#كنت_وسأبقى_وحيدة
البارت ال 16 والاخير
بقلمي الكاتبة #ميديا_الفهد
المحامي.. بس هاي حجتنه الوحيدة ميصير كل شويه برأي غصون ، تريدين تطلكين لولا ؟؟؟
اسعد.. غصون بعد ربع ساعة موعد الجلسة وادخلين للقاضي شنقدمله وشنحجي مدكليلي
غصون.. الله يخليكم بس اسمعوني ليش تحكمون عليه بدون متفتهمون ليش اريد اسوي هيج ،
استاذ ماكدر اقدم التسجيل لان اريد اخلص من همام نهائيا ، اذا قدمت التسجيل هم راح ننفضح كلنه وابني يكبر وأبوه بالسجن ويعرف الي سواه وإني ماريد ابني من يكبر يعرف حقيقه أبوه ،
وبعدين همام راح ينسجن كم سنه وتالي شنو يطلع يدور عليه وارجع بنفس الدوامه يعني ماراح استفاد شي ،
انوب اذا تزوجتك يا اسعد شنو اليضمن من يطلع من السجن مايخذ ابني مني بحجه اني اتزوجت وميريد ابنه يتربه عند واحد غريب ، وإني مااضحي بأبني ع مود اي واحد حته لو روحي بيك كافي خسرت واحد ممستعدة اخسر الثاني ،
والسبب الثاني امي هم ماريدها تنفضح كافي سقطت من نظري ماريدها تنسجن تبقى امي مهما سوت ، وإني سلمتهم بيد رب العالمين هو الي ياخذلي حقي منهم
اسعد.. لعد شنو الحل غصون لا تخبليني ، تره عقل ماضل براسي ،
المحامي.. عرفت بشنو تفكرين ،، شلون فاتتني ، انتي صح ،، راح انجمع بي هو والمحامي مالته ، وراح اشوف شيكولون
غصون.. اني اريد اكعد وياكم واسمع كلشي
اسعد.. ترة رأسي افتر فهموني شنو راح يصير لا تخلوني مثل الاطرش بالزفة
المحامي.. راح ادخل للقاضي أأجل الجلسه ، وافهمك
غصون.. طب المحامي واجل الجلسه وحجه ويه المحامي مال همام ، وطلعنه بالحديقه مال المحكمة كعدنه
المحامي.. بعد ماسمعتوا التسجيل ، اكدر اكولك أحنه من اول جلسه نربح القضية واقدم للقاضي قضية تعويضية وانت محامي مثلي وتعرف موكلك خسران بدون نقاش
همام.. طلعتي مو قليله كح...
المحامي .. اي تجاوز او سب راح تتسجل عليكم وإني خال هذا الشرطي شاهد لاي شي يصير
محامي همام.. همام اسكت مو بصالحنه اي تصرف غلط منك،، اي استاذ اكيد انت كعدت ويانه حته تتفاوض ويانه ،، شنو تريد اختصر الموضوع
المحامي.. ماراح نقدم التسجيل للقاضي وبالمقابل موكلك يطلك موكلتي ويتنازل عن الطفل لموكلتي
همام.. انت شتحجي طلاك ماطلك وابني ماتنازل عنه لا الها ولا الاي شخص
المحامي.. خلص لعد المحاكم بينا اذا متريدون تنحل بيناتنه ،، بس خلي بالك اقل شي اجيبلك حكم بالسجن عشر سنوات ،، والطلاك مضمون بوجود التسجيل هذا والحضانه اصلا من حق الام بالإضافة للتعويض المادي بسبب الأضرار الي سببتها الموكلتي، فعادي منا العشر سنوات من تطلع اكدر اسويلك الف سالفه ويمكن اسفرهم وبعد متلكاهم وعود اخسر عشر سنوات من عمرك ع الفاضي بالاضافه للفضيحة الك والاهلك بديالى وداعتك اخليك تكعد ع الحديدة حته الاعلام اخلي يفضحك
أنت تقرأ
كنت وسأبقى وحيدة
Storie d'amoreقصة واقعية لفتاة عراقية تتعرض للخيانة من اقرب الناس لها مع الاسف، ، فماذا ستفعل وكيف تتصرف بعد أن تعرف!! قراءة ممتعة ،، بقلمي الكاتبة ميديا الفهد
