#كنت_وسأبقى_وحيدة
البارت ال 4
بقلمي الكاتبة #ميديا_الفهد
كملت دوام طلعت برة المعهد ولكيته جاي بسيارة صديقة واكف كبال المعهد ،، ما اعرف شحسيت من شفته بس كلش فرحت بشوفته 😍 اباوع عليه يبتسملي فدوة الهل الوجه الحسن ، انوب اني الهبله كمت ابتسمله ،
جان تجي عليه بنية من المعهد سلم عليها وكعدت بالصدر وأخذها وراح وإني بقيت صافنة ادمرت كل ضني ماتحمل ع فراكي واجاني حته يشوفني ومشتاقلي ، طلع متواعد ويه وحدة وصعدها وياه اووف ربي ليش هيج يسوي ويايه هاي لان احبه يعاملني هيج ،،
خليت الخط ينزلني يم بيت نبأ ادري بامي مموجوده بالبيت ،
اسعد.. من دخلت غصون للمعهد قلت جايتها علينه وصارت تتواصل وية نبأ بالتلفون ، اموت من الاشتياق الها وعندي رقمها بس ماكدر اتصل عليها مو من النوع الي اسوي هيج سوالف ، همزين عندي صورة الها اصبر بيها نفسي ، الصورة ماخذتها بالمدرسه هيه ونبأ، اخذتها بدون علم نبأ وكل ماشتاقلها اطلعها وابقه اباوع عليها ،
اليوم اني مارايح للجامعة ماعندي محاضرات مهمه ، بقيت بالبيت أقره اندك الباب طلعت واشوف الكمر بوجهي اويلي گلبي كام يدك بسرعة،
لابسه تنوره طويله رصاصي وقميص أبيض وهيه بيضه وأشعة الشمس تضرب بشعرها الحلو حسيتها شعاع من اشعه الشمس واكف كبالي مو بشر
هلو غصون شلونج عاش من شافج
غصون.. هلو اسعد الحمد لله اني زينه انت شلونك
اسعد .. بخير اذا انتي بخير
غصون.. نبأ موجوده؟
اسعد.. اي اي موجوده تعالي دخلي اصعدج الها ،، دخلت وتمشي كدامي اووف ياگلبي شمسوية بيك هاي المخلوقه حته تحبها كل هذا الحب ، تتمايل بخصرها دمرتني ، دخلت للغرفه وإني احس روحي رجعتلي من شفتها 😍
نبأ.. لج هلو هاي شلون مفاجئة حلوة تعالي بوستها وكعدت بس وجها مو طبيعي ، هاا غصون شمسوي هل مرة المكموع ،، بقلمي ميديا الفهد
غصون.. اول مسألتني نبأ راسا دموعي نزلت بدون وعي ولج نبأ راح اموت منوراه يحاول بكل طريقه يإذيني ،مادري ليش هيج يسوي اووف ياگلبي حبيت واحد شغلته بحياتك يذبحك ويإذيك ، كمت ابجي واسولف الها ع ضيمي
نبأ.. يلا ابجي ابجي بعد موتي روحج ولا اكولج انتحري احسنلج لان مستحيل تعيشين بالدنيا بدون همام هو الهوه والمي وكلشي مو ؟
غصون.. شنو انتي كاعده تشمتين بيه ، ترى اني جاية اشكيلج وافضفضلج اروح للبيت احسن لي
نبأ.. دكعدي عيني صايرة حساسه ، احجي هيج لان مليت منج ومليت من كثر ماحجيت وياج واكولج خلي يولي هذا ابو بنات يشلع گلبج وانتي مجلبه بي عبالك الخلقه ماخلق غيره ، ولج شناقصج انتي شو ماشاء الله تخبلين وحلوة ولج الف واحد يتمناج ويتمنى بس رضاج وانتي لازكه بهذا الخاين ،
أنت تقرأ
كنت وسأبقى وحيدة
Romansaقصة واقعية لفتاة عراقية تتعرض للخيانة من اقرب الناس لها مع الاسف، ، فماذا ستفعل وكيف تتصرف بعد أن تعرف!! قراءة ممتعة ،، بقلمي الكاتبة ميديا الفهد
