واني محبيت احجي شي انتظرت ردت اشوف راح تتراجعون عن كلامكم واتهامكم لزور لو لا بس شفت الجواب ومجذبت من كالت اتو مابيكم الرجال فعلا مابيكم الرجال. ابن امة وابو لرجال يبين معدنة واصلة وتربيته بهيج مواقف عل عموم المشرف عدا علم وهوا حب يشوف وين تريدون توصلون وشفنه وين وصلتو ومن عدي راسبين بالشهر الاول كل واحد شهد زور باقي عقابكم عل المشرف

طبعا انصدمت من الموقف كلش بس الله مناسيني الحمدلله فتحتها بوجهي طبعا اني المشرف عفاني من العقوبة طلعت من قسم ورحت بوجهي لااستاذ ادم