كنت وسأبقى وحيدة

الجزء الرابع عشر،، كنت وسأبقى وحيدة

#كنت_وسأبقى_وحيدة
البارت ال 14
بقلمي الكاتبة #ميديا_الفهد

غصون.. اغطي بجود نايم بعربانته ، وحسيت واحد واكف يم العربانه ،، خفت ارفع راسي بس اتجرئت ورفعته واشوف اسعد كبالي انصدمت ع تفاجئت واستغربت شنو من صدفه هاي جمعتنه

اسعد.. شلونج غصون؟؟ من شفتج يم الامام ماصدكت عيوني ، شعندج بغداد

غصون.. بقيت مصدومة ما اعرف شجاوبه رحاب دكولي منو هذا ، بقيت ساكته واباوع عليه ،، انوب جر الكرسي وكعد

رحاب.. اخويه شدسوي ومنو انت ؟

اسعد.. اني ابن عم غصون انتي الي منو

رحاب.. العفو اخويه اني جيرانهم ،، يلا اني اكوم اغسل

غصون.. راحت رحاب وإني مااعرف بين فرحانه شفت احد أعرفه بعد هل الاشهر الي كعدتها بمحافظه مااعرف ولا اندل بيها أحد ،، وبين الخايفه

اسعد .. شبيج غصون وليش هيج متغيرة شصاير بيج وين امج وزوجج ، بقلمي ميديا الفهد

غصون.. سألني ع دماري ليش گلبت المواجع خلي الجروح مسدوده خيطتها بوجعي وهضيمتي ليش تفتحها ،، راسا بجيت وخليت ايدي ع وجهي

اسعد.. ليش تبجين غصون شصاير وشجابج البغداد احجي فهميني ، #قصص_من_حياتناM&T

غصون.. اسعد اني مذبوحه اني متت كبالك جثة مو بشر ، مالي احد لا اهل ولا ناس

اسعد.. اني موجود اني واهلي ناسج واهلج ، امسحي دموعج مو هاي غصون القويه الاعرفها

غصون.. ماتت غصون القديمه خانوها وذبحوها بس بقت بالاسم عايشه بس بالحقيقه ميته

اسعد .. غصون بغلات ابوج سالم احجيلي شصاير وياج وشنو الخلاج تجين البغداد وشمسوي همام حته موصلج لهل المرحله

غصون.. كعدت سولفتله ع مصيبتي احجي وابجي ومدنكه رأسي مادري خجلانه من نفسي مدري من الي خلوني بهل الموقف  الصعب ،، بعدني ممخلصه كلامي واجتي رحاب دكول يلا خابروا علينه حته نرجع ، اباوع ع اسعد مصدوم بلي سمعه مني ،، اصلا اني لحد هسه مصدومه لان مصيبتي ما تخطر ع بال

اسعد.. اني ارجعج لا ترجعين وياهم

غصون.. لا عيب من رحاب اجيت وياها وارجع وياها ،، كالي انطيني تلفونج انطيته الجهاز كتب رقمه ودك من تلفوني ع جهازه ، وكالي انتظري مكالمتي ، وحقج اني أخذه من عيونهم

رحاب.. ولج منو هذا الشاب الجنتل كلش مرتب وحلو ، صدك ابن عمج ؟

غصون.. صدك اسعد كلش متغير صاير شخصية وسمنان شويه وصايرة عنده لحيه عبالك صار عشر سنوات مشايفته مو خمسة ، هاا اي ولج ابن عمي بس مو كتلج مااعرفهم ومتربيه يم خوالي

رحاب.. ولج مبين حاط عينه عليج ،، لان بعيونه نظرة مو طبيعيه من يحجي وياج مبين يحبج

غصون.. شنو محلله نفسيه راسا عرفتي بي يحبني من عيونه شنو فتاحت فال ومادري بيج امشي يلا بسرعه اتاخرنه ع النسوان