كنت وسأبقى وحيدة

الجزء السادس،، كنت وسأبقى وحيدة

#كنت_وسأبقى_وحيدة
البارت ال 6
بقلمي الكاتبة#ميديا_الفهد

شذى.. اي غشمي نفسج ع اساس متدرين جايج خطابه العصر

غصون ،، شنوووو 😨 ، اي خطابة ذوله ؟ مادري ليش اجى استاذ احمد ع بالي ، بس لا يريد يسوي نفسه يخطبني ويطيح حظي ،،

شذى.. خطية يعني تريدين تقنعيني انو نبأ ماكالتلج انو امها  جايه اليوم تشوفج وتطلب ايدج مني

غصون.. لا والله مادري واصلا نبأ صار الها يومين ممخابرتني ، منو كلج انتي

شذى.. اليوم امها خابرتني وكالت العصر نجيج رايدتج بموضوع، كلتلها خير شصاير كالت أن شاء الله كل خير  ، يعني اكيد رايدتج الواحد من ولدها

غصون.. صفنت عليها وسكتت ، رحت للمطبخ اووف شلون اقبل واوافق ع اي واحد غير همام ، بعدة بگلبي عايش شلون اكدر انساه واحب غيرة واتزوج ، خاف اظلم نفسي واظلم الي يتزوجني واصير مثل امي ، لان بس رادت تخلص من بيت اخوها ورضت بابا سالم صح هو ممقصر وياها ويحبها بس هيه الي متحبة وهسه تخون بي ،
اوووف اني شدااحجي اني مو مثل شذى  ،اني عندي ضمير واخلاق ،، بيج قصص من حياتناM&T

اووف ياهمام رغم كل الي تسوي ويايه وإني مافكر بس بيك وانت الله يسامحك ملتهي بعلاقاتك الي الها اول ومالها اخر ،،

اسعد.. ماصدك اليوم راح امي تخطبلي غصون ، اعتبرها هدفي بالحياة مو مجرد بنية عادية ، هيج ويضحكلي الحظ وتصير من قسمتي ام عيون حلوة

يلا يوم فدوة شوكت اوصلكم البيت ام غصون ، ماضل وكت ،بقلمي ميديا الفهد

ام اسعد.. ولك خبل الساعه ب3 ونص شعدنه رايحين الظهر ، تلحك عيني ،ولك بعدها مجاية يمك وصايرة مرتك وهيج تسوي من تزوجها شسوي يمكن تطردنه كلنه ع مودها

اسعد.. هيه بس خلي تصير من نصيبي مو بس اطردكم لا اذبحكم الخاطر عيونها 😂 وادغدغ امي ونضحك

ام اسعد.. ربي يجعلها من قسمتك وليدي ويسعدك ربي دنيا واخرة شعندي غيركم نظر عيني انت واخوانك

اسعد.. ربي يحفظج ويطول عمرج وتبقين خيمة فوك روسنة ، بستها من راسها ، وصعدت بدلت احس الساعه متمشي ايييي شوكت تصير بال 5 مو حته صبر ماضل عندي

نبأ.. ع كيفك عريسنه المستعجل ،، بس والله طالع تكطع ، بس ترى مراح يفوتوك حته هيج متأنق ولابس ،، مجرد شوفير انت 😂

اسعد.. لج انتي ليش دومج اللسانج طويل  ، يرادله كص ، لج تعالي ليش نهزمتي جبانه ، ههههههههه

غصون.. والله اني كاتله نفسي عليه وهو ولا مهتم ، شو خلي اسبح واحضر نفسي ، الي ميريدني ربح ماريدة خسارة ،
دخلت سبحت وطلعت نشفت شعري وكويته بالكاوية وخليت حمرة وردي خفيفه ومسكارا واحمر خد ، ولبست تنوره سوده طويله جانت موديل التنورة يسموها ذيل السمچة 😂 تصير كصيفه من فوك ومن جوة كلاسيك ، وبدي وردي ربع ردن ، طلعت فدشي ، طلعت الامي خليتها تأخذ خصلتين صغار وسوتلي ضفيرة صغيرة وباقي شعري مفتوح ،