كنت وسأبقى وحيدة

الجزء الثالث،، كنت وسأبقى وحيدة

كنت وسأبقى وحيدة
بقلمي الكاتبة #ميديا_الفهد
البارت ال3

همام.. يعني امنعج من اسعد ورة ساعه اشوفج كايدة رجل امج وتتمضحكين ناوية اجلطيني انتي ؟؟ 😠

غصون.. رفعت رأسي وشفته وجفلت يمه هذا شجابة هنا شنو جني وين ماروح يطلعلي ،، أول مشفته رجعت دنكت ع العارضة مال مقبلات وارجف اويلي هسه يسويلي فضيحه لاصارت ولاستوت ،، انوب بابا اجة وكف يمي ،،

سالم.. هاااا غصونتي اختاريتي شي

غصون.. ها اي بس بصوتي رجفه ،، اخذنه الاكل والمقبلات وإني أفلت ولا حته باوعت عليه ، صعدت السيارة ومدنكه سويت نفسي انظف بعباتي اهم شي ماشوف وجه ، بلا هذا شجابة بهل الظهرية للمطعم امداني وامده حظي الاعوج ،، 😔

همام.. بعد الحضن والبوسه الي اخذتهم من حبيبت گلبي ،رجعت للبيت فرحان ومبسووط والضحكة متفارك شفايفي ،تلكتني امي ولك عايفني وحدي واجو بيت خالك وإني ماعندي غدة روح جيب اكل من المطعم ،، رحت للمطعم همه جماعتي كعدت يمهم واسولف واشوفلكم غصون لأزمة ايد رجل امها وتحجي وياه وتضحك يابه احسن نار اكلتني أكل ،،انوب راحت ركبت السيارة وحته ماباوعت علية ،، اوووف ادري بي رجال جبير وهو الي مربيها، والعالم كلها تحلف بي وباخلاقة بس يبقى رجل امها مو ابوها 😤

غصون.. رجعنه للبيت ولكينه شذاوي منظفه البيت ،، لاستغربون من كلت شذاوي مو ماما لان من نطلع سوى دكولي لا دكولين اني امج ولا دكولين ماما عود اني اختج ،، اضحك ع عقلها واسكت مرات احس هيه المراهقة وإني امها ، المهم بس كون تستر علينه وع نفسها من هاي المراهقة الزايدة الي مادري وين راح توصلنه ، بيج #قصص_من_حياتناM&T

شذى.. جيبوا خلي احظر الصينيه

سالم.. كعدي انتي مريضه هسه بنيتي الحبوبه تحظرها ،شلون صار راسج ؟؟

غصون.. حاظر بابا ، اخذت العلاليك وعفتهم وهيه مسوية نفسها كلش المسكينة المهظومه، اتخبل منها ومن سوالفها ومن صديقاتها الي مو راحة ،، صبيت اكل وكعدنه اتغدينه وانوب اني رحت الغرفتي وهمه هم راحو الغرفتهم،،

طبعا بابا مصار عندة طفل ،سمعت ماما تحجي ويه صديقتها مرة دكول طلع عنده ضعف ودياخذ علاج ، مرت عشر سنين ع زواجه من ماما ومصار عدهم طفل  ،،  وبابا بعد مجاب طاري الاطفال ويكول اني الله رزقني ببنية وردة بعد شسوي بالجهال ،

نبأ.. كاعده العصر اقرة ودك عليه رقم غريب ، جاوبت عادي

📞الوووو

📞الوووو هلو نبأ

📞منو انت ؟

📞 نبأ اني همام بداعت الله لا سدي ادري بيج تضوجين مني ،،

📞انت شتريد وشلون جبت رقمي ،، اكيد هاي غصون مو ؟

📞لا وربج مو غصون ،غير وحده انطتنياه ،، الي اريدة احجي ويه غصون ،تكدرين تروحين الها للبيت فدوة