كنت وسأبقى وحيدة

الجزء الاول،، كنت وسأبقى وحيدة

#كنت_وسأبقى_وحيدة
بقلمي الكاتبة#ميديا_الفهد
البارت ال1

قصتنا لهذا اليوم قصة واقعية تحكي واقع فتاة يتيمة تتعرض لأبشع أنواع الخيانة من اقرب الناس لها ،،  اخليكم تتعرفون عليها من خلال السطور القادمة ، قراءة شيقة

🌹🌹🌹🌹🌹🌹🌹🌹

سيتعبك قلبك لانك صادق وبريء اكثر من اللازم ومشاعرك تجاه الآخرين طيبة وعقوبة لذلك يخذلونك ويفاجئونك بأنهم أسوأ مما تتخيل

سيكون حزنك اكبر من قلبك ...
وكلماتك لاتصف ما بداخلك ...
ولا ذنب لك سوى أنك صادق...

فلا تستغرب اذا ماتت احاسيسك أمام عينيك
وماتت امانيك ولفظت حياتك أنفاسها الأخيرة أمام عينيك واكتشفت أن القاتل هو أقرب الناس إليك...!!!

🌹🌹🌹🌹🌹🌹

غصون.. لج نبأ شوفي منو واكف يمه فديت الوكفة والطول الحلو 😍

نبأ.. 😕 استغفر الله ربي ولج مدكليلي شعاجبج بي هذا ابو المصايب ابو البنات ،

غصون.. بلله بلا زحمه كرمينة بسكوتج ، ولج شوفي الطول والجمال غير يكطع تكطع ،

نبأ.. 😏 ونسيتي الغرور والتكبر وعيونه الي يبصبص بيهن ع البنات ، ولا ومن كل عقلهن يتعاركن عليه بالمدرسة ههههههههه ، لج بابا الجمال مو كلشي الأخلاق اهم

غصون.. خليهن يتعاركن بس وين تاليته يمي اني 😉 ولج ادري بي يموت عليه وگلبه يدك بس آلية وحدي

_عيني غصون خانم ،متابعيني الحلوين يريدون يتعرفون عليج وانتي ملتهية بالحب يلا عرفيهم ع نفسج لاتخليهم مثل الاطرش بالزفة ،

غصون.. 😂 ع كيفج عيني ست ميديا ،، ويدللون المتابعين ع راسي كلهم 😍،

يلا اعرفكم ع نفسي قبل ماانكتل من ست ميديا 😀
اني غصون مواليد 1990 وحيدة أمي ، بيضة وعيوني ملونه وكبار ،خشمي وحلكي صغار وقزومة شوية 😅 شعري طويل امي دكول ع اهل ابوج شعرهم كلهم طويل ويجنن ،اسكن بديالى

اني يتيمة من عمري اربع سنوات بابا جان يشتغل لباخ وسوى حادث وكع وتوفى ،، كعدنه بيت خالي لان اهله امي ميتين ، امي جانت دكول شفت المر بيت خالج ،لحد مااجة بابا سالم واتزوج امي واجرلنه بيت والحمدلله ابد ماشفت بي زوج الام شفته الاب الحنون جنت احسد نفسي عليه ،،

امي صغيرة وتزوجت بابا هية مواليد 1975 حلوة كلش اني طالعه عليها ، من جنت اطلع وياها كلهم عبالهم اختي مو امي لان كلش معتنية بنفسها وبلبسها ، اصلا عمرها 14 سنة من تزوجت فالفرق بينه مو هواي

طبعا بابا الله يرحمة جان يحبها حيل جان يجمع الفلس ع الفلس واشترى قطعة أرض وسجلها باسم امي ع كد حبه الها ،
بس هية ورة سنه وحدة من وفاته اتزوجت بابا سالم ،، مرات اكول حقها تتزوج لان بيت خالي كلش مزعجين وهم جنت اكول همزين اتزوجت ورباني هيج رجال حنون مثل بابا سالم