.دي درست معاك في نفس الكلية .....ايوة يا بابا .....بالله ماشاء الله .....من وين انتو .....نحن من (....) ماشاء الله بالله ؟ .......خنساء يدها عرقت من المسكة الطويلة حتى فكاها ليها .......خلاص يا عمو خلي دلال تجيني في البيت .......دلال لالا انتي ما تجيها ......اي انا بجيها بس هي لو ما جاتني تاني ما بجيها ......خلاص بتجيك أن شاء الله ......طيب انا بمشي عن اذنكم ......دقيقة يا بت اكرمي صحبتك خليها تشيل حاجة من الدكان .......مشت دلال شالت كيس و بقت تخت ليها في الحاجات من البقالة شي معلبات و شي بسكويت و شكولاتة عصائر ......يابت كفاية عايزاني اشيل الدكان في راسي و امشي ......يابت ابوي ما بقول شي ابوي كريم شديد يابت ......ملت ليها كم كيس و ركبتها امجاد و شالت من ابوها قروش ادتها في يدها و مشت خنساء و هي ماشاء الله محملة ّّ.......
السلام عليكم امي كيف اهلا يا بتي دا شنو دا كل دا من وين ......اقيفي بحكي ليك يا امي كدي دخلي معاي الحاجات و نخت الغداء ........ختو الغداء و خنساء أثناء الغداء بتحكي لي امها و ابوها عن ابو صحبتها الكريم و هو اساسا عندو مجموعة من الدكاكين في بيتو شغال فيهم ........و حكت ليهم بانهم ناس غنيانين ما كنت فاكرة انهم كدا .......السلام عليكم ماشاء الله دا شنو الليلة الاكل السمح دا مربى و طحنية و اناناس و معلبات و الحياة الباسطة دي .......يا ولد كدي تعال وينو دواء ابوك ........يا امي دقيقة و جا عليهم و هو بفتح في علبة. اناناس و شايل باليد التانية قزازة.مازة كبيرة .......دا شنو يا حسين نحن فاتحين علبة ما خلصت كدي تعال .......ياخ انا جاي جيعان و عطشان خلوني استمتع .....دا بدل ما تقول جبتو الحاجات دي من وين ......عاين لي خنساء و امو و ابوهو .......اساسا ما مهم بتكم مربينها كويس اكيد ما عملت حاجة حرام ولا سرقت و انا بهمني اكل و اشبع بس ......خنساء عاينت ليهو و ختت كباية الشاي و قبلت علي ابوها ......يا ابوي نسيت اوريك جبت ليك الدواء الحمدلله و كمان كمية بتكفيك كم شهر لحدي ما ربنا يفرجها ......ابوها و امها بقو يدعو ليها ......
دق باب غرفة دلال بعد المغرب ........ادخل ......داليا جات و هي ماسكة التلفون و بنطط ......يا بت براحة الواطة حتتهد من فوقنا براحة ما حاسثة بي حجمك و فكت الضحكة ......يخسي عليك دا بدل تقولي لي اها فرحانة مالك ......اها المفرحك شنو .....خالد جاي يا دلال خلاص الحمد لله و قال طوالي بجي يطلبني من بابا .......اختها قالت ليها ماشاء الله مبروك مقدما ......اصبري لما بابا يوافقك .....اكيد ابوي ما حيرفض لانو دا ولد اختو و ماما ما اظن عندها مانع و اساسا انتي ما صغيرة ..ّّّ......يخسي عليك قصدك شنو يعني .....ههههههه خلاص خلاص معليش ما قصدي يعني قصدي لو بابا و ماما ما وافقو يكونو بالغو يا داليا ياخ لو رفضو انا بسمح ليك تمشي تتزوجي براك ههههه .......ادعي لي ربنا يتمم علي خير......الله يتمم ليك على خير حبيبة .......جات ديما داخلة دا شنو يا بنات الهزة الارضية الحاصلة هنا دي ........هههههههه ضحكو دلال و ديما و طقو يديهم مع بعض و داليا كشرت وشها و هي بتدلع يخسي عليكم دايما بتحسسوني اني سمينة اعمل ليكم شنو و بابا قافلنا في البيت اكيد دي النتيجة .......بس يا داليا زمان كنتي بتطلعي .......زمان كان خالد قاعد بس مما سافر نادر اطلع .......خلاص يا ستي انتي في الحبس تعملي عكس الناس تخشي صالة زومبا تنزلي شوية ......انتو بس ادعو ربنا يتمم علي خير.....دلال قالت اللهم امين يارب العالمين .......ديما عاينت ليها و سكتت ......يا بت ما تقولي امين .......يا بت امين شنو عليكم تاني قبلتو علي الاوهام دي .......استغفري يابت ......استغفر شنو .......لا حول ولا قوة إلا بالله ......تاني جينا للخزعبلات و الالهة و الكلام دا ......داليا قالت ليها خلاص خلاص خليناك ........ديما مشت غرفتها و هي فرحانة لي اختها برضو و قعدت و دخلت الفيس و لقت رسائل من صحباتها قالو ليها في ندوة في المكان الفلاني لي سودانيات ضد الحجاب لازم تجي تحضري الندوة ......قالت ليهم اكيد اول زو ل في المقدمة .......
