Cinderella and the Seven Dorks

Chapter 7: 1st Mission Attempt

Shayne's POV

Nandito ako ngayon sa dorm nagluluto ng hapunan habang hinihintay na dumating ang BTS. Ang rinig ko kasi kay manager Sejin, tuwing gabi daw ay pumupunta sa club yung ibang members at umuuwi sila sa dorm bago dumiretso sa club. Ngayon ko sana sila kakausapin tungkol sa pagtira dito sa dorm.

Simula nang sinabi sakin nina manager Sejin at Bang Pd yung unang misyon ko, ang dami ko na ring nalaman na impormasyon tungkol sa trabaho ko at sa BTS.

Sa lahat pala ng mga managers ng BTS, si Sejin ang main manager. Yung mga stylist naman nila at iba pa nilang mga staff, masyado kasi silang madami kaya wala pa akong kilala sa kanila. Ang tawag ko lang ay oppa at unnie, mas matatanda naman sila kesa sakin eh hehe.

Sinabi narin sakin nila manager Sejin at Bang Pd ang dapat kong malaman na basic information sa bawat miyembro ng grupo.

From oldest to youngest ay si Jin, Yoongi, Hoseok, Namjoon, Jimin, Taehyung at Jungkook. Ang mga vocal line ay sina Jin, Jimin, Taehyung at Jungkook at ang rap line ay sina Hoseok, Namjoon at Yoongi.

Ang hometown ni Jin ay sa Gwacheon, kay Hoseok ay sa Gwangju, Namjoon ay sa Ilsan, Yoongi at Taehyung ay sa Daegu at si Jimin at Jungkook sa Busan.

Ang official debut nila ay noong June 12, 2013, madami na silang na-release na albums pero ang pinaka-recent nila ngayon ay ang 'Love Yourself: Her'

Sobrang malapit daw ang mga members dati nung hindi pa nagbabago si Jungkook, pero simula daw nung nag-away sina Jungkook at Taehyung ay dun na unti-unting nabuwag ang pagkakaibigan ni Jungkook sa mga ka-member niya at ganun nadin yung ibang members sa isa't-isa.

Gusto ko sanang malaman kung anong dahilan ng pag-aaway ng dalawa pero ayaw kasi nilang sabihin eh. May tamang panahon daw para dun. Tska baka kasi masyadong personal kaya hindi ko nalang babalak alamin. Instead, magfo-focus nalang ako sa trabaho ko.

Balak ko sanang kausapin nalang si Namjoon tungkol sa misyon ko, tutal siya naman ang leader nila. Pero naalala ko yung sabi ni manager Sejin na hindi pala nakikinig dun sina Taehyung at Jungkook, kaya kahit labag sa kalooban kong sila ang direktang kausapin ay wala akong magagawa.

Dahil kinagabihan na ngayon at hindi ko alam kung anong iluluto kong hapunan para sa kanila, nagluto nalang ako ng adobo.

Sabi kasi nila manager Sejin na kasama daw sa trabaho ko ang pag-aalaga sa kanila. Tsaka aarte pa ba sila? Ang sarap-sarap kaya ng adobo. Maganda na rin yun dahil baka hindi pa sila nakakatikim nun sa tribo nila. Puro kasi ramen, kimchi at korean barbeque nalang ang kinakain nila. Experience na rin yun para sa kanila.

"Ugh. You again." rinig kong sabi ng nasa likod ko habang inihahanda na yung adobo na hapunan niya. Hmmp, alam ko naman na si Jungkook yun kaya nilingon ko siya

"Sino siya, bro?" tanong ng isang pamilyar na lalaki kay Jungkook, alam kong miyembro din siya ng BTS at nagkita narin kami in person dati, pero ang sigurado ako ay hindi pa kami nakapag-usap kaya hindi pamilyar sakin ang boses niya.

Kulay pula ang buhok niya at medyo katangkaran din siya, mas matangkad lang siya ng konting-konti kay Jungkook. At ang napansin ko din sa kanya ay kung ikukumpara mo siya sa ibang ka-members niya, siya yung pinaka-maamo ang mukha, nakita ko narin siyang ngumiti at ang genuine pa ng smile niya. At mukha naman siyang friendly, hindi katulad ng mga ka-members niya na ang susungit tingnan.

Simula nang pinirmahan ko yung kontrata sa pagta-trabaho dito, sinimulan ko narin kabisaduhin at itsura at pangalan nila. At sa tingin ko yung may pulang buhok na yun ay ang pangalan ay Hoseok? Oo tama, Hoseok nga ata ang pangalan niya.