كنت وسأبقى وحيدة

الجزء الخامس،، كنت وسأبقى وحيدة

#كنت_وسأبقى_وحيدة
البارت ال 5
بقلمي الكاتبة #ميديا_الفهد

غصون.. من حجه هيج عرفت هذا ينظرلي غير نظرة وميفيد شما حجيت وياه ركضت ع بالباب اريد اطلع لكيته مقفول ، وهو يباوع عليه بابتسامه صفرة خبيثة وكام يمشي بأتجاهي ....

متت من الخوف ربي اوكف ويايه بهل ساعه ،،، تقرب مني حيل كتله باوع والله الم المعهد كله عليك وافضحك حته لو اعرف انفصل ،افتح الباب بسرعه

احمد.. معقوله انتي عكس امج لو تبيعين ثكل عليه ، ولج ادللج ادلل اووف هاي شلون عيون تموت هاي بالدموع هيج حلوات لعد بلا دموع شلون

غصون.. حصرني ع الباب وإني ابجي ماعندي سلاح غير دموعي وصوتي بس صوتي من الخوف اختفى ،اول مرة انحط بهيج موقف اصعب من الصعب استاذ فدوة وخر راح اعيط والله ،، ميديا الفهد

ردت اعيط جان يسد حلكي حيل وكالي راح افتح الباب بس صوت مااسمع واذا جبتي سيرة الأي احد معناها المعهد كله راح يعرف بأمج زين ؟ اشرتله براسي بمعنى اي، اني اريده بس يفتح الباب اريد اطلع  ، فتح الباب لو حسيت روحي رجعتلي ،،

ركضت للحمامات دخلت وكمت ابجي ، ربي اني شنو ذنبي بلي تسوي امي ربي ليش هيج يصير بيه ، بقيت كاعدة بالحمام لحد ما خلص الدرس وصارت الفرصة واسمع البنات يدخلن للحمام بس بعدني ممستعدة اطلع وارجع للقاعه بعدني خايفة من الي صار ،، سمعت الجرس طلعت ماكو احد غسلت وجهي وعدلت شعري ورجعت للقاعة بس تفكيري شارد وخايفه ليرجع هم يدز عليه هل كلب

رجعت للبيت بس وجهي اصفر لكيت بابا سالم موجود سلمت عليه ودخلت للغرفه طبعا سلمت سلام عادي مو مثل قبل احضنه وابوسه، بعد الي صار ويايه بعد ماعندي ثقه حته بنفسي ، اسمعهم بالهول يحجون ومستغربين من تصرفي ،
صاحتني الي اسمها امي حته اتغده ،بدي اشرب من دمها الي تفكر بس بنفسها وبونستها متفكر اكو بنيه وياها بلله هيه مستغنية عن سمعتها بس اني مافكرت بيه وبسمعتي ، ليش هيج ربي اخذت بابا وخليت هاي الي ماعدها مخافة لا من زوج ولا من ربها ، ربي دخيلك خلصني منها 😭 بقلمي ميديا الفهد

اندك الباب ، بابا سالم الي ميدري شيصير من وراه مخدوع بيها ، احس بالذنب لان اعرف كلشي عنها ومااحجي اله بس اخاف ميصدكني ماعندي مستمسك عليها ، وبنفس الوقت هو الوحيد الي شايلنه ويصرف علينه والأهم من هذا ماكدر ع فراكه صح يجينه كم يوم بالاسبوع بس احس بالأمان بوجوده

سالم.. بابا حبيبتي شبيج ، مريضه افتحي الباب اليوم حته مجيتي بحضن ابوج مشتاق الريحتج بنيتي

غصون.. اووف هل صوت الحنين شلون تكدر تخونه وتحب غيره ،بس حنيته تسوه عشر زلم،، حسبي الله عليج شذى ،، فتحت الباب وحضنته ونطيت بجي ، بابا محتاجتك اريدك تبقى يمي لاتروح بعد فدوة