*** ما تنسوا التصويت على اجزاء الرواية وما تحرموني من تعليقاتكم ***
يا جماعة قومو البيت بحرق اميييييي ابووووووي اطلعوا البيت بحرق ........دالياااااا ديما وااااي اطلعو ........يا جماعة اطفو معاي الحريق بيتنا حرق يا جماعة اتحركو ليه واقفين بتتفرجو اهلي كلهم جوة حرام عليكم .......مافي زول من الحواليها اتحرك و البيت اسود من النار الهابة فيهو ......مشت دلال و هي جارية تفتش موية تطفي بيها النار بس ما لقت و مافي زول ساعدها .......اعوذ بالله من الشيطان الرجيم اعوذ بالله من الشيطان الرجيم يا ربي انا تعبت من الحلم دا كل مرة احلم نفس الحلم دا اعوذ بالله من الشيطان الرجيم.......مشت دلال اتوضت و صلت .......و البيت صاني مافي زول صحي ......مشت على غرفة داليا اختها .......ادخلي ......يا بت لي اسي بتتونسي في التلفون مع خالد الواطة اصبحت ......خلاص حبيبي مع السلامة بعد كدا ياداب انوم .......مالك يا دلال في شنو من وش الصبح تخبطي في الباب ........حلمت نفس الحلم يا داليا انا ابتديت اخاف .......ما تقولي لي حريق ......اي يا داليا ياخ حلم مخيف شديد حريق قايم في البيت و مافي زول عايز يطفيهو ......انتي عارفة مما بديتي تصلي الحلم دا بقى يجيك دا شيطان بكون .......داليا انا مستحيل اخلي الصلاة بعد وتعودت عليها ......يابت ما قصدي ليك تخليها ساي دي ملاحظة انا بديك ليها و ربنا يهديني انا كمان و اختك و امك و ابوك و نصلي .......يا داليا والله انتو مصعبين الموضوع الصلاة دي ما دايرة ليها اتنين تلاتة بس حاوليها في وقتها و بالارادة و الاصرار بتلقي نفسك اتعودتي عليها و ما بتخليها ......يابت انك لا تهدي من احببت و بعدين امك و ابوك ما حصل ركعوها عشان كدا نحن شايفنها قاسية .......دي شنو القاسية دي يابنات ......يابت قولي صباح الخير ......صباح الخير كيفكم .......ديما دلال قالت شافت الحلم بتاع الحريقة ما لاحظتي حاجة .......حاجة شنو يعني ......يابت الحلم دا بدا يجيها لما بدات تصلي ......يا بت صلاة شنو انتو بنات وهميات ساي اساسا انا ما مؤمنة......قاطعتها داليا يابت ما تكملي استغفري ربك ما تقولي كلامك دا تاني ......داليا اسي انتي يعني عايزة تباري لي دلال و تبقي شيخة زيها .....حتى لو ما بقيت زيها انا بتمنى ربنا يهديني و اقدر التزم زيها ......عليكم ياخ دا موضوع عاضي اسي في قروب اسمو سودانيون لا ي دينيون .....ديما ممكن ما تبثي لينا افكارك المسمومة دي معقول ياخ للدرجة دي انتي .......ياخ خلاص غيرو الموضوع ......دلال انتي طالعة ولا شنو .......ايوة طالعة لكن يا جماعة خايفة ابوي ما يخليني اطلع ........اتسحبي براحة و امشي ما بعرفك ......ما بقدر اعمل كدا انتو عارفين انا جبانة .....ديما ضربتها في كتفها انتي يابتي ماشة وين متكربة و متخمخمة كدا .......ماشةص اول الاقي خنساء صحبتي و بعدين بمشي الاقي عزو ......انتي عارفة يا دلال خربوك خنساء و عزو ديل .......داليا قالت ليها خربوها كيف يا ديمة بالعكس البت ماشة في الطريق السليم ......خليتكم مخيرين انا ماشة غرفتي .......يا دلال ما تشتغلي بي ديما دي داخلة ليها في قروب بتاع ملحدين و اقنعوها ما تشتغلي بيها و بعدين انتي خليك وسطية يعني كمان ما تطبزيها و تبقي متعصبة .......لالا يا داليا انا بس كان التزمت بي صلاتي و حجابي ما عايزة تاني حاجة ......الله يكملك بي عقلك حبيبتي ......صرت ليها عينها اها خالد كيف .....تمام والله كل مرة بقول لي جاي قريب جاي قريب ما عارفة حيجي متين ......يا سلام نفسي عزو يحبني زي خالد ما بحبك ......يابت قولي ماشاء الله ......ماشاء الله الله يسعدكم حبيبتي ......تسلمي لي يلا انا بعد كدا ياداب عايزة انوم اتخارجي مني ......دلال طلعت و هي متوترة و خايفة و ما عارفة تقول لي ابوها شنو عشان يخليها تطلع ......
السلام عليكم يا عمي الشاذلي كيف اصبحتو ؟ .......بخير يا ولدي اتفضل ان شاء الله خير ......نحن طبعا ناس شركة (....) للمواد الغذائية نزلنا ليكم بضاعة بي20مليون قبل كم شهر و بس جيت عشان السداد ......الشاذلي عاين للولد بي مكر و عاين لي الشغال معاهو في الدكاكين حقتو ......قال ليهو طيب وين الفاتورة انا اعرف كيف انك.تبع الشركة ......اداهو الكرت بتاعو و البطاقة و قال ليهو للاسف حصلت مشكلة في النظام بتاع الشركة و اتمسحت البيانات و الفواتير بس انتو اكيد عندكم نسخة و دا اثبات الشخصية و ديك عربية الشركة و انت يا عم الشاذلي بتعرفني .......عاين ليهو قوي اعرفك كيف انا بجوني مية زول من مية شركة و اساسا انتو ما عندكم عندي بضاعة ولا قرو ش امشي يلا لما تلقو الفاتورة .....لكن يا عم الشاذلي الفاتورة عندكم هنا .......يا زول ما عندي اي فاتورة و تاني ما اشوف وشك و شركتكم دي زاتو تاني ما داير منها حاجة تعاملكم زفت ......لكن يا عم الشاذلي ......وييين الفاتورة وييين ما يثبت يا زول انت بتتكلم ساي ......في الزحظة ديك دخلت دلال الدكاكين ......انتي يابت الجابك شنو ولابسة ماشة وين .......الولد عاين لي صاحب الدكاكين و مشي خلاهو.......ابوي والله ماشة الاقي خنساء صحبتي......يابت خنساء دي بس انتي البتمشي ليها هي ما بتجيك ......يا ابوي ما ماشة ليها في بيتهم ماشة الاقيها برة ......لالا يابت امشي ارجعي دا كلام فارغ خليها هي تجيك ......لكن يا ابوي انا خلصت جامعة و محبوسة في البيت ......يابت قلت ليك امشي من قدامي ......مشت دلال و هي تجرجر اذيال الخيبة في مشوارها الضارب من الاول .......دخلت و لقت امها ......قال ليك ما تمشي صاح .......عليك يا امي فيها شنو لو مشيت ......انتي ذاتك ما فالحة زي داليا و ديما بمشو و بجو ولا بجيب خبرهم .......امي انا ما عايزة اعمل حاجة من وراهو موش انا ما بغلط ما بتدسدس .....ديما جات طايرة بي كباية النسكافي ......يعني قصدك نحن بنغلط ......لالا ما قصدي شي .......انا بعدين بطلع و بسوقك معاي ......لالا خليني عليك الله حردت الطلوع زاتو ......دلال طلعت غرفتها و اتصلت بي خنساء .......ما جاية يخسي عليك ليه ياخ ......والله ابوي رفض هو اصلا صعب انتي ما عارفة .......اي والله بس يعني ما حيخليك تطلعي خالص ......ما بخلينا نطلع خالص يابت حتى اخواتي الكبار إلا بالدس ......لالا ما تعملي كدا خلاص عندي ليك فكرة انا بجيك في البيت واتعرف بي ناس بيتكم و هو اكيد حيطمن عليك معاي صاح .......احتمال ما عارفة نشوف ......خلاص طيب انا بتصل بي امي و اكلمها و اجيك ......خلاص تمام .....
يتبع.....