حسين طلع بدري من البيت ماشي على شغلو لاقى صاحبو في الشارع ........كيف يا ابو الشوش ياخ ......تمام والله الشوق و الريد .....بالاكتر والله ......دقيقة يا حسين عندي ليك مشروع يكسب دهب ......اها شنو اكيد معاك ......تعال نقيف هناك ......مشي وقف معاهو ......المشروع يا سيدي بيع دواء كمية ......دواء شنو ....(......) .......لالا يا زول دي جريمة ......يا عمك جريمة شنو دا دواء دواء يعني نحن ما عندنا شغلة الناس تستخدمو كيف و القصة دي فيها مكسب ......يا زول دي حاجة حرام و بعدين الدواء دا ما بتباع ساي إلا بي وصفة طبية و بعدين منو القال ليك انا بس همي اجني قروش كتيرة من اي مصدر .....لالا يا عمك ......لالا انا معترف اني بخيل و جبار واي شي و القرش دا عزيز لكن ما بدخل على مال حرام مهما حصل .......خلاص انت البتسوي فيهو اسي دا ما حرام اختك هي البتصرف عليك و على امك و ابوك و هي الصغيرة و انت شحط كدا ما بتحس .......يا زول ما عندك بي شغلة مالك و مالي و انقلع من قدامي بالله .......مشي حسين واصل في طريقو .....
خنساء استحمت و طلعت مشت المكتبة فتحتها و لقت صاحب المكتبة لسة ما جا حمدت الله و قالت ان شاء الله ما يجي ياخ الليلة ........بداو الناس يتوافدو العايز يصور و العايز يطبع و العايز يشتري ورق و اقلام و كراسات و غيرها .......
دلال تعالي عايزك ضروري ياخ من امس بفتش ليك .......في شنو يا طروقة شكلو الموضوع مهم ......مسكها من يدها و دخل غرفتو و قفل الباب ......ههههه شكلو حساس كمان .......حساس شديد انتي صحبتك الامس دي من وين ......اهااااا فهمتك ما مرتبطة ههههه .......ياخ اصبري هي من وين و اهلها وين .......قلت ليك ما مرتبطة ما مرتبطة و اهلها ناس بسيطين شديد و هي عسل قلبها ابيض و ملتزمة ..ّّّّّّ.....يا سلام دي مواصفات فتاة احلام كل شاب ما تبالغي الجمال و الرقة و البساطة و الالتزام ؟؟ ......والله جادة معاك شديد و انا بشجعك شديد على انك تتزوجها لانو حالتهم وو ضعهم يحنن و هي من كانت في الجامعة شغالة عشان تعيل الاسرة ......ابوها وين ما عندها اخوان ......ابوها زول مرض و كان شغال بس رقد لانو كبر و تعب و بعدين عندها اخو نكتة جبار شديد و بدات تحكي ليهو بالتفاصيل ........النكتة انو اخوها قبل كدا شافني معاها و قال عايزني هههههههه ......طبعا هي رفضت قبل ما انا اديها راي حتى .......يا سلام خايفة عليك من اخوها الجلدة دا ......خلاص انا بعرسها و بشيل أجرها ههههه .......غمزت ليهو اجرها برضو يا مفتري البت عسل قال اجرها قال .....ياخ ما خلاص بطلي اصلو الزول ما يكون عندو معاك موضوع .......والله صراحة انت اخو عسل و مختلف من باقي الأسرة عشان كدا بتمنى من جوووة قلبي تكون من نصيبك لأنكم مناسبين لي بعض شديد ......عليك الله ؟ كيف مختلف دي.......ياخ انت ما عارف عشان انت الولد الوحيد وسط البنات رباك جدي و طلعت ملتزم ......بالله دا اسي التزام عليك الله ما تبالغي ......لالا يعني على الاقل بتصلي ما ......خلاص خلاص فهمت ربنا يهديهم .......اها يلا انا عايز ليها تلفون ولا طريق ......يا سيدي تلفون ما بديك لانها بتزعل انت خش ليها بي طريقتك انا بوصف ليك المكتبة الشغالة فيها و انت امش شوفها ......تكوني ما قصرتي ......
يتبع.....
