كنت وسأبقى وحيدة

الجزء الثالث عشر،، كنت وسأبقى وحيدة

#كنت_وسأبقى_وحيدة
البارت ال 13
بقلمي الكاتبة #ميديا_الفهد

اخذت ذهب وفلوس شذى، وخليت ابني جود بالعربانه ولميت كم قطعه ملابس النه وكدت زيد
وطلعنه من البيت ....... بس ارجف وخايفه لا همام لو واحد من أهله يشوفني ،، امشي وابجي وادعي كون اطلع من المنطقه بدون محد ميشوفني انوب الشارع العام بعيد من البيت وتكسي ماكو  زيد مجلب بصايتي وجود بالعربانه وامشي بسرعه ،

مثل الكابوس من انت حياتك بخطر وتريد تركض بس رجليك ميساعدنك حته تركض وتنقذ نفسك ،، اختنكت وبلكوة اجر النفس شفت تكسي شويه بعيد اشرتله صعدت بدون ماكوله وين ردت بس يطلعني من المنطقة، يحجي ويايه الرجال وإني ماسمعه حاضنه جهالي وابجي ،

ابو التكسي.. يابه وين اوصلج ، بنتي بعد عمج وين تريدين اوديج ، بقلمي ميديا الفهد

غصون.. عمو فدوة بس طلعني من المنطقه بسرعه

ابو التكسي.. اوديج للمستشفى قصدج جهالج بيهم شي ، بيج #قصص_من_حياتناM&T

غصون.. لا عمو وديني لبغداد تكدر ؟

،، دليته ع منطقة بابا سالم اباوع ع جهالي تعبو من الطريق هاي اول مرة اطلعهم هيج مكان بعيد ،، اتذكر الي صار بيه مامصدكه طلعت من البيت احس جبل ع صدري ونزاح ، الحمد لله خلصت من الزباله الي جنت عايشة بيها ،،
بس كله مني اي اني السبب لو متحمله عيالي وتعبهم ولا الي الشفته اني دكيت رجل الا اكعد ويه شذى عبالي صارت آدمية وتغيرت بس ابو طبع ميغير طبعه ،، ردت السهل وهاي تاليتي يمكن هاي حوبة ام همام لان اخذت ابنها منها لو يمكن حوبه نبأ واهلها الي تبهذولوا بسببي ، اووف ربي سامحني 😢

ابو التكسي.. عمي وصلنه للمنطقه وين انزلج

غصون.. والله عمو ماندل البيت بالضبط بس هو نهاية الشارع بي مدرسة إعدادية ،،

ابو التكسي.. عمي راح اذبج يم المدرسه وانتي سألي
لان اني هم مو كلش اندل

غصون.. نزلت اني وجهالي وحاضنه الجنطه حيل لان بيها كلشي املك الفلوس والذهب والمستمسكات حته جنسيته بكتها من المحفظه ،، والدنيا ظهر جود اتخربط من الحر وكام يتقيء سوده عليه مريض مو مال بهذله ،

زيد.. ماما وين بابا تعبت اريد بيتنا

غصون.. ماما راح نروح ع جدو سالم متريد تشوفه جايبلك كومه العاب وحلويات،، قشمرته وسكت ، اشتريتلهم عصير وكيك من المحل وسألته لابو المحل ع بيت بابا سالم،،
دلاني ع البيت امشي وسأل لحد مندليت البيت اباوع ع الباب اي هو نفسه الحمد لله من لكيته اووف ، عيوني غوركت دكيت الباب وانفتح طلعلي طفل صغير ،، حبيبي وين خاله هناء، اكيد هذا ابن اخوها ،، بقلمي ميديا الفهد

الطفل.. هسه اصيح ماما

غصون.. راح وصاح أمه تقريبا بعمر شذى ، سلمت عليه ، انتي اخت باجي هناء مو