كنت وسأبقى وحيدة

الجزء السابع،، كنت وسأبقى وحيدة

#كنت_وسابقى_وحيدة
البارت ال 7
بقلمي الكاتبة #ميديا_الفهد

شذى .. بنت القنادر هااي شبيج تخبلتي 😠😠 شلون هيج ادفعين الباب هيج ، وشعندج لهسه مارايحة للدوام

غصون.. عيني رحت ورجعت و كولي الصديقج مدري حبيبج خلي صديقه يعوفني بحالي تره والله احرك نفسي وارتاح منج ومن ضيمج وسمعتج الزفت

شذى.. لج ادب سزز انتي شتحجين ،،بعياط،،

غصون.. ابجي واحجي لج دمرتيني طيحتي حظي منورة اسوالفج بابه بنتج بطولج وزوجج هيبه وشخصية ويحبج شوكت تصحين ع نفسج ، وتعوفين المشي البطال كااافي رحمينه احس اني امج مو انتي ، كوليلي شنو من بشر انتي ، جان تركعني راشدي 👋 ، اي هو انتي فالحة بالضرب واللسان الزفر ماعندج غيرهن ، والله اهج وبعد متندلين دربي ،، بقلمي ميديا الفهد

شذى.. والله اكص اللسانج إذا تجاوزين عليه مرة ثانية ، انتي ليش تكرهيني اني شمسويتلج ، لج احترميني اني امج

غصون.. اني محترمتج بس انتي ممحترمه نفسج لان تمشين بطريق اعوج ، ولج ترضيها ادخل للمعهد وإني مرعوبه وخايفه لا يدز عليه استاذ احمد عبد ويهددني بيج ، ويريد اشياء مني متنحجي ، كله منوراج ومن ورة اصدقائج ،
ولج اليوم يكولي اذا ماطاوعيني انشر صور امج بالمعهد واخليج تبوسين رجلي يلا اعوفج بحالج ، وإني بطلت وكعدت يمج حته للمعهد بعد ما داوم بلكي ترتاحين ،

عفتها ودخلت لغرفتي،، بعد كم يوم امتحاناتي يعني هم دمرت سمعتها وسمعتي وهم مستقبلي دمرته ليش هيج انتي شنو من ام واعيط باعلى صوتي

شذى.. غصون افتحي الباب اريد احجي وياج ،

غصون.. ماعندي اي حجاية وياج ولا انتي امي ولا اعرفج الله ياخذج واخلص منج اكرهج انتي مو امي انتي عدوتي 😭

بقيت ابجي بالغرفه احس اخدودي احتركت من كثر البجي ، صارت بالوحدة وهمام يدك عليه ونبأ ، مالي خلك احجي ويه اي احد ، جابتلي امي الاكل وتريدني افتح الباب وإني ابد ما فتحته ولا طلعت من الغرفه اصلا ماريد اشوف وجها ، بقلمي ميديا الفهد

شذى.. غصون افتحي الباب حبيبتي ، انطيني فرصه احجي وادافع عن نفسي وانتي بنفسج احكمي ،

غصون.. فتحت الباب ،شتريدين بعد اكثر دمار ودمرتيني بعد شتريدين ؟

شذى.. اني اتزوجت وإني صغيرة بعدني كلشي مشايفه من حياتي وعمامي زوجوني لابوج ، بحجة حلوة ويخافون عليه وزوجوني بحجة الزواج ستر ، جنت طفله عبالي الزواج بدله بيضه وموسيقى وركص ،
مادري بي مسؤوليه رجال وعيال ظالمين عيشوني اسوء ايام حياتي خدمت خدمه بس الله يدري بيه ، وانضربت ونهانيت حته من ابوج ، لان يتيمه وماعندي لا ام ولا اب عندي اخ ظالم اكثر من عيالي ، الي همه اهل ابوج , ماصدكت ابوج طلع بيه من أهله بعد ما انتي صرتي ، بس بقه يشك بيه ويضربني وإني كلشي ممسوية منورة حش أمه وخواته يزنون براسه،واني حته مخاينته كمت اكره نفسي وجمالي بسبب ابوج جان عمري عشرين سنه يمكن ، جنت رايحة للسوك وشافني ايسر ، شاب وبكدي ومرتب وحلو مو مثل ابوج هدومه كلها ريحة جص من العماله وصبغ ، وفوك هذا كله اكبر مني ، ايسر شوفني اهتمام وحب بحياتي مشايفته فتح عيوني ع هواي اشياء بالحياة ، وحبيته