أرحمني (باللهجة العراقية )

البارت السادس

عند رائد

زينب بعصبية : ليش تصلت بي كل المشاكل من تحت راسة كلكم نفس الشي والله اذ صارلهة شي ماتلومون الة نفسكم

رائد : ممكن تسكتين ومتدخلين استغفرالله الو هلا علي بعد مو صلت فد خمس دقايق واوصل ماشي سلام

علي تصلت عليه واني خايف كلش مااعرف يمكن شعرت بالذنب ضليت واكف وشفت سيارة رائد نزل وشفته دا يشيلهة اني تخبلت غرت منه ورحت ركض

علي بعصبية وخوف: رائددددددد. انطينياه اخذهة علي من ايد رائد

زينب : انت بااي حق تشيلهة حقير كل الصار بسببك الله ياخذك

علي بعصبية : سدي حلكج خلي نشوف شبيهة اخذهة وفاتو فحصهة الطبيب

علي رائد زينب واكفين برة

زينب بكائ : الله ينتقم منك لك شنو انت من بشر منين طلعتنة والله اذ صار بيهة شي محد يخلصك مني

علي : هي انتي الزمي حدودج والله لو ما بنت واكول خطية جان بسطتج

زينب بعصبية ودموع : اي هاي العايزة تعال اذ انت رجال وابن امك وابوك تعال وشوف منو يبسط الثاني

علي : والله اذ محترمتي نفسج ميصير خير

رائد : كافي عاد عبالك جهال طاح حضكم اذ اسمع صوت واحد بيكم اخليهم يطردوكم

سكتوو وبعد دقايق طلع الدكتور

الدكتور : انتو اقربائهة للبنت

علي وزينب : اي دكتور شبيهة دكتور

الدكتور : البنت تعرضت لانهيار عصبي واغمى عليهة بسبب الصدمة النفسية لازم ترتاح ومحد يتعبهة واهم شي الراحة النفسية وبس تصحة تكدرون تخرجوهة

علي : شكرا الك دكتور عادي نشوفهة

الدكتور : لا من تكعد عود فوتو شوفهة

علي : رائد اريد احجي وياك

رائد : اي امشي

طلعو بحديقة المستشفى

علي : منو لوصلهة لهاي الحالة اني تركتهة مبيهة شي صاير شي واني مااعرف

رائد بتوتر : هاا شنو يريد يصير يعني

رائد بنفسة لازم اكله خاف هية تروح دكلة واخسر صديقي خلي احجيله كلشي وارتاح

علي : والله مااعرف بس شنو لخلاهة تنهار هيج الة اذ صاير شي

رائد : علي راح احجيلك بس اوعدني هذا الشي مياثر على صداقتنة لان اني من سمعت تحبهة ابتعدت

علي : شنوو شصاير رائد ؟

رائد : اوعدني بالاول علي

علي : اوعدك احجي شصاير